完整藏文原文 · 德格版页 当前仅加载第 56 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་རོ། །འདི་ལྟ་སྟེ། སྐྱེས་པ་དང་། བུད་མེད་དང་། ལྷའི་བུ་མོ་དང་། སྤྱོད་པ་པ་དང་། ཀུན་ཏུ་རྒྱུ་དང་། དགེ་སྦྱོང་དང་། བྲམ་ཟེ་དང་། རྒྱལ་པོ་དང་། བློན་པོ་ཆེན་པོ་དང་། ཞང་བློན་དང་། ཞང་བློན་གྱི་གཡོག་གཉུག་མ་དང་། ཚོང་དཔོན་དང་། གྲོང་མི་དང་། ལྗོངས་
D136.056.0163b01.01ཀྱི་མི་དང་། ཁྱིམ་བདག་རྣམས་དང་། གཞན་ཡང་གང་དག་མིར་གྱུར་པའི་སོ་སོའི་སྐྱེ་བོ་རྣམས་དང་། དེ་བཞིན་དུ་དུད་འགྲོའི་སྐྱེ་གནས་སུ་སྐྱེས་པ་གླང་པོ་ཆེ་དང་། རྟ་དང་། {རི་དགས་,རི་དྭགས་}དང་། ཕྱུགས་དང་། བྱ་དག་གིས་ཁྱོད་མཐོང་ན་དད་པ་འཐོབ་པར་འགྱུར་རོ། །དེ་བཞིན་དུ་
D136.056.0163b02.01རྩྭ་དང་། ཤིང་གེལ་པ་དང་། སྨན་དང་། ནགས་ཚལ་དག་དང་། མེ་ཏོག་ཡོད་པ་དག་དང་། འབྲས་བུ་ཡོད་པ་དག་ཀྱང་ཁྱོད་ག་ལ་བ་དེ་ལོགས་སུ་རབ་ཏུ་འདུད་པར་འགྱུར་རོ། །དེ་བཞིན་དུ་ཁང་ཁྱིམ་དང་། གཞལ་མེད་ཁང་དང་། ཁང་པ་བརྩེགས་པ་དང་། ཁང་{བཟངས་,བཟང་}དང་། པུ་ཤུ་
D136.056.0163b03.01དང་། སྐར་ཁུང་དང་། རྟ་བབས་དག་ཀྱང་ཁྱོད་ཀྱི་བསོད་ནམས་ཀྱི་གཟི་བརྗིད་ཀྱི་ཟིལ་གྱིས་ནོན་ཅིང་ཁྱོད་ག་ལ་བ་དེ་ལོགས་སུ་རབ་ཏུ་འདུད་པར་འགྱུར་ཏེ། ཀུན་དགའ་བོ་འདི་ལྟ་སྟེ་དཔེར་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྒྲིབ་པ་མེད་པའི་རྣམ་
D136.056.0163b04.01པར་ཐར་པ་མངོན་སུམ་དུ་མཛད་དེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ན་བྱང་ཆུབ་ཀྱི་སྙིང་པོའི་ཉེ་འཁོར་གྱི་རྩྭ་དང་། ཤིང་གེལ་པ་དང་། སྨན་དང་། ནགས་ཚལ་དང་། མེ་ཏོག་ཡོད་པ་དག་དང་། འབྲས་བུ་ཡོད་པ་དག་དང་། གོང་
D136.056.0163b05.01མ་བཞིན་དུ་སྦྱར་ཏེ། མི་དང་མི་མ་ཡིན་པའི་བར་དག་གིས་དེ་བཞིན་གཤེགས་པ་ག་ལ་བ་དེ་ལོགས་སུ་རབ་ཏུ་བཏུད་པར་གྱུར་ཏོ། །ཀུན་དགའ་བོ་དེ་བཞིན་དུ་ཁྱོད་ཀྱིས་ཀྱང་རིགས་ཀྱི་བུ་དམིགས་མེད་ལ་ཐལ་མོ་སྦྱར་ཅིང་ལུས་བཏུད་པའི་དགེ་བའི་རྩ་བ་འདིས་ཁྱོད་ཀྱི་སྤྱོད་ལམ་ཐམས་ཅད་དུ་མི་དང་།
D136.056.0163b06.01མི་མ་ཡིན་པ་དང་། ནགས་ཚལ་ཐམས་ཅད་ཁྱོད་ག་ལ་བ་དེ་ལོགས་སུ་འདུད་པ་དང་། རབ་ཏུ་འདུད་པ་དང་། མངོན་པར་རབ་ཏུ་འདུད་པར་འགྱུར་རོ། །ཀུན་དགའ་བོ་རིགས་ཀྱི་བུའམ་རིགས་ཀྱི་བུ་མོ་གང་ལ་ལས་དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའམ། ད་ལྟར་མངོན་སུམ་དུ་གྱུར་
D136.056.0163b07.01