完整藏文原文 · 德格版页 当前仅加载第 56 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལ་བདག་ནི་རྙེད་མི་འགྱུར། །གང་ལ་བདག་ནི་མི་རྙེད་པ། །དེ་ལ་སྡུག་བསྔལ་ག་ལ་འབྱུང་། །སྟོང་དང་ཉེ་བར་ལེན་མེད་དང་། །མཚན་མ་རྙེད་པ་མ་ཡིན་ཞིང་། །བདག་མེད་ཆོས་ནི་སྟོན་བྱེད་པ། །སངས་རྒྱས་ཐུགས་ལས་སྐྱེས་པའི་སྲས། །དེ་ནས་
D136.056.0174a01.01གང་དག་དེར་སྐྱེས་པའི་སྲོག་ཆགས་བྱེ་བ་འབུམ་ཕྲག་བརྒྱད་པོ་དེ་དག་གིས་ཟག་པ་ཟད་པ་ཐོབ་ཅིང་ལྷའི་དྲང་སྲོང་དུ་གྱུར་ནས། དེ་དག་གི་སེམས་ཅན་དམྱལ་བའི་གནས་དག་གི་སེམས་ཅན་དམྱལ་བའི་གནས་ཀྱི་སྡུག་བསྔལ་དག་རྗེས་སུ་དྲན་ཞིང་དེ་བཞིན་གཤེགས་པའི་སྐྱེས་བུའི་མཐུ་
D136.056.0174a02.01ཡང་རྗེས་སུ་དྲན་ནས་བྱས་པ་གཟོ་བའི་ཕྱིར་བདག་ཅག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོངས་སུ་མྱ་ངན་ལས་འདའ་བ་མ་མཐོང་བར་དང་པོ་ཁོ་ནར་བདག་ཅག་ཡོངས་སུ་མྱ་ངན་ལས་འདའ་བར་བྱའོ། །ཞེས་དེ་ནས་ལྷའི་བུ་དགྲ་བཅོམ་པ་ཉིད་ཐོབ་པ་
D136.056.0174a03.01དེ་དག་གིས་དེའི་ཚེ་ཚིགས་སུ་བཅད་པ་འདི་དག་གསོལ་ཏོ། །མི་འདུལ་ཁ་ལོ་སྒྱུར་བ་གང་ཟག་མཆོག །སྣང་བ་འོད་མཛད་རབ་ཏུ་གསལ་མཛད་པ། །མྱ་ངན་འདའ་བར་མཛད་པ་ཇི་ལྟར་བལྟ། །བདག་ཅག་སྔར་ཉིད་མྱ་ངན་འདའ་བར་བགྱི། །དེ་སྐད་ཅེས་གསོལ་ནས་དེ་ཉིད་དུ་ཡོངས་
D136.056.0174a04.01སུ་མྱ་ངན་ལས་འདས་སོ། །དེ་ནས་བཅོམ་ལྡན་འདས་སྐད་ཅིག་དེ་དང་ཐང་ཅིག་དེ་དང་། ཡུད་ཙམ་དེ་ལ་ཚངས་པའི་འཇིག་རྟེན་ནས་མི་སྣང་བར་གྱུར་ཏེ། གྱད་རྣམས་དང་ཉེ་བ་ན་ཡོད་པ་ཤིང་སཱ་ལ་ཟུང་གི་བར་དུ་སླར་གཤེགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ།
D136.056.0174a05.01དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ང་ནི་དོ་མོད་ནམ་གྱི་ཐུན་ཐ་མ་ལ་ཡོངས་སུ་མྱ་ངན་ལས་འདའ་བར་འགྱུར་ཏེ། སེམས་ཅན་རྣམས་ལ་བསྟན་པར་བྱ་བའི་ཐ་མ་ནི་འདི་ཡིན་གྱིས། བདག་གིས་དེ་བཞིན་གཤེགས་པའི་ཆོ་འཕྲུལ་ཆེན་པོ་སེམས་ཅན་རྣམས་
D136.056.0174a06.01མཆོག་ཏུ་དགའ་བར་བྱེད་པ། བདེ་བ་སྐྱེད་པར་བྱེད་པ། སྡུག་བསྔལ་ཉེ་བར་ཞི་བར་བྱེད་པ། སེམས་ཅན་ཐམས་ཅད་དེ་བཞིན་གཤེགས་པའི་བདག་ཉིད་ཆེན་པོ་ལ་ཐོགས་པ་མེད་པར་འཇུག་པར་འགྱུར་བ། སངས་རྒྱས་ཡོངས་སུ་མྱ་ངན་ལས་འདའ་བ་དང་ལྡན་པ་དག་ཀུན་ཏུ་བསྟན་པར་བྱའོ། །
D136.056.0174a07.01