完整藏文原文 · 德格版页 当前仅加载第 56 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་བྱས་ཀྱང་ཁྱེད་ཅག་གིས་ནི་ཁྱེའུ་འདིས་བསྟན་པ་འདིའི་ཁུར་ཇི་ཙམ་ཐོགས་པའམ། ཐོགས་པར་འགྱུར་བ་དེ་ཙམ་གྱི་ཁུར་ཐོགས་པར་མི་ནུས་སོ། །ཀུན་དགའ་བོ་དེ་ལྟར་ན་གང་དག་སེམས་ཅན་རྣམས་ལ་ཕན་པའི་དངོས་པོ་དང་། སེམས་ཅན་རྣམས་ལ་སྙིང་བརྩེ་བ་དང་། སེམས་ཅན་རྣམས་ལ་
D136.056.0158b01.01ཕན་འདོགས་པ་དང་། སེམས་ཅན་རྣམས་ལ་འདུ་ཤེས་བཏང་སྙོམས་སུ་བྱེད་པ་དག་ནི་ཡོན་ཏན་དཔག་ཏུ་མེད་པ་ཡིན་པས་ཁྱེའུ་འདི་ཡང་ཡོན་ཏན་དཔག་ཏུ་མེད་པ་ཡིན་ཏེ། ཁྱེའུ་འདི་ནི་ཡོན་ཏན་བསམ་གྱིས་མི་ཁྱབ་པ་དང་ལྡན་པ་ཡིན་ནོ། །ཀུན་དགའ་བོ་ཁྱོད་ཀྱིས་ལྷོ་ཕྱོགས་ནས་སྟོན་ཀའི་དུས་ཀྱི་ཚེའི་
D136.056.0158b02.01ཉི་མ་འཆར་བ་འདྲ་ཞིང་ཟླ་བ་ཉ་བའི་ཟླ་བའི་དཀྱིལ་འཁོར་ཤིན་ཏུ་རྒྱས་པ་འཆར་བ་འདྲ་བའི་ཁྱེའུ་རིན་པོ་ཆེ་སྣ་ཚོགས་ལས་བྱས་པའི་དབྱིག་པས་ས་ཆེན་པོ་འདི་ལ་རྡེབས་པར་བྱེད་ཅིང་འོང་བ་མཐོང་ངམ། དེས་ས་ཆེན་པོ་ལ་རྡེབས་པ་ན་འདི་ལྟ་བུའི་སྒྲ་འབྱུང་སྟེ། འདི་ལྟ་སྟེ་དཔེར་ན་ཡུལ་མ་ག་དྷཱ་ནས་བྱུང་བའི་སྣོད་རིན་པོ་
D136.056.0158b03.01ཆེ་ལས་བྱས་པའམ། གསེར་ལས་བྱས་པའམ། དངུལ་ལས་བྱས་པ། ཤིན་ཏུ་མཐར་ཕྱིན་པར་བྱས་པ། བྱི་དོར་ལེགས་པར་བྱས་པ། ཤིན་ཏུ་ཕྱིས་པ། དྲི་མ་མེད་པ། བུག་རྡོལ་མེད་པ། ནག་ནོག་མེད་པ། དྲི་མ་བཀྲུས་པ། རྡུལ་མེད་པ། སྣུམ་བག་མེད་པ། ཡོ་བྱད་རྣམ་པ་མང་
D136.056.0158b04.01པོའི་ཡོ་བྱད་དུ་བྱས་པ། ཤིན་ཏུ་བྱང་བའི་ཡོན་ཏན་དང་ལྡན་པ། གནས་ལྔ་རབ་ཏུ་རྫོགས་པ། གནས་བཅུ་ཡོངས་སུ་སྤངས་པ། ཉེ་བའི་སྐྱོན་བཅུ་གཉིས་དང་བྲལ་བ། ལུགས་ལན་སྟོང་དུ་བརྟགས་ཤིང་གསེར་དངུལ་གྱི་སྐྱོན་དང་བྲལ་བ། ཤིན་ཏུ་དག་པ། འབྱུང་ཁུངས་བཟང་པོ་ནས་བྱུང་བ། རིགས་
D136.056.0158b05.01དང་ལྡན་པ། གསེར་གྱི་རིགས་ཁྱད་པར་ཅན་བརྒྱ་ལས་བྱས་པ། མ་ཞོམ་པ། ཡན་ལག་བརྒྱད་ལ་མཁས་པའི་མི་སྟོང་གིས་ལེགས་པར་བསྲེགས་པ། ཉེ་བའི་སྐྱོན་ཐམས་ཅད་དང་བྲལ་བ་ལས་ནི་སྡུག་བསྔལ་ཐམས་ཅད་ཉེ་བར་ཞི་བར་བྱེད་པའི་སྒྲ་འབྱུང་ངོ་། །ཀུན་དགའ་བོ་དེ་འདྲ་བའི་དེ་ལྟ་བུ་དེ་ལྟར་
D136.056.0158b06.01སྣང་བའི་ནི་དཔེར་བྱ་བ་ཙམ་དང་། ཉེ་བར་མཚོན་པ་ཙམ་དུ་ཟད་དེ། དེ་བཞིན་དུ་ཁྱེའུ་འདིས་རིན་པོ་ཆེ་སྣ་ཚོགས་ལས་བྱས་པའི་དབྱིག་པས་ས་ཆེན་པོ་འདི་ལ་རྡེབས་པ་ན་ཡང་དེ་ལྟ་བུའི་སྒྲ་འབྱུང་ངོ་། །ཀུན་དགའ་བོ་ཁྱེའུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་ཞི་བར་གནས་ཞེས་བྱ་བ་ཡིན་ཏེ་
D136.056.0158b07.01