完整藏文原文 · 德格版页 当前仅加载第 64 函德格 162a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དུས་ཞེས་བྱ་བ་དང་། ཆར་གྱི་དྲ་བའི་རྒྱུན་རིན་པོ་ཆེའི་རེང་བུའི་རྒྱལ་པོ་ཞེས་བྱ་བ་དང་། ཆར་གྱི་དྲ་བའི་སྙིང་པོའི་ཕྱག་རྒྱའི་རྒྱལ་པོ་ཞེས་བྱ་བ་དང་། ཆར་གྱི་དྲི་མ་སེལ་བ་ཞེས་བྱ་བ་དང་། ཆར་གྱི་དྲ་བ་སྣ་ཚོགས་ཀྱི་ཆུའི་གདུག་པ་སེལ་བའི་རྒྱལ་པོ་ཞེས་བྱ་བ་དང་། ཆར་གྱི་
D232.064.0162a01.01དྲ་བ་བདེ་བསིལ་ངོམས་པར་བྱེད་པ་ཞེས་བྱ་བ་དང་། ཆར་སྣ་ཚོགས་ལ་དམིགས་པ་ཡང་དག་པའི་སྤྱོད་ཡུལ་གྱི་རྒྱལ་པོ་ཞེས་བྱ་བ་དང་། ཆར་སྣ་ཚོགས་ལ་ཡང་དག་པར་ལྟ་བ་དང་ལྷན་ཅིག་སྐྱེས་པ་ཞེས་བྱ་བ་དང་། ཆར་སྣ་ཚོགས་ཀྱི་བསོད་ནམས་ཀྱི་རྣམ་པའི་ཞིང་ལ་དབང་བྱེད་པ་ཞེས་བྱ་བ་དང་།
D232.064.0162a02.01ཆར་གྱི་དྲ་བ་བདེ་བསིལ་སྨན་གྱི་ཆར་འབེབས་ཀླུའི་རྒྱལ་པོ་ཞེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་ཆར་གྱི་རྒྱུན་བསམ་གྱིས་མི་ཁྱབ་པའི་བསོད་ནམས་ཀྱི་རྣམ་པའི་ལམ་ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷའི་བུ་ནམ་མཁའ་ལ་བསྒྲགས་པ་ཞེས་བྱ་བས་བཅོམ་ལྡན་འདས་ལ་མཆོད་
D232.064.0162a03.01པ་བྱས་ནས་ཚིགས་སུ་བཅད་པ་འདི་དག་སྨྲས་སོ། །ཁྱོད་ཀྱིས་དེ་རིང་གསང་བ་མང་པོ་རབ་ཏུ་བཤད། །ལྷ་རྣམས་སྟོང་ཕྲག་བྱེ་བ་རབ་ཏུ་གྲོལ་བར་མཛད། །སེམས་ཅན་མང་པོ་དག་ཀྱང་ཁྱོད་ཀྱིས་གྲོལ་བར་མཛད། །རྒ་ནད་བཟློགས་ཕྱིར་མྱ་ངན་འདས་པ་ཡང་དག་རྟོགས། །ཁྱོད་ནི་ལྷ་ཡི་ལྷ་
D232.064.0162a04.01མཆོག་བླ་ན་མེད་པ་ལགས། །ཁྱོད་ནི་གསང་བའི་གསང་བ་ཁྱོད་ནི་འཇིག་རྟེན་མགོན། །ཆོས་རྣམས་རྣམ་པ་སྣ་ཚོགས་དོན་ཡོད་སྟོན་པ་མཛད། །ཡེ་ཤེས་འོད་འཕྲོ་སྒྲོན་མ་དམ་པ་རྟག་ཏུ་སྣང་། །བསོད་ནམས་ཀྱི་རྣམ་པ་ཡོངས་སུ་བརྗོད་པའི་གླེང་གཞིའི་ལེའུ་ཞེས་བྱ་སྟེ་བཅུ་པའོ།། །།
D232.064.0162a05.01སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་ཚོགས་ནམ་མཁའ་ལས་འབྱུང་ཞིང་འདུ་བའི་རྣམ་པར་འཕྲུལ་པའི་རྒྱལ་པོ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་རྒྱས་པར་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྩ་བ་ནས་སྐྱེ་བའི་རབ་ཏུ་མགུ་བ་ལ་
D232.064.0162a06.01མཁས་པའི་རྒྱལ་པོ་ཞེས་བྱ་བ་དང་། རྩ་བའི་རང་བཞིན་ལེགས་པར་མཐོང་ནས་རྟག་ཏུ་རྗོད་པ་ཞེས་བྱ་བ་དང་། མཉམ་པ་དང་མི་མཉམ་པའི་ཡེ་ཤེས་ཤིན་ཏུ་མཐོང་བའི་རྒྱལ་པོ་ཞེས་བྱ་བ་དང་། བརྟག་པའི་ཕྱག་རྒྱ་ཞེས་བྱ་བ་དང་། བློ་གྲོས་མི་ཟད་པའི་ཡང་དག་པའི་རྒྱལ་པོ་ཞེས་བྱ་བ་དང་།
D232.064.0162a07.01