完整藏文原文 · 德格版页 当前仅加载第 56 函德格 147a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟར་རི་རབ་ཀྱི་རྩེ་མོ་དེ་དག་ཀྱང་གང་དག་རིའི་རྒྱལ་པོ་རི་རབ་ལ་རྟེན་ཅིང་གནས་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དེ་དག་གིས་བཅོམ་ལྡན་འདས་ཡོངས་སུ་མྱ་ངན་ལས་འདའ་བ་ཐོས་ནས་མྱ་ངན་གྱི་ཟུག་
D136.056.0147a01.01རྔུས་གཟིར་ཅིང་བཅོམ་ལྡན་འདས་ཤཱཀྱ་ཐུབ་པ། ཤཱཀྱའི་བདག་པོའི་རྒྱལ་པོ་བསྐལ་པ་བྱེ་བ་གྲངས་མེད་པ་ནས་ཡང་དག་པར་བསྒྲུབས་པ། དགེ་བའི་རྩ་བ་ཤིན་ཏུ་ཡོངས་སུ་དག་པ་དང་ལྡན་པ་དེ་དེ་རིང་གྱད་རྣམས་དང་ཉེ་བ་ན་ཡོད་པ་ཤིང་སཱ་ལ་ཟུང་གི་དྲུང་དུ་ལེན་པ་མེད་པར་ཡོངས་སུ་མྱ་ངན་ལས་
D136.056.0147a02.01འདའ་བར་འགྱུར་ཏེ། དེང་ནི་ལྷ་དང་བཅས་པའི་འཇིག་རྟེན་གྱི་མིག་ཟུམ་པར་འགྱུར་རོ་ཞེས་དེ་དག་ཀུ་ཤའི་གྲོང་ཁྱེར་ལོགས་སུ་མངོན་པར་ཕྱོགས་ཏེ། རིངས་པ་རིངས་པར་བརྟད་ཅིང་དོང་བ་དག་གིས་རིའི་རྒྱལ་པོ་རི་རབ་ཀྱི་རྩེ་མོ་དེ་དག་ཀུན་ཏུ་རབ་ཏུ་བསྒུལ་ཅིང་ཀུན་དུ་རབ་ཏུ་བསྐྱོད་དེ་རིངས་པ་རིངས་པར་བརྟད་
D136.056.0147a03.01པ་དེ་དག་གིས་རིའི་རྒྱལ་པོ་རི་རབ་དང་། རྒྱ་མཚོ་ཆེན་པོ་ཡང་གཡོས་ཤིང་འཁྲུགས་པར་གྱུར་ཏེ་དེའི་ཕྱིར་རིའི་རྒྱལ་པོ་རི་རབ་ཀྱི་རྩེ་མོ་དེ་དག་རྒྱ་མཚོ་ཆེན་པོའི་ནང་དུ་ལྷུང་བར་གྱུར་ཏོ། །དེ་ནས་ཚེ་དང་ལྡན་པ་མ་འགགས་པ་རི་རབ་ཀྱི་སྤོ་ལ་འདུག་པས་དེའི་ཚེ་སྒྲ་སྐད་ཆེན་པོ་ཕྱུང་སྟེ་ཚིགས་སུ་བཅད་པ་འདི་དག་སྨྲས་
D136.056.0147a04.01སོ། །འཇིག་རྟེན་རྣམས་ཀྱི་དེད་དཔོན་གང་ཡིན་པ། །གང་གིས་འཇིག་རྟེན་བདེ་བ་སྩོལ་མཛད་ཅིང་། །སེམས་ཅན་རྣམས་ཀྱི་སྦྱིན་གནས་གང་ཡིན་པ། །ཐུབ་པ་དེ་ནི་དེ་རིང་མྱ་ངན་འདའ། །ཡེ་ཤེས་འབྱུང་གནས་རབ་རིབ་མུན་བཅོམ་ཞིང་། །འཇིག་རྟེན་སྲོག་ཆགས་རྣམས་ཀྱི་ཕ་དང་མ། །
D136.056.0147a05.01དེ་བཞིན་སྐྱབས་དང་དཔུང་གཉེན་གང་ཡིན་པ། །ཐུབ་པ་དེ་ནི་དེ་རིང་མྱ་ངན་འདའ། །ཟུག་རྔུ་འབྱིན་མཛད་སྡིག་མེད་ཉོན་མོངས་མེད། །གསོ་མཛད་དམ་པ་སྨན་པ་ཆེན་པོ་སྟེ། །མི་དགེའི་ཟུག་རྔུ་འབྱིན་མཆོག་གང་ཡིན་པ། །ཐུབ་པ་དེ་ནི་དེ་རིང་མྱ་ངན་འདའ། །གང་ཞིག་སེམས་ཅན་ཆགས་དང་སྡང་
D136.056.0147a06.01བས་བཅོམ། །རྨོངས་པས་ཟིལ་ནོན་རྒ་དང་འཆི་ལ་ཆགས། །འགགས་འགལ་ལམ་ལོག་ཞུགས་པ་གཟིགས་ནས་ནི། །འཇིག་རྟེན་ཐུགས་རྗེ་བསྐྱེད་ནས་ཆོས་སྟོན་ཅིང་། །གང་ཞིག་བདུད་སྡེ་རབ་གཏུམ་དྲག་པོའི་གཟུགས། །སྣ་ཚོགས་གཟུགས་ཅན་མཚོན་སྲ་རྡོ་རྗེ་ཐོགས། །ཁ་ཅིག་འཇིགས་པ་
D136.056.0147a07.01