完整藏文原文 · 德格版页 当前仅加载第 64 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་གོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཁོ་ར་ཁོར་ཡུག་ཏུ་རིན་པོ་ཆེ་ཐམས་ཅད་དང་། རོ་དང་ལྡན་པའི་ཆུའི་ཆར་པ་བབ་སྟེ། མངོན་པར་བབ་པར་གྱུར་ཏོ། །དེའི་ཚེ་འཛམ་བུའི་གླིང་གི་ཆུ་ཀླུང་ཆེན་པོ་བརྒྱད་དང་། ཆུ་བྲན་གྱི་ཚོགས་དུ་མ་དག་
D232.064.0138a01.01དང་། ཕུ་ཆུ་རྣམས་མངོན་པར་སྒྲ་སྒྲོགས་ཤིང་སྐད་འབྱིན་པར་གྱུར་ཏེ། ཏུག་རིང་། ཤ་ཤོ། འུར་འུར། དིར་དིར། ཤྭ་ཤྭ་ཤིང་འདུག་སྟེ། མུ་དང་ཁ་ད་ཆད་དུ་གང་བར་གྱུར་ལ་རིན་པོ་ཆེ་ཐམས་ཅད་དང་། རོ་ཐམས་ཅད་དང་ལྡན་པའི་ཆུ་མངོན་པར་བབ་པར་གྱུར་ཏོ། །དེ་བཞིན་
D232.064.0138a02.01དུ་མཚོ་བྲན་དང་། རྫིང་དང་། རྫིང་ཆེན་པོ་རྣམས་ཀྱང་མུ་དང་། ཁ་ད་ཆད་དུ་གང་ལ། བཅུད་ཐམས་ཅད་དང་། རྩྭ་དང་། ནགས་ཚལ་གྱི་སྨན་ཐམས་ཅད་དང་འདྲེས་པའི་ཆུས་རྒྱས་པར་གྱུར་ཏེ། དེ་ལྟ་བུའི་བཀོད་པ་ཆེན་པོ་དག་དང་། སྤྲིན་གྱི་ཚོགས་ཆེན་པོ་གློག་གི་འོད་དང་འདྲེས་པའི་
D232.064.0138a03.01སྤྲིན་ཆེན་པོས་ཞག་བདུན་གྱི་བར་དུ་ཆར་ཤིན་ཏུ་ཕབ་བོ། །འོན་ཀྱང་ཤ་སྦྲང་དང་། སྦྲང་བུ་དང་། སྡིག་སྦྲུལ་དང་། སྐམས་ན་གནས་པ་དང་། པི་ཚུ་ཀ་དང་། བྱའི་ཚོགས་ལ་སོགས་པ་དུད་འགྲོར་སྐྱེས་པ་ཐམས་ཅད་དང་། མི་རྣམས་དང་། སྲོག་ཆགས་ཐམས་ཅད་ལ་ཡང་གནོད་པར་མ་
D232.064.0138a04.01གྱུར་ཏོ། །གྲང་བས་སྦྲེབས་པར་ཡང་མ་གྱུར་ཏོ། །སོ་ཐམས་ཐམས་བྱེད་པར་ཡང་མ་གྱུར་ཏེ་དེ་དག་སྔོན་ཆད་ཡེ་མ་བྱུང་བའི་བདེ་བ་དང་དགའ་བ་ལ་རྩེ་བས་མངོན་པར་རྩེ་བར་གྱུར་ཏོ། །སྔོན་ཆད་ཡེ་མ་བྱུང་བའི་བདེ་བ་ཐམས་ཅད་ཉམས་སུ་མྱོང་ངོ་། །སྔོན་ཆད་ཡེ་མ་བྱུང་བའི་རོ་ཞིམ་པོ་ཐམས་
D232.064.0138a05.01ཅད་མྱོང་ངོ་། །སྦལ་པ་དང་། དུད་འགྲོར་སྐྱེས་པ་ཐམས་ཅད་ཀྱང་སྔོན་ཆད་ཡེ་མ་བྱུང་བའི་སྐད་མངོན་པར་འབྱིན་པར་གྱུར་ཏོ། །དེའི་ཚེ་རྒྱལ་པོའི་ཁབ་དང་། བྱ་རྒོད་ཀྱི་ཕུང་པོའི་རི་དང་བཅས་པ་དང་། ཚོང་རྡལ་དང་། ལུང་པའི་མདོ་དང་བཅས་པ་རྣམས་དང་། འཛམ་བུའི་གླིང་དང་
D232.064.0138a06.01བཅས་པར་རིན་པོ་ཆེ་ཐམས་ཅད་ཀྱི་ས་དང་། རིན་པོ་ཆེ་ཐམས་ཅད་ཀྱི་སྐུད་པས་ཁེབས་ཏེ། ལེགས་པར་བརྒྱན་པར་གྱུར་ཏོ། །རིན་པོ་ཆེའི་ཤིང་ལྗོན་པ་ཐམས་ཅད་དང་། རིན་པོ་ཆེའི་འཁྲི་ཤིང་ཐམས་ཅད་ཕན་ཚུན་འཁྲི་ཞིང་སེམས་ཅན་ཐམས་ཅད་ཀྱི་ཡིད་དུ་འཐད་པའི་སྒྲ་རབ་ཏུ་སྒྲོགས་ཏེ།
D232.064.0138a07.01