完整藏文原文 · 德格版页 当前仅加载第 56 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ནུ་དང་། གནོད་སྦྱིན་གྱི་བུ་མོ་དང་། ཤ་ཟ་དང་། ཤ་ཟ་རྒན་པོ་དང་། ཤ་ཟ་གཞོན་ནུ་དང་། ཤ་ཟ་གཞོན་ནུ་མ་ཇི་སྙེད་པ་རྣམས་དང་། འགྲོ་བ་རྣམས་ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། སྐར་
D136.056.0148a01.01མ་ཇི་སྙེད་པ་དེ་དག་ཐམས་ཅད་མིག་མཆི་མས་གང་སྟེ་མྱ་ངན་བྱེད་ཅིང་སྨྲེ་སྔགས་འདོན་ལ་ངུད་མོས་འདེབས་ཤིང་ཡང་དང་ཡང་དུ་སྨྲེ་སྟེ། སྡུག་བསྔལ་ཞིང་ཡིད་མི་བདེ་ལ་མྱ་ངན་གྱི་ཟུག་རྔུས་གཟིར་བས་ལག་པ་གནམ་དུ་བསྒྲེང་སྟེ། ངུད་མོས་འདེབས་པར་བྱེད་དོ། །ཡང་ཁ་ཅིག་
D136.056.0148a02.01ནི་ལག་པ་སྦྲེལ་ཅིང་ངུའོ། །ཁ་ཅིག་ནི་ཕན་ཚུན་མགོ་སྤྲད་དེ་གཅིག་གི་གདོང་དུ་གཅིག་ལྟ་ཞིང་ངུའོ། །ཁ་ཅིག་ནི་ཁ་གདངས་ཏེ་ཉམ་ཐག་པའི་ང་རོ་འབྱིན་ཅིང་སྨྲེ་སྔགས་འདོན་ལ་དབང་པོ་ཉམས་ཤིང་བཞིན་གྱི་དཀྱིལ་འཁོར་མོག་མོག་པོར་གྱུར་ཏེ་རྐང་ལག་སྒྱུར་ཞིང་ངུའོ། །ཡང་དེ་ན་ཁ་ཅིག་ནི་
D136.056.0148a03.01གཅིག་ལ་གཅིག་ལྟ་ཞིང་ངུའོ། །ཁ་ཅིག་ནི་ཀླད་པ་རྡེབས་པར་བྱེད་དོ། །ཁ་ཅིག་ནི་ལག་པ་གཉིས་ཀྱིས་མགོ་ལ་རྡེབས་ཤིང་ལུས་རབ་ཏུ་སྙོན་སྨོངས་པར་བྱེད་དོ། །ཁ་ཅིག་ནི་མིག་སྒྱུར་ཞིང་ངུད་མོས་འདེབས་ལ་རྐང་མཐིལ་བསྲེགས་པ་བཞིན་དུ་སྒྱིད་པ་འདར་ལ་ཆོ་ངེས་འདེབས་ཤིང་སྨྲེ་
D136.056.0148a04.01སྔགས་འདོན་ཏོ། །ཁ་ཅིག་ནི་ཨེ་མའོ་སངས་རྒྱས། ཨེ་མའོ་སངས་རྒྱས་ཞེས་སྨྲེ་སྔགས་འདོན་ཅིང་གདོང་མཆི་མས་གང་ལ་སྡུག་བསྔལ་ཞིང་ཉམ་ཐག་སྟེ། ལག་མཐིལ་གྱིས་མིག་ཉེད་ཅིང་ཆོ་ངེས་འདེབས་ལ་མྱ་ངན་བྱེད་ཅིང་མྱ་ངན་གྱི་ཟུག་རྔུས་གཟིར་བས་བཞིན་གྱི་དཀྱིལ་འཁོར་
D136.056.0148a05.01ལ་འདྲད་ཅིང་མྱ་ངན་བྱེད་སྨྲེ་སྔགས་འདོན་ཏོ། །སྲོག་ཆགས་བྱེ་བ་ཕྲག་མང་པོ་གཞན་དག་ནི་མཆི་མས་བརྣངས་བཞིན་དུ་མཆི་མ་ཀློག་ཅིང་སྒྲ་ཆེན་པོ་འབྱིན་ཏོ། །ཁ་ཅིག་ནི་ཐལ་མོ་སྦྱར་ཏེ་མཆི་མ་ཀློག་ཅིང་སྨྲེ་སྔགས་འདོན་ཏོ། །ཁ་ཅིག་ནི་མྱ་ངན་གྱི་མེས་གདུངས་ནས་ལག་པ་གཡས་
D136.056.0148a06.01པས་མགོ་བོ་ལ་འཛིན་ཅིང་སྨྲེ་སྔགས་འདོན་ཏོ། །དེ་བཞིན་དུ་གཞན་དག་ཀྱང་ལུས་ཡོངས་སུ་རྨྱ་ནས་ལག་པ་གཡོན་པས་མགོ་བོ་ལ་འཛིན་ཅིང་སྨྲེ་སྔགས་འདོན་ཏོ། །ཁ་ཅིག་ནི་ལག་པ་རྡེབས་ལ་བཞིན་གྱི་དཀྱིལ་འཁོར་གྱི་མདོག་ཉམས་ཤིང་སྔོན་པོར་གྱུར་ལ། མྱ་ངན་གྱིས་ཉམ་ཐག་ཅིང་
D136.056.0148a07.01