完整藏文原文 · 德格版页 当前仅加载第 56 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་བཅས་པའི་འཇིག་རྟེན་གྱིས། །མྱ་ངན་ཆེན་པོ་བྱ་བའི་རིགས། །བདག་གིས་སངས་རྒྱས་འདི་སྐད་ཅེས། །བསྐལ་པ་བྱེ་བར་འཚོ་གྱུར་པའི། །འདུས་བྱས་ཐམས་ཅད་མཐར་འཇིག་ཅེས། །གསུངས་པ་སྟོན་པའི་དྲུང་ནས་ཐོས། །དེ་ནས་ཚེ་དང་ལྡན་པ་ཀུན་དགའ་བོ་བཅོམ་
D136.056.0169b01.01ལྡན་འདས་ཀྱིས་སྣམ་ལོགས་སུ་འདུག་ནས་ལན་གསུམ་དུ་སྙིང་རྗེ་ཆེན་པོའི་སྒྲ་བསྒྲགས་པ། མདོངས་པར་གྱུར་པའི་སེམས་ཅན་ལ། །གང་གིས་མིག་ནི་སྩོལ་མཛད་ཅིང་། །སྲོག་ཆགས་ཀུན་མགོན་གང་ཡིན་པ། །སྟོན་པ་དེ་རིང་མྱ་ངན་འདའ། །མི་རྣམས་འདྲེན་པ་དེ་འདས་ཞེས། །
D136.056.0169b02.01ཚིག་འདི་ཐོས་པར་གྱུར་ན་ནི། །རྒྱལ་པོ་དམ་པ་ལུས་འཕགས་བུ། །ཤིན་ཏུ་སྡུག་བསྔལ་ཇི་ལྟར་གནས། །དེ་ནས་གྱད་དང་གྱད་མོ་དང་། །གྱད་ཀྱི་བུ་རྣམས་མི་བཟད་ཅིང་། །མི་མཆོག་མྱ་ངན་འདའ་འགྱུར་ཞེས། །དེ་ན་སྙིང་རྗེས་ངུ་བར་བྱེད། །ཐ་མའི་སྟོན་པ་བལྟ་བའི་ཕྱིར། །
D136.056.0169b03.01དེ་དག་དེར་ནི་ལྷགས་གྱུར་ནས། །ཐལ་སྦྱར་རབ་བཏུད་འཁོད་ནས་ནི། །འདུད་ཅིང་ཕྱག་ཀྱང་འཚལ་བར་བྱེད། །དཔག་ཚད་ལྔ་ཡི་ཁོར་ཡུག་ཏུ། །ལྷ་དང་གནོད་སྦྱིན་རྣམས་ཀྱིས་གང་། །དེ་ཡི་ཁོ་ར་ཁོར་ཡུག་ཏུ། །མི་རྣམས་ཀྱིས་ནི་གནས་མི་རྙེད། །དྲང་སྲོང་དམ་པ་མཆོད་པའི་ཕྱིར། །
D136.056.0169b04.01དྲི་ཞིམ་མེ་ཏོག་ཆུ་བོ་དག །པུས་མོ་ནུབ་ཙམ་ཕབ་གྱུར་ཅིང་། །ཕྱེ་མའི་ཆར་པའང་ཕབ་པར་གྱུར། །དེ་ནས་དགའ་བོ་ཉེ་དགའ་གཉིས། །ཐ་མའི་སྟོན་པ་བལྟ་བའི་ཕྱིར། །བྱེ་བ་དྲུག་ཅུའི་ཀླུ་རྣམས་དང་། །ཡོངས་སུ་མྱ་ངན་འདས་པར་ལྷགས། །བྲང་འགྲོ་ཆེན་པོ་ཆུ་ལྷ་དང་། །གཟི་ཅན་
D136.056.0169b05.01དང་ནི་རྒྱ་མཚོ་དང་། །གསལ་མཐོང་དང་ནི་བཏང་བཟུང་དག །བྱེ་བ་ཕྲག་བརྒྱའི་ཀླུས་བདར་ཅིང་། །ཐ་མའི་སྟོན་པ་བལྟ་བའི་ཕྱིར། །སྤོས་ཆུའི་སྤྲིན་དག་འདུས་བྱས་ཤིང་། །ནམ་མཁའི་ངོས་ནི་ཁེབས་བྱས་ཏེ། །ཆར་བཞིན་འབེབས་ཤིང་ཉེ་བར་ལྷགས། །འཇིག་རྟེན་མགོན་པོ་མཆོད་པའི་ཕྱིར། །
D136.056.0169b06.01ལྷ་ཀླུས་ལྷ་ཡི་མེ་ཏོག་གི། །ཆར་དང་སྤོས་ཆུ་གཙང་མ་ཡི། །ཆར་པ་དག་ཀྱང་རབ་ཏུ་ཕབ། །ཀླུ་ཡི་རྒྱལ་པོ་མ་དྲོས་པ། །དུང་ཕྱུར་དྲུག་དང་ལྷན་ཅིག་ཏུ། །རིན་ཆེན་ཆར་པ་རབ་འབེབས་ཤིང་། །སྐྱེས་བུ་ཁྱུ་མཆོག་དྲུང་དུ་ལྷགས། །བྲང་འགྲོ་ཆེན་པོ་ཨེ་ལའི་འདབ། །ལྷུན་པོ་ཙམ་ཡང་ངུ་བྱེད་ཅིང་། །
D136.056.0169b07.01