完整藏文原文 · 德格版页 当前仅加载第 56 函德格 159b 版页；藏文 NFD、目录标记与异常页序保留在来源切片中，重复版页行以稳定序号区分。
དག་སྐད་ཅིག་དེ་དང་། ཐང་ཅིག་དེ་དང་། ཡུད་ཙམ་དེ་ལ་སངས་རྒྱས་ཀྱི་ཞིང་དེར་སངས་རྒྱས་འབྱུང་བའི་འདུ་ཤེས་ཅན་དུ་འགྱུར་རོ། །ཀུན་དགའ་བོ་དེ་བཞིན་གཤེགས་པ་བལྟ་མཛེས་རིན་ཆེན་བརྩེགས་དེ་བྱང་ཆུབ་སེམས་དཔའ་ཁྲག་ཁྲིག་ཚད་མེད་པ་དེ་དག་ལ་ཐམས་ཅད་མཁྱེན་པ་ཉིད་དང་ལྡན་པ་ཁོ་ནའི་
D136.056.0159b01.01གཏམ་མ་འདྲེས་པ་དག་སྟོན་པར་མཛད་དེ། འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ཀྱི་ཆོས་ཀྱི་རྣམ་གྲངས་རྒྱ་ཆེར་ཡང་དག་པར་རབ་ཏུ་སྟོན་ཏོ། །ཀུན་དགའ་བོ་འཇིག་རྟེན་གྱི་ཁམས་དེའི་བསྔགས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རེ་རེའི་ཆོས་ཀྱི་ཁྱད་པར་འདི་ལྟ་སྟེ། སྨོན་ལམ་
D136.056.0159b02.01བརྩམས་པའི་སངས་རྒྱས་ཀྱི་ཞིང་གི་བཀོད་པ་དག་ངས་བརྗོད་པར་གྱུར་ན་བསྐལ་པ་སྟོང་ཕྲག་མང་པོས་ཀྱང་མཐར་ཐུག་པར་མི་འགྱུར་ཏེ། ཀུན་དགའ་བོ་ངས་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་ཞི་བར་གནས་པ་འདི་གང་ནས་འོངས་པའི་འཇིག་རྟེན་གྱི་ཁམས་དེའི་མིང་ཙམ་ཞིག་བརྗོད་པར་
D136.056.0159b03.01ཟད་དོ། །ཀུན་དགའ་བོ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་ཞི་བར་གནས་པ་འདི་ནི་ང་ཡོངས་སུ་མྱ་ངན་ལས་འདའ་བ་ལ་བལྟ་བ་དང་། སེམས་ཅན་མང་པོ་རྣམས་སྐྱོ་བ་བསྐྱེད་པར་བྱ་བ་དང་། འཇིག་རྟེན་གྱི་ཁམས་དེའི་མིང་དང་ཡོན་ཏན་ཡོངས་སུ་བསྒྲག་པར་བྱ་བ་དང་། དེ་བཞིན་གཤེགས་
D136.056.0159b04.01པ་དེའི་བསྔགས་པ་རབ་ཏུ་བཤད་པར་བྱ་བ་དང་། བྱང་ཆུབ་སེམས་དཔའི་ཐེག་པ་པའི་སྐྱེས་བུ་དམ་པ་རྣམས་ཀྱི་ཆོས་ཀྱི་བདག་ཉིད་ཆེན་པོ་དང་། ཡང་དག་པའི་ཡོན་ཏན་ཡོངས་སུ་བསྒྲག་པར་བྱ་བ་དང་། སངས་རྒྱས་ཀྱི་ཞིང་འདིའི་སེམས་ཅན་ཚད་མེད་པ་རྣམས་དམ་པའི་ཆོས་ཡོངས་སུ་འཛིན་པར་བྱ་བ་
D136.056.0159b05.01དང་། མ་འོངས་པའི་བྱང་ཆུབ་སེམས་དཔའ་རྣམས་ཡང་དག་པར་རབ་ཏུ་དགའ་བར་བྱ་བ་དང་། ཡང་དག་པར་དད་པ་བསྐྱེད་པར་བྱ་བའི་ཕྱིར་སངས་རྒྱས་ཀྱི་ཞིང་འདིར་འོངས་སོ། །ཀུན་དགའ་བོ་སྔོན་དེ་བཞིན་གཤེགས་པ་མར་མེ་མཛད་འཇིག་རྟེན་དུ་བྱུང་བ་ན་ཁྱེའུ་འདི་འཁོར་ལོས་སྒྱུར་བའི་རྒྱལ་པོ་མ་སྐྱེས་
D136.056.0159b06.01དགྲ་ཞེས་བྱ་བར་གྱུར་ཏེ། བྱང་ཆུབ་སེམས་དཔའི་སྤྱད་པ་སྤྱོད་དོ། །ཀུན་དགའ་བོ་དེའི་ཚེ་འཁོར་ལོས་སྒྱུར་བའི་རྒྱལ་པོ་མ་སྐྱེས་དགྲ་དེ་སྲོག་ཆགས་བྱེ་བ་ཕྲག་མང་པོ་དག་ལ་ཆོས་སྟོན་ཅིང་དགེ་བའི་རྩ་བ་དག་ཀྱང་ཡོངས་སུ་སྨིན་པར་བྱེད་དེ། དེས་ཉི་མ་འཆར་ཀ་ཙམ་གྱི་སྔ་དྲོ་གཅིག་གིས་ཀྱང་སྲོག་ཆགས་བྱེ་བ་ཕྲག་
D136.056.0159b07.01