完整藏文原文 · 德格版页 当前仅加载第 64 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
པ་སེམས་ཅན་ཐམས་ཅད་ཀྱི་མངོན་སུམ་དུ་གྱུར་པ་ལགས་སོ། །སྤྲིན་ཆེན་པོའི་མདོ་བཤད་པ་ན་སྤྲིན་ཆེན་པོའི་ཚོགས་ཀྱིས་རིན་པོ་ཆེ་ཐམས་ཅད་དང་། བཅུད་ཐམས་ཅད་ཀྱིས་རྒྱས་བའི་ཆར་གྱི་རྒྱུན་གྱི་ཚོགས་བདུད་རྩིའི་སྒྲ་ལས་བྱུང་བ་རྣམས་ཀྱིས་བདུད་རྩིའི་ཆར་ཆེན་པོ་རབ་ཏུ་
D232.064.0142a01.01ཕབ་བོ། །ཨ་ལ་ལ་དེ་བཞིན་གཤེགས་པ་ནི་བསམ་གྱིས་མི་ཁྱབ་སྟེ། ཡུལ་བསམ་གྱིས་མི་ཁྱབ་པའི་མདོ་ཤིན་ཏུ་ལེགས་པར་གསུངས་སོ། །ཨ་ལ་ལ་སེམས་ཅན་ཐམས་ཅད་ནི་བསོད་ནམས་བགྱིས་པ་ལགས་སོ། །ཨ་ལ་ལ་བསོད་ནམས་ཀྱི་རྣམ་པར་སྨིན་པ་ནི་བསམ་གྱིས་མི་ཁྱབ་
D232.064.0142a02.01སྟེ། སེམས་ཅན་རྣམས་ལྷའི་བདེ་བའི་ལོངས་སྤྱོད་དང་། ཡོངས་སུ་སྤྱད་པ་ལ་ཡོངས་སུ་སྤྱོད་དོ། །དེ་རིང་སེམས་ཅན་ཐམས་ཅད་ལྷ་རྣམས་དང་ལྷན་ཅིག་ཏུ་རྩེ་བར་གྱུར་ཏོ། །སྤྲིན་ཆེན་པོའི་མདོའི་གཏེར་སེམས་ཅན་ཐམས་ཅད་ཀྱི་ལོངས་སྤྱོད་མི་ཟད་པའི་གཏེར་དུ་གྱུར་པ་བཅོམ་ལྡན་འདས་
D232.064.0142a03.01ཀྱིས་བཤད་དུ་གསོལ། དེ་བཞིན་གཤེགས་པའི་ཡོན་ཏན་གྱི་ཆེ་བ་ཉིད་རྟག་པ་དང་། ཐེར་ཟུག་པ་དང་། བརྟན་པ་དང་། ཞི་བ་དང་། མཚན་ཉིད་མ་མཆིས་པའི་ཆར་བཅོམ་ལྡན་འདས་ཀྱིས་དེ་རིང་དབབ་ཏུ་གསོལ་སྤྲིན་ཆེན་པོའི་མདོ་ལས་ཏིང་ངེ་འཛིན་དང་། གཟུངས་ཀྱི་ཆུས་
D232.064.0142a04.01རྒྱས་པའི་ཆོས་ཀྱི་སྤྲིན་གྱི་ཚོགས་ཀྱི་འབྲུག་སྒྲ་འཁོར་བའི་ཉོན་མོངས་པའི་ཚོགས་ཀྱི་ནམ་མཁའི་དཀྱིལ་དུ་སྒྲོགས་ཤིང་དེ་བཞིན་གཤེགས་པ་རྟག་པའི་སྒྲའི་ཚིག་རྣམས་འབེབས་ཏེ། འུར་འུར། ཆེམ་ཆེམ་ཞིང་མཆིས་ལ། དམ་པའི་ཆོས་ནུབ་པར་མི་འགྱུར་ཞིང་ཡོངས་སུ་མྱ་ངན་ལས་འདའ་བར་མི་འགྱུར་
D232.064.0142a05.01བ་དེ་བཞིན་གཤེགས་པའི་ལྡེམ་པོ་ངག་གི་གློག་སྟོན་ཏེ། རྟག་པའི་སྒྲའི་བཅུད་བསིལ་བའི་དེ་ཁོ་ན་དྲག་ཅིང་མི་ཟད་པའི་རྒྱུན་གྱི་ཆར་གྱི་ཚོགས་ཀྱིས་ཉོན་མོངས་པའི་སྦུབས་ཀྱི་ལམ་རབ་ཏུ་སེལ་བའི་དམ་པའི་ཆོས་ཀྱི་ཆར་ཆེན་པོ་རབ་ཏུ་དབབ་ཏུ་གསོལ། སེམས་ཅན་ཐམས་ཅད་མངོན་སུམ་དུ་དེ་བཞིན་གཤེགས་པའི་རྟག་
D232.064.0142a06.01པ་དང་། ཐེར་ཟུག་པ་དང་། བརྟན་པ་དང་། ཞི་བའི་སྒྲའི་ཚིག་གི་བཅུད་ཀྱི་རོ་མངར་བ་བཞི་རོ་ཤིན་ཏུ་བདའ་བ་ཐམས་ཅད་དང་ལྡན་པའི་ཆོས་ལ་སྤྱོད་པར་མཛད་དུ་གསོལ། སྔར་གསུངས་པའི་ཚིག་སྨོས་པ་རྣམ་པར་སྦྱོང་བར་བགྱིད་པ་བཅོམ་ལྡན་འདས་ཀྱིས་བཤད་དུ་གསོལ། །བཅོམ་ལྡན་འདས་ཀྱིས་
D232.064.0142a07.01