完整藏文原文 · 德格版页 当前仅加载第 56 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
ཙམ་ན་འདུག་པ། རྣམ་པར་མི་རྟོག་པ། ཤའི་མིག་མ་ཉམས་པ། རྒྱང་རིང་པོར་མི་ལྟ་བའི་རང་གི་ཡུལ་བཞིན་ནོ། །ལྷོ་ཕྱོགས་སུ་ཡང་དེ་བཞིན། ནུབ་ཕྱོགས་སུ་ཡང་དེ་བཞིན། བྱང་ཕྱོགས་སུ་ཡང་དེ་བཞིན། ཕྱོགས་མཚམས་རྣམས་སུ་ཡང་དེ་བཞིན། འོག་གི་ཕྱོགས་སུ་ཡང་དེ་བཞིན། སྟེང་གི་
D136.056.0176b01.01ཕྱོགས་སུ་དེ་བཞིན་ནོ། །དགེ་སློང་དག་ངས་འདི་ལྟ་སྟེ། དཔེར་ན་གླིང་བཞི་པ་ཆེན་པོའི་འཇིག་རྟེན་གྱི་ཁམས་འབུམ་ཆུའི་ཕུང་པོ་ནས་བཟུང་སྟེ། ཚངས་པའི་འཇིག་རྟེན་གྱི་མཐར་ཐུག་པའི་བར་རྡུལ་ཕྲ་རབ་ཀྱི་རྡུལ་གྱིས་ཡོངས་སུ་གང་བར་གྱུར་པའི་རྡུལ་ཕྲ་རབ་
D136.056.0176b02.01ཀྱི་རྡུལ་དེ་དག་ཇི་སྙེད་པ་དེ་སྙེད་ཀྱི་སངས་རྒྱས་བཅོམ་ལྡན་འདས་དག་ཤར་ཕྱོགས་ན་བྱང་ཆུབ་ཀྱི་སྙིང་པོ་ལ་བཞུགས་པ་དང་། བཞུགས་པར་གྱུར་པ་དག་ཀྱང་གཟིགས་ཏེ། སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱང་ཤཱཀྱ་ཐུབ་པ་ཞེས་བྱ་བར་མཚན་འཐུན་པ་ཤ་སྟག་ཡིན་ནོ། །དེ་བཞིན་དུ་མར་མེ་
D136.056.0176b03.01མཛད་ཅེས་བྱ་བར་མཚན་འཐུན་པའི་སངས་རྒྱས་བཅོམ་ལྡན་འདས་དང་། དེ་བཞིན་དུ་ཐམས་ཅད་ཟིལ་གྱིས་གནོན་རུ་ཅེས་བྱ་བར་མཚན་འཐུན་པ་དང་། དེ་བཞིན་དུ་པད་མ་དམ་པ་ཞེས་བྱ་བར་མཚན་འཐུན་པ་དང་། དེ་བཞིན་དུ་མངོན་པར་འཕགས་པར་གཤེགས་པ་ཞེས་བྱ་བར་མཚན་འཐུན་པ་དང་། དེ་བཞིན་
D136.056.0176b04.01དུ་གྲགས་མཆོག་ཅེས་བྱ་བར་མཚན་འཐུན་པ་དང་། དེ་བཞིན་དུ་འཁོར་བ་འཇིག་ཅེས་བྱ་བར་མཚན་འཐུན་པ་དང་། དེ་བཞིན་དུ་གསེར་ཐུབ་ཅེས་བྱ་བར་མཚན་འཐུན་པ་དང་། དེ་བཞིན་དུ་འོད་སྲུང་ཞེས་བྱ་བར་མཚན་འཐུན་པ་ཤ་སྟག་ལ་ཡང་དེ་སྙེད་གཟིགས་སོ། །དེ་བཞིན་དུ་མཚན་གཞན་དང་།
D136.056.0176b05.01གཞན་དུ་གསོལ་བའི་སངས་རྒྱས་བཅོམ་ལྡན་འདས་རྣམས་ཀྱང་གཟིགས་ཏེ། སངས་རྒྱས་བཅོམ་ལྡན་འདས་དེ་དག་གི་མཚན་དེ་དག་ཀྱང་འཇིག་རྟེན་ན་ཆོས་རྒྱ་ཆེན་པོ་དང་། ཆོས་སྣ་ཚོགས་དང་། ཆོས་མཆོག་དང་ལྡན་པའི་ལས་ཅན་དག་ཡིན་ཏེ། དེ་ལྟར་མཚན་ཐ་དད་པར་གསོལ་བའི་སངས་རྒྱས་
D136.056.0176b06.01བཅོམ་ལྡན་འདས་གང་དག་ད་ལྟར་བཞུགས་ཏེ་འཚོ་ཞིང་གཞེས་པ་དག་ཀྱང་གཟིགས་སོ། །མཚན་དེ་ལྟ་བུའི་སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་དག་དང་། བཞུགས་པ་དག་དང་། ཆོས་ཀྱི་འཁོར་ལོ་བསྐོར་བ་དག་ཀྱང་གཟིགས་ཏེ། ངའི་ཤའི་སྤྱན་ཐ་མལ་པ་བསྒྲིབས་པ་མེད་པ།
D136.056.0176b07.01