完整藏文原文 · 德格版页 当前仅加载第 64 函德格 205a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཕྱིར་མཚན་མར་ལྟ་བ་འཛིན་པའི་འདུ་ཤེས་སྨྲ་བར་བྱེད། སྨྲས་པ། སེམས་ཅན་ཐམས་ཅད་ལ་ཕན་པར་བྱ་བའི་ཕྱིར་རོ། །སྨྲས་པ། གང་བདག་གི་ལྟ་བ་བསལ་བར་མི་ནུས་པ་དེས་གཞན་གྱི་ལྟ་བ་སེལ་བར་འགྱུར་བ་དེ་ནི་གནས་མེད་དོ། །བཅོམ་ལྡན་འདས་ཀྱིས་བཀའ་སྩལ་
D232.064.0205a01.01པ། སྤྲིན་ཆེན་སྙིང་པོ་དེ་ནི་ལྷ་མོས་ཇི་སྐད་སྨྲས་པ་བཞིན་ཏེ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་གང་ཡིན་པ་དེ་ནི་མཚན་མ་མེད་པའི་འདུ་ཤེས་ཡང་དག་པར་མཐོང་བ་ཡིན་ནོ། །གསོལ་པ། བཅོམ་ལྡན་འདས་འདི་ལ་གནས་པའི་བྱང་ཆུབ་སེམས་དཔའ་རིགས་ཀྱི་བུའམ།
D232.064.0205a02.01རིགས་ཀྱི་བུ་མོ་མཚན་མ་མ་མཆིས་པའི་འདུ་ཤེས་ཡང་དག་པར་བལྟ་བར་འཚལ་བས་ཇི་ལྟར་ཡང་དག་པར་བལྟ་བར་བགྱི། བཀའ་སྩལ་པ། སྤྲིན་ཆེན་སྙིང་པོ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་
D232.064.0205a03.01བདག་ཉིད་རྣམ་པ་དུ་མར་སྟོན་པར་བྱེད་དོ། །གསོལ་པ། བཅོམ་ལྡན་འདས་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བདག་ཉིད་རྣམ་པ་དུ་མར་ཇི་ལྟར་སྟོན་པར་བགྱིད། བཅོམ་ལྡན་འདས་ཀྱིས་བཀའ་སྩལ་པ། སྤྲིན་ཆེན་
D232.064.0205a04.01སྙིང་པོ་འདི་ལྟ་སྟེ། དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་ནན་ཏན་དུ་སྦྱངས་པ་མཁས་པས་རོལ་མོའི་ནང་དུ་བདག་ཉིད་རོར་གྱུར་པར་སྟོན་པར་བྱེད། བུད་མེད་ཀྱི་ལུས་རྣམ་པ་སྣ་ཚོགས་སུ་ཡང་སྟོན་པར་བྱེད། གཅན་གཟན་གྱིས་ཟིན་པ་དང་། ལུས་ཞུ་བ་དང་། ལུས་མི་སྣང་བ་
D232.064.0205a05.01དང་། ཚིག་པ་དང་། བཅད་པ་དང་། གཏུབ་པའི་རྣམ་པས་ཕ་རོལ་འདྲིད་པ་ལྟ་བུར་གསང་བ་རྣམ་པ་སྣ་ཚོགས་ཀྱི་ཚུལ་དུ་བདག་ཉིད་སྟོན་པ་དག་ཀྱང་མཐོང་ན། དེར་རྒྱུས་ཤེས་པའི་མིས་འཇིགས་པར་མི་བྱ། མྱ་ངན་དུ་མི་བྱ་བར་དེ་ལ་རིག་སྔགས་ཀྱི་རང་བཞིན་དུ་བལྟ་བར་བྱའོ། །དེ་བཞིན་དུ་
D232.064.0205a06.01ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་རྟག་པ་ཉིད་ཀྱི་ལམ་ལ་ནན་ཏན་དུ་སྦྱངས་པས་སེམས་ཅན་རྣམས་ངེས་པར་བསྒྲལ་བའི་ཕྱིར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིར་བདག་ཉིད་རྣམ་པ་སྣ་ཚོགས་ཀྱི་ཚུལ་དུ་སྟོན་པར་བྱེད་དེ། ཏིང་ངེ་འཛིན་འདི་ལ་གནས་པའི་བྱང་
D232.064.0205a07.01