完整藏文原文 · 德格版页 当前仅加载第 56 函德格 154a 版页；藏文 NFD、目录标记与异常页序保留在来源切片中，重复版页行以稳定序号区分。
ན་འཇིག་རྟེན་གྱི་ཁམས་དགའ་སྤུ་ཞེས་བྱ་བ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་དམིགས་མེད་ཅེས་བྱ་བ་ཤི་འཕོས་ནས་སངས་རྒྱས་ཀྱི་ཞིང་འདིའི་འཛམ་བུའི་གླིང་འདི་ཉིད་དུ་བཱ་རཱ་ཎ་སཱིའི་གྲོང་ཁྱེར་ཆེན་པོར་ཚོང་དཔོན་མེ་ཏོག་བཟང་པོ་ཞེས་བྱ་བའི་
D136.056.0154a01.01ཁྱིམ་དུ་སྐྱེས་སོ། །དེ་ནས་ཁྱེའུ་དེ་སྐྱེས་མ་ཐག་ཏུ་དེའི་ཚེ་ཆེད་དུ་བརྗོད་པ་འདི་ཆེད་དུ་བརྗོད་དོ། །བདག་མེད་མི་གཡོའི་ཆོས་སྟོན་པ། །རྣམ་པར་འདྲེན་པ་སངས་རྒྱས་ནི། །སཱ་ལའི་ལྗོན་ཤིང་ཚལ་ཁྲོད་དུ། །དེ་རིང་མྱ་ངན་འདའ་བར་འགྱུར། །ཆོས་རྣམས་འདི་དག་
D136.056.0154a02.01དམིགས་མེད་ན། །མི་མཁས་དམིགས་པར་བྱེད་པ་དག །དེ་དག་སྡུག་བསྔལ་མི་གྲོལ་ཞིང་། །དེ་དག་རྣམས་ཀྱི་སྡུག་བསྔལ་འཕེལ། །ཆོས་རྣམས་ཐམས་ཅད་གནས་མིན་ཏེ། །དེ་དག་རྣམས་ཀྱི་གནས་ཀྱང་མེད། །ཟད་པ་དང་ནི་མ་ཟད་པ། །ཐམས་ཅད་འདི་ལ་
D136.056.0154a03.01རྙེད་མི་འགྱུར། །སྟོང་པ་ནམ་ཡང་མི་འཇིག་ཅིང་། །སྟོང་པ་རྣམ་པར་འཇིག་པའང་མེད། །དེ་ལ་རྐྱེན་ཀྱང་ཡོད་མིན་ཞིང་། །རྐྱེན་མེད་པ་ཡང་དེ་ལ་མེད། །གང་གིས་ཞི་བ་མཐོང་དཀའ་ཞིང་། །ཟབ་མོའི་ཆོས་འདི་བསྟན་མཛད་པ། །ཤཱཀྱ་སེང་གེ་མི་ཡི་མཆོག །རྫོགས་
D136.056.0154a04.01པའི་སངས་རྒྱས་བཞུགས་སམ་ཅི། །སེང་གེ་ཆེན་པོ་གླང་པོ་ཆེ། །ཚངས་པར་གྱུར་ཅིང་ཟག་པ་མེད། །མིག་ཏུ་གྱུར་པ་དེ་རིང་ནི། །སཱ་ལའི་བར་དུ་འདའ་བར་འགྱུར། །དགེ་སློང་དགེ་འདུན་མདུན་དག་ན། །ཟླ་བ་ཉ་བ་འདྲ་བར་ནི། །ཡུན་རིང་ཆོས་རྣམས་སྟོན་མཛད་པ། །ཕྱིན་
D136.056.0154a05.01ཆད་མཐོང་བར་མི་འགྱུར་རོ། །ལྷུན་པོའི་སྒང་ན་ནོར་ལྷ་ལྟར། །དགེ་སློང་ཚོགས་ལ་རྣམ་མཛེས་པ། །ལེགས་པར་གསུང་པ་མགོན་པོ་ནི། །ཕྱིན་ཆད་གྲོང་ཁྱེར་གཤེགས་མི་འགྱུར། །ལྷ་མིའི་མདུན་ན་སྐྱོབ་པ་ཡི། །བླ་མེད་ཆོས་ཀྱི་ང་རོ་དང་། །དགའ་བར་མཛད་པའི་གསུང་དབྱངས་
D136.056.0154a06.01ཏེ། །ཕྱིན་ཆད་ཐོས་པར་མི་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་དམིགས་མེད་ཀྱིས་ཚིགས་སུ་བཅད་པ་དེ་དག་སྨྲས་མ་ཐག་ཏུ་དེ་ནས་དེའི་ཚེ་བཱ་རཱ་ཎ་སཱིའི་གྲོང་ཁྱེར་ཆེན་པོའི་སྲོག་ཆགས་འབུམ་ཐམ་པས་ཚིག་འདི་སྐད་ཅེས་སྨྲས་སོ། །གང་གི་ཕྱིར་ཁྱེའུ་འདི་སྐྱེས་མ་
D136.056.0154a07.01