完整藏文原文 · 德格版页 当前仅加载第 56 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
བདག་ཅག་ལུས་ཀྱིས་རེག་གྱུར་པའི། །ཆོས་དང་ཡོན་ཏན་བསམ་ཡས་པའི། །ཚོགས་མཆོག་འཕགས་པའི་དགེ་འདུན་ལའང་། །བདག་ཅག་སྐྱབས་སུ་ཉེ་བར་མཆི། །དེ་ནས་བཅོམ་ལྡན་འདས་ཀྱིས་འོད་བསིལ་ཞིང་འཇམ་པས་སེམས་ཅན་དམྱལ་བ་ཆེན་པོ་མནར་མེད་
D136.056.0173b01.01པའི་གནས་ཀྱི་སེམས་ཅན་དམྱལ་བའི་ཡོངས་སུ་གདུང་བ་སིམ་ཞིང་བསིལ་བར་མཛད་ནས་ཡན་ལག་སྟོང་ཡོངས་སུ་རྫོགས་པ། སེམས་ཅན་ཐམས་ཅད་རབ་ཏུ་སིམ་པ་སྐྱེད་པ། འཇམ་པ་སྙན་པར་གསུང་པ། ཕན་པ་དང་བདེ་བར་མཛད་པ། སྟོང་པ་ཉིད་དང་། མཚན་མ་མེད་པ་དང་།
D136.056.0173b02.01སྨོན་པ་མེད་པ་དང་ལྡན་པའི་གསུང་གིས་སེམས་ཅན་དམྱལ་བ་པ་དེ་དག་ལ་བཀའ་སྩོལ་ཅིང་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་གིས་སྟོང་ཉིད་མཚན་མེད་དང་། །སྐྱེ་མེད་འདུས་བྱས་མ་ཡིན་པའི། །ཆོས་རྣམས་རབ་ཏུ་ཤེས་གྱུར་པ། །དེ་དག་
D136.056.0173b03.01ངན་འགྲོའི་འཇིགས་ལས་འགྲོལ། །དེ་ནས་སྲོག་ཆགས་བྱེ་བ་འབུམ་ཕྲག་བརྒྱད་ཀྱིས་གསུང་དེ་ཐོས་ནས་དུས་གསུམ་ལ་ཐོགས་པ་མེད་ཅིང་ཡན་ལག་གི་ཡོན་ཏན་འབུམ་དང་ལྡན་པའི་སྒྲ་རྣ་ལམ་དུ་གྲག་པ་ཐོས་ནས་སེམས་ཅན་དམྱལ་བ་ཆེན་པོ་མནར་མེད་པའི་གནས་ནས་ཤི་འཕོས་ཏེ་
D136.056.0173b04.01གཞན་འཕྲུལ་དབང་བྱེད་ཀྱི་ལྷ་རྣམས་དང་སྐལ་བ་མཉམ་པར་སྐྱེས་སོ། །དེ་ནས་བཅོམ་ལྡན་འདས་ཚངས་པའི་འཇིག་རྟེན་དུ་གཤེགས་ཏེ་ཚིགས་སུ་བཅད་པ་འདི་དག་བཀའ་སྩལ་ཏོ། །གང་ལ་སྡུག་བསྔལ་མི་རྙེད་པའི། །སེམས་ཅན་རྣམས་ནི་མཆོག་ཏུ་བདེ། །མིང་དང་མཚན་
D136.056.0173b05.01མ་ཐ་སྙད་དང་། །འདུ་ཤེས་གང་ཡིན་ཚུལ་བཞིན་མིན། །བརྟན་པས་དེ་དག་རྣམ་སྤངས་ན། །དེས་ནི་སྡུག་བསྔལ་དག་ལས་དགྲོལ། །གང་དག་གཟུགས་མེད་རྟེན་པ་ཡི། །འདུ་ཤེས་ཀུན་ཀྱང་ཚུལ་བཞིན་མིན། །ཡང་དང་ཡང་དུ་འཆི་འཕོ་ཞིང་། །ཤི་ནས་སྐྱེ་བར་
D136.056.0173b06.01འགྱུར་བ་ཡི། །སྡུག་བསྔལ་ཕྱིར་ཞིང་རབ་འཕེལ་བ། །ཁམས་གསུམ་པ་དག་ཅི་ཕྱིར་བདེ། །གང་གིས་སྟོང་པ་སྟོང་ཤེས་ཤིང་། །སྟོང་པ་དེ་ལའང་མི་སེམས་ལ། །གང་དག་སྟོང་ཉིད་མི་མཐོང་བ། །དེ་དག་སྟོང་ཉིད་ཤེས་པ་ཡིན། །གང་གིས་ཆོས་དོན་དེ་ཤེས་པ། །
D136.056.0173b07.01