完整藏文原文 · 德格版页 当前仅加载第 64 函德格 180a 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་གསོལ་ཏོ། །བཅོམ་ལྡན་འདས་ཀྱེ་མ་ཐབས་ཀྱི་སྐྱེས་བུ་འདི་གཉིས་ནི་མཁས་ཤིང་ཞི་བ་ལ་ཤེས་པ་ཟབ་མོ་དང་ལྡན་ཏེ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཤིན་ཏུ་གསལ་བར་འཚལ་བ་ལགས་ན། བཅོམ་ལྡན་འདས་སྐྱེས་བུ་དམ་པ་འདི་གཉིས་སུ་ལགས་
D232.064.0180a01.01པ་དང་། གང་ནས་མཆིས་པ་སེམས་ཅན་ཐམས་ཅད་ལ་སྨན་པའི་སླད་དུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ལྷ་མོ་ལེགས་སོ་ལེགས་སོ། །ལྷ་མོ་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་དེ་བཞིན་གཤེགས་པ་ལ་ཞུས་པ་ལེགས་སོ། །
D232.064.0180a02.01ལྷ་མོ་ཉོན་ཅིག །གཙོ་བོ་ཆེན་པོ་འདི་གཉིས་ནི་དེ་བཞིན་གཤེགས་པའི་སྲས་ཡིན་ཏེ། ལྷ་མོ་གཙོ་བོ་ཆེན་པོ་འདི་གཉིས་ནི་སྐྱེས་བུ་དམ་པ་རྣམས་ཀྱི་བདག་པོ་འཁོར་བ་ལ་དགའ་བའི་སྨོན་ལམ་བཏབ་པའི་སྐྱེས་བུ་ངལ་བྱས་པ་གཟོ་བ། ངའི་བུ་སྡུག་པ་ཤཱཀྱའི་རུས་དང་རིགས་འཛིན་པ། ངའི་བསྟན་
D232.064.0180a03.01པའི་ཁུར་ཁྱེར་བ། ངའི་བསྟན་པའི་སྒྲོན་མ་རབ་ཏུ་འབར་བར་བྱེད་པ་ཡིན་གྱིས་རྗེས་སུ་ཡི་རང་བར་གྱིས་ཤིག །ལྷ་མོ་སྔོན་བྱུང་བ་འདས་པའི་དུས་ན་བསྐལ་པ་གྲངས་མེད་པ་བས་ཀྱང་ཆེས་གྲངས་མེད་པ། བསྐལ་པ་མང་བས་ཀྱང་ཆེས་མང་བ་འདས་པ་དེའི་ཚེ་དེའི་དུས་ན་དེ་བཞིན་གཤེགས་པ་རིག་
D232.064.0180a04.01པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཀླུ་རིགས་སྒྲོན་མ་ཞེས་བྱ་བ་འཇིག་རྟེན་དུ་བྱུང་ངོ་། །ལྷ་མོ་དེའི་ཚེ་འཛམ་བུའི་གླིང་འདི་འབྱོར་པ་དང་། རྒྱས་
D232.064.0180a05.01པ་དང་། ལོ་ལེགས་པ་དང་། ཉམས་དགའ་བར་གྱུར་ཏེ། སྐྱེ་བོ་དང་མི་མང་པོས་གང་ཞིང་བདེ་བ་དང་། ཡིད་བདེ་བ་དང་ལྡན་པར་གྱུར་ཏོ། །དེའི་ཚེ་འཛམ་བུའི་གླིང་འདི་ཡངས་ཤིང་རྒྱ་ཆེ་ལ་ཆུ་ཞེང་དང་ཐ་གྲུ་ཆེ་བར་གྱུར་ཏེ། ངོས་གཅིག་ལ་དཔག་ཚད་འབུམ་ཕྲག་དྲུག་ཅུ་རྩ་བརྒྱད་ཡོད་པར་གྱུར་
D232.064.0180a06.01ཏོ། །དེའི་ཚེ་འཛམ་བུའི་གླིང་འདི་ན་གྲོང་ཁྱེར་དཔག་ཚད་བཅུ་གཉིས་པ། མི་བྱེ་བ་ཕྲག་དགུ་བཅུ་དགུ་བཅུ་གནས་པ་བདུན་ཁྲི་བརྒྱད་སྟོང་ཡོད་དེ། གྲོང་ཁྱེར་དེ་དག་ཐམས་ཅད་ཀྱང་རིན་པོ་ཆེ་སྣ་བདུན་ལས་བྱས་པ་ཤ་སྟག་གོ། །ལྷ་མོ་དེའི་ཚེ་རྒྱལ་པོའི་ཁབ་འདིར་གྲོང་ཁྱེར་རིན་ཆེན་འབྱུང་གནས་ཞེས་
D232.064.0180a07.01