完整藏文原文 · 德格版页 当前仅加载第 64 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
ཐུབ་ཅན་ཞེས་བྱ་བ་དང་། དྲང་སྲོང་ཡང་དག་སྦྱོར་ཞེས་བྱ་བ་དང་། དྲང་སྲོང་ཀུན་ཏུ་རྒྱལ་ཞེས་བྱ་བ་དང་། དྲང་སྲོང་ངན་སྤོང་ཤེས་ལྡན་ཞེས་བྱ་བ་དང་། དྲང་སྲོང་རི་བྱི་རངས་བྱེད་གཞུ་ཅན་ཞེས་བྱ་བ་དང་། དྲང་སྲོང་མ་མ་{རི་དགས་,རི་དྭགས་}ཞེས་བྱ་བ་དང་། དྲང་སྲོང་ཤ་མེད་ཟས་སྦྱིན་
D232.064.0119a01.01ཞེས་བྱ་བ་དང་། དྲང་སྲོང་གནས་འཇོག་སེལ་བརྩོན་ཞེས་བྱ་བ་དང་། དྲང་སྲོང་སྒྲ་མི་སྙན་ལྔ་ལེན་རིལ་པ་ཅན་ཞེས་བྱ་བ་དང་། དྲང་སྲོང་འདོད་པ་ལ་རྒྱབ་ཀྱིས་ཕྱོགས་པ་ཞེས་བྱ་བ་དང་། དྲང་སྲོང་དུས་དང་པོ་ལ་དགའ་བ་ཞེས་བྱ་བ་དང་། དྲང་སྲོང་བརྒྱ་བྱིན་ལྷར་འཛིན་ཡུན་རིང་གནས་ཞེས་
D232.064.0119a02.01བྱ་བ་དང་། དྲང་སྲོང་མཛོད་ལྡན་སྒྲ་མི་སྙན་ཅེས་བྱ་བ་དང་། དྲང་སྲོང་བྷ་ར་དྭ་ཛ་ཤིང་ཤུན་ཅན་ཞེས་བྱ་བ་དང་། དྲང་སྲོང་ཀླུའི་རིལ་པ་ཅན་ཞེས་བྱ་བ་དང་། དྲང་སྲོང་འདམ་བུས་བྱིན་ཞེས་བྱ་བ་དང་། དེ་དག་ལ་སོགས་པ་དྲང་སྲོང་མངོན་པར་ཤེས་པ་ལྔ་ཐོབ་པ་ས་ཡ་ཕྲག་དགུ་དང་དགུ་འབུམ་
D232.064.0119a03.01སྟེ། ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ལན་གསུམ་བསྐོར་བ་བྱས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་དེ་ཕྱོགས་
D232.064.0119a04.01གཅིག་ཏུ་འཁོད་དོ། །ཡང་དེའི་ཚེ་ལྷ་རྣམས་ཀྱི་དབང་པོ་བརྒྱ་བྱིན་སུམ་ཅུ་རྩ་གསུམ་པའི་ལྷའི་བུའི་ཚོགས་འབུམ་ཕྲག་དུ་མ་དང་ལྷན་ཅིག་ཏུ་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་
D232.064.0119a05.01བོས་ཕྱག་འཚལ་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་ཕྱོགས་གཅིག་ཏུ་འཁོད་དོ། །ཡང་དེའི་ཚེ་འཇིག་རྟེན་སྐྱོང་བ་བཞི་ལྷའི་བུ་འབུམ་ཕྲག་དུ་མས་མདུན་གྱིས་བལྟས་ཏེ་ཡོངས་སུ་བསྐོར་ནས་ཕྱེ་མ་རེད་ཀྱི་དུས་ཀྱི་ཚེ་རང་རང་གི་གནས་ནས་བྱུང་ནས་བཅོམ་
D232.064.0119a06.01ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འཁོད་དོ། །ཡང་དེའི་ཚེ་ཡུལ་མཉན་ཡོད་ནས་ཀོ་ས་ལའི་རྒྱལ་པོ་གསལ་རྒྱལ་རང་གི་བློན་པོ་ཆེན་པོ་ཐེག་པ་ཆེན་པོ་ལ་མངོན་པར་རྩེ་བ་དེ་དང་དེ་དག་རང་རང་གི་འཁོར་དང་
D232.064.0119a07.01