完整藏文原文 · 德格版页 当前仅加载第 64 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་བཀའ་སྩལ་པར་འགྱུར་རོ། །ཁྱོད་ཀྱིས་ཚིག་དང་ཡི་གེ་གཅིག་གི་ཐིག་ལེ་ལྟ་བུ་དག་ཀྱང་སྔོན་མ་ཐོས་པའི་དེ་བཞིན་གཤེགས་པའི་ཡུལ་ཟབ་ཅིང་ཕྲ་ལ་དོན་བཟང་པོ་དང་། ཚིག་འབྲུ་བཟང་པོར་སྦྱར་བའི་ཚིག་དང་ལྡན་པ་དག་རིང་པོ་མི་ཐོགས་པར་ཐོབ་པར་
D232.064.0137a01.01འགྱུར་རོ། །ཕྲ་བའི་ཚིག་དེ་དག་རྟོགས་པར་འདོད་པ་དང་། དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པའི་ཡོན་ཏན་གྱི་ཆེ་བ་ཉིད་ཀྱི་སྤྱོད་པ་དང་། དེ་ཁོ་ནའི་སྤྱོད་པ་རྟོགས་པར་འདོད་པས་ནི་སྤྲིན་ཆེན་པོའི་མདོའི་ཡུལ་བསམ་གྱིས་མི་ཁྱབ་པའི་སྤྱོད་པ་ལ་
D232.064.0137a02.01བརྩོན་པར་བྱའོ། །དམ་པའི་ཆོས་བརྟན་པར་བྱ་བ་དང་། མཉན་པའི་ཕྱིར་དེ་བཞིན་གཤེགས་པའི་རྟག་པ་དང་། ཐེར་ཟུག་པ་དང་། བརྟན་པའི་ཡོན་ཏན་གྱི་ཆེ་བ་ཉིད་ཀྱང་གཞན་དག་ལ་རྒྱས་པར་བསྟན་པར་བརྩོན་པར་བྱའོ། །དེ་བཞིན་གཤེགས་པ་རྟག་པ་ཞེས་བྱ་བ་དང་། དེ་
D232.064.0137a03.01བཞིན་གཤེགས་པ་གཏན་དུ་མྱ་ངན་ལས་འདའ་བ་མེད་དོ་ཞེས་བྱ་བ་དང་། དེ་བཞིན་གཤེགས་པའི་བསྟན་པ་ཡང་ནུབ་པར་མི་འགྱུར་རོ་ཞེས་བྱ་བ་ལ་བརྩོན་པར་བྱ་སྟེ། གཞན་དག་ལ་ཡང་རྒྱས་པར་བཤད་པ་ལ་ཡང་བརྩོན་པར་བྱའོ། །དེ་ནས་དེའི་ཚེ་རྣམ་པར་འཐོར་རླུང་གི་རྒྱལ་པོ་
D232.064.0137a04.01རྣམས་ལྷའི་བདེ་བའི་ལོངས་སྤྱོད་དང་། ཡོངས་སུ་སྤྱོད་པའི་བདེ་བ་དང་། བསིལ་བའི་ཆུ་དང་འདྲེས་པའི་རླུང་དུས་ཚིགས་དྲུག་གི་མེ་ཏོག་དང་། འབྲས་བུས་རྒྱས་པ་དག་རབ་ཏུ་གཏོང་ཞིང་བཅོམ་ལྡན་འདས་ལ་སྲི་ཞུ་བྱ་བ་ལ་ཞུགས་སོ། །དེ་ནས་དེའི་ཚེ་སངས་རྒྱས་ཀྱི་མཐུས་ནམ་མཁའ་
D232.064.0137a05.01ལ་སྤྲིན་གྱི་ཚོགས་ཆེན་པོ་སྟང་ཟིལ་གྱི་ཁ་དོག་འདྲ་ཞིང་ཆུ་རོ་མངར་བ་རྣམ་པ་བཞིས་རྒྱས་པ་དག་འབྲུག་སྒྲ་སྒྲོགས་ཏེ། །ཆེམ་ཆེམ་རབ་ཏུ་ཆེམ་ཆེམ། ཀུན་ཏུ་རབ་ཏུ་ཆེམ་ཆེམ། མངོན་པར་རབ་ཏུ་ཆེམ་ཆེམ་མོ། །ཆེམ་ནལ་རབ་ཏུ་ཆེམ་ནལ། ཀུན་ཏུ་རབ་ཏུ་ཆེམ་ནལ། མངོན་
D232.064.0137a06.01པར་རབ་ཏུ་ཆེམ་ནལ་ལོ། །བདུད་རྩིའི་འབྲུག་སྒྲ་སྒྲོགས་རབ་ཏུ་སྒྲོགས། ཀུན་ཏུ་རབ་ཏུ་སྒྲོགས་མངོན་པར་རབ་ཏུ་སྒྲོགས་སོ། །སིལ་སྙན་དང་། གླུ་དབྱངས་ལྟ་བུའི་སྒྲ་སེམས་ཅན་ཐམས་ཅད་ཀྱི་ཡིད་དུ་འོང་བ་འབྱིན་རབ་ཏུ་འབྱིན། ཀུན་ཏུ་རབ་ཏུ་འབྱིན་མངོན་པར་རབ་ཏུ་འབྱིན་ཏོ། །
D232.064.0137a07.01