完整藏文原文 · 德格版页 当前仅加载第 64 函德格 136a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྣམས་ཀྱི་བསམ་གྱིས་མི་ཁྱབ་པའི་ཡང་བསམ་གྱིས་མི་ཁྱབ་པའི་རྣམ་པར་ཐར་པའི་རྣམ་པ་དང་། ཏིང་ངེ་འཛིན་དང་། གཟུངས་འཐོབ་པ་བརྒྱ་སྟོང་དུ་མ་དང་། གཞན་ཡང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་
D232.064.0136a01.01ཀྱི་འཇིག་རྟེན་གྱི་རྗེས་སུ་འཇུག་པའི་མཛད་པ་དུ་མ་དང་། དེ་བཞིན་གཤེགས་པའི་གསང་བ་བྱེ་བ་བརྒྱ་སྟོང་ཁྱོད་དང་འདྲ་བ་དག་གིས་ཀྱང་རྟོགས་པར་དཀའ་ཞིང་ཟབ་ལ་ཕྲ་སྟེ་བརྡ་ཕྲད་པར་དཀའ་བའི་ཚིག་གི་དོན་ཤིན་ཏུ་སྦས་པ་དང་། དེ་བཞིན་གཤེགས་པའི་ཡུལ་ཤིན་ཏུ་ཕྲ་
D232.064.0136a02.01ཞིང་ཤིན་ཏུ་བྱང་ལ་ཟབ་པའི་ཚིག་དང་། དེ་བཞིན་གཤེགས་པའི་ལྡེམ་པོ་ངག་གི་ཚིག་ཁྱོད་ཀྱིས་ཀྱང་སྔོན་ཚིག་དང་ཡི་གེ་གཅིག་ཀྱང་མ་ཐོས་པའི་ཚིག་ཡོད་དེ་རིམ་བཞིན་དུ་ཕྱིས་བཤད་པར་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྲིན་ཆེན་སྙིང་པོ་སྟན་ལས་
D232.064.0136a03.01ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་མིག་མཆི་མས་གང་བཞིན་དུ་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་མ་བཅོམ་ལྡན་འདས་བདག་ཅག་ལ་སོགས་
D232.064.0136a04.01པ་རྣམས་དང་། སྦྲང་བུ་དང་། སྡིག་སྦྲུལ་དང་། བྱི་བ་དང་། ལྐུགས་པ་དང་། ལོང་བ་དང་། འོན་པ་ལྟ་བུའི་སེམས་ཅན་ཐམས་ཅད་ལ་ཐུགས་བརྩེ་བའི་སླད་དུ་སྤྲིན་ཆེན་པོའི་མདོའི་ཚིག་སྨོས་ཏེ་བཀའ་སྩལ་པ་ནི་ཀྱེ་མ་བཅོམ་ལྡན་འདས་ངོ་མཚར་རྨད་དུ་བྱུང་བ་ལགས་སོ། །
D232.064.0136a05.01དེ་བཞིན་གཤེགས་པས་སྤྲིན་ཆེན་པོའི་མདོའི་ཚིག་སྨོས་ཤིང་གསུངས་ཏེ། བདག་ཅག་ལ་སོགས་པ་སེམས་ཅན་ཐམས་ཅད་དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པའི་གྲོང་ཁྱེར་གྱི་སྐས་ལ་འཛེག་པར་བགྱི་བའི་སླད་དུ་དེ་བཞིན་གཤེགས་པས་ཤིན་ཏུ་ལེགས་པར་
D232.064.0136a06.01བཀའ་སྩལ་པ་ལགས་ན། ད་ཡང་བདག་ཅག་ལ་སོགས་པ་ཉན་ཐོས་དང་། རང་སངས་རྒྱས་ཐམས་ཅད་དང་། གྲུམ་པོ་དང་། ལག་རྡུམ་དང་། དམུས་ལོང་དང་། ལྐུགས་པ་དང་། འོན་པ་དང་། ཡན་ལག་ཐམས་ཅད་ཉམས་པར་གྱུར་པའི་སེམས་ཅན་རྣམས་ལ་དེ་བཞིན་
D232.064.0136a07.01