完整藏文原文 · 德格版页 当前仅加载第 64 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
བཤད་པར་བྱའོ། །སྤྲིན་ཆེན་སྙིང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སངས་རྒྱས་ཀྱི་ཡང་དག་པའི་ཡོན་ཏན་གྱི་ཆེ་བ་ཉིད་དམ་པའི་ཆོས་བརྟན་པའི་གཏེར་གྱི་ཚུལ་དེ་ལེགས་པར་རབ་ཏུ་ཉོན་ལ་ཤིན་ཏུ་ཡིད་ལ་ཟུང་ཤིག་དང་། བསྟན་
D232.064.0131b01.01པར་བྱ་སྟེ། སྤྲིན་ཆེན་སྙིང་པོ་གཞན་ཡིད་ལ་མ་སེམས་ཤིག་དང་བཤད་པར་བྱའོ། །སྤྲིན་ཆེན་སྙིང་པོ་སེམས་ཅན་ཐམས་ཅད་ལ་ཕན་པ་དང་། བདེ་བ་དང་། སྙིང་བརྩེ་བའི་ཕྱིར་བརྟན་པའི་སེམས་ཀྱིས་ཟུང་ཤིག །སེམས་ཅན་ཐམས་ཅད་ངེས་པར་བསྒྲལ་བའི་སེམས་ཀྱིས་ཡིད་ལ་ཟུང་ཤིག །སྤྲིན་
D232.064.0131b02.01ཆེན་སྙིང་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སངས་རྒྱས་ཀྱི་ཡོན་ཏན་གྱི་ཆེ་བ་ཉིད་ཀྱི་ཆོས་བརྟན་པའི་གཏེར་གྱི་ཚུལ་གང་གིས་སངས་རྒྱས་ཀྱི་ཡོན་ཏན་གྱི་དམ་པའི་ཆོས་བརྟན་པའི་གཏེར་གྱི་ཚུལ་དང་། དེ་ཁོ་ན་ཤེས་པའི་ཆུས་ཡོངས་
D232.064.0131b03.01སུ་སྨིན་པར་བྱས་པའི་དགེ་བའི་རྩ་བའི་བདུད་རྩིའི་རོ་ཞིམ་པོ་ཐོབ་པ་ཡོད་དེ། དགེ་བའི་རྩ་བ་དེས་བདུད་རྩིའི་རོ་ཞིམ་པོ་དེ་ཡོངས་སུ་སྤྱད་ནས་དེ་བཞིན་གཤེགས་པ་ཐམས་ཅད་ཀྱི་མཛད་པ་ཐམས་ཅད་མཛད་དེ། དེ་ཡོངས་སུ་རྫོགས་པས་སངས་རྒྱས་ཀྱི་མཛད་པས་མངོན་པར་རོལ་
D232.064.0131b04.01པ་བདུད་རྩིའི་རོ་ཞིམ་པོ་དེ་ཡོངས་སུ་སྤྱོད་ཅིང་སེམས་ཅན་ཐམས་ཅད་ལ་ཡང་ཡེ་ཤེས་ཆེན་པོའི་བདུད་རྩིའི་རོ་ཞིམ་པོ་བྱིན་ཅིག །སྤྲིན་ཆེན་སྙིང་པོ་སྤྲིན་ཆེན་པོའི་མདོ་མཚུངས་པ་མེད་པའི་མདོའི་རྒྱལ་པོ། ཆོས་ཀྱི་རྣམ་གྲངས་ཆེན་པོ། ཚངས་པར་སྤྱོད་པ། ཐོག་མར་དགེ་བ།
D232.064.0131b05.01བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་ཟུང་ཤིག །སྤྲིན་ཆེན་སྙིང་པོ་སྤྲིན་ཆེན་པོའི་མདོ་མཚུངས་པ་མེད་པའི་མདོའི་རྒྱལ་པོའི་ཆོས་ཀྱི་རྣམ་གྲངས་ཆེན་པོ་དེ་
D232.064.0131b06.01བཞིན་གཤེགས་པའི་ཚུལ་དམ་པའི་ཆོས་བརྟན་པའི་གཏེར་ཤོད་ཅིག །སྤྲིན་ཆེན་སྙིང་པོ་སྤྲིན་ཆེན་པོའི་མདོ་ཀུན་ཆུབ་པར་གྱིས་ཤིག །སྤྲིན་ཆེན་སྙིང་པོ་སྤྲིན་ཆེན་པོའི་མདོའི་གཟུངས་ཀྱི་རྒྱ་མཚོ་ཆེན་པོ་ཏིང་ངེ་འཛིན་གྱི་རྒྱ་མཚོ་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་ཡོན་ཏན་
D232.064.0131b07.01