完整藏文原文 · 德格版页 当前仅加载第 56 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་དེ་དང་། བདུད་ཀྱི་བུ་དེད་དཔོན་ལ་ཚིགས་སུ་བཅད་དེ་སྨྲས་པ། བག་མེད་པས་ནི་འདས་བྱས་ཤིང་། །དེ་ལྟར་སྨྲེ་སྔགས་འདོན་བྱེད་པ། །ཁྱེད་ཀུན་མི་ཤེས་བྱིས་པ་སྟེ། །སྤྲེའུ་རྣམས་དང་ནི་འདྲ་བ་ཡིན། །ཇི་ལྟར་ཕག་ནི་སེམས་བྲལ་ཞིང་། །ཉལ་བ་མཚོན་ཆ་རྣམ་དག་
D136.056.0170b01.01གིས། །ཡོངས་སུ་གཤེགས་ནས་སད་པ་ན། །སྙིང་རྗེས་སྨྲེ་སྔགས་འདོན་པ་ལྟར། །བག་མེད་དབང་སོང་སྔན་ཅད་ནི། །གང་གིས་ཆོས་རྣམས་མ་ཐོས་པ། །ཁྱེད་ཅག་ཐམས་ཅད་དེ་འདྲ་བར། །ཁོ་བོས་དེ་ལྟར་སྤོབས་པ་ཡིན། །དེ་རིང་ཡེ་ཤེས་སྒྲོན་མ་ནི། །
D136.056.0170b02.01འཇིག་རྟེན་དུ་ནི་ནུབ་འགྱུར་ཞིང་། །ཀྱེ་མ་རྒྱལ་བ་འདས་འགྱུར་གྱིས། །དགེ་བ་དག་གིས་ལས་གྱིས་ཤིག །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་མ་འགགས་པ་དང་། ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་དོན་
D136.056.0170b03.01ཡོད་རྒྱལ་པོ་དང་། གནས་བརྟན་འོད་སྲུང་གཞོན་ནུ་དང་། གནས་བརྟན་གསུས་པོ་ཆེ་ཆེན་པོ་ལ་བཀའ་སྩལ་པ། དགེ་སློང་དག་ཁྱེད་ཀྱི་ལག་པ་གཡས་པ་དག་དེ་བཞིན་གཤེགས་པའི་ཕྱག་ཏུ་ཕུལ་ཅིག །དགེ་སློང་དེ་དག་གིས་བཅོམ་ལྡན་འདས་ལེགས་ལགས་སོ་ཞེས་གསོལ་
D136.056.0170b04.01ཏེ་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་དགེ་སློང་འབུམ་ཐམ་པས་བཅོམ་ལྡན་འདས་ཀྱི་ཕྱག་ཏུ་རང་རང་གི་ལག་པ་ཕུལ་ལོ། །དེ་ནས་བཅོམ་ལྡན་འདས་ཀྱིས་ཕྱག་གཡོན་པས་ནི་དགེ་སློང་དེ་དག་ཐམས་ཅད་ཀྱི་ལག་པ་ནས་བཟུང་། ཕྱག་གཡས་པས་ནི་ཀུན་དགའ་བོ་དང་། སྒྲ་
D136.056.0170b05.01གཅན་ཟིན་གྱི་ལག་པ་ནས་བཟུང་སྟེ། དགེ་སློང་དག་གནས་བརྟན་རྣམས་ལ་ཀུན་དགའ་བོ་བཟང་པོ་དང་། དཔལ་སྒྲ་གཅན་ཟིན་འདི་གཉིས་བཅོལ་ཅིང་ཡོངས་སུ་གཏད་དོ་ཞེས་ཕྱག་གིས་དགེ་སློང་དེ་དག་གི་ལག་ཏུ་གཏད་དོ། །དེ་ནས་དེའི་ཚེ་སངས་རྒྱས་ཀྱི་ཞིང་འདིར་སྒྲ་སྐད་དང་ང་རོའི་སྒྲ་སྙིང་རྗེ་ཞིང་
D136.056.0170b06.01འཇིགས་སུ་རུང་བ་དག་བྱུང་བར་གྱུར་ཅིང་སྒྲ་སྐད་དེས་སངས་རྒྱས་ཀྱི་ཞིང་དུ་གྲགས་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོ་དང་། ཚེ་དང་ལྡན་པ་སྒྲ་གཅན་ཟིན་གཉིས་གནས་བརྟན་དེ་དག་ལ་ཡོངས་སུ་གཏད་པ་མཐོང་ནས་དགེ་སློང་ལྔ་བརྒྱ་ཙམ་གྱིས་ཚེའི་འདུ་བྱེད་བཏང་བར་གྱུར་ཏོ། །དེ་ཅིའི་ཕྱིར་ཞེ་ན།
D136.056.0170b07.01