完整藏文原文 · 德格版页 当前仅加载第 64 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་སེམས་ཅན་རྣམས་ནི་བསོད་ནམས་ཆུང་བ་མ་ཡིན་ནོ་ཞེས་ང་སྨྲའོ། །སྤྲིན་ཆེན་སྙིང་པོ་གཞན་ཡང་མ་འོངས་པའི་སེམས་ཅན་གང་དག་སྤྲིན་ཆེན་པོའི་མདོ་འདི་ལས་ཚིགས་སུ་བཅད་པའམ། ཚིག་གི་ཕྱེད་ཐོས་ན་ཡིད་ཆེས་པར་བྱེད་པའི་སེམས་ཅན་དེ་དག་ལས་གུད་ན་ཆེས་དཀོན་པ་མེད་དོ་ཞེས་ང་
D232.064.0191b01.01སྨྲའོ། །གསོལ་པ་བཅོམ་ལྡན་འདས་དེ་བཞིན་གཤེགས་པས་ཅི་ལ་དགོངས་ཏེ་དེ་སྐད་བཀའ་སྩལ། བཀའ་སྩལ་པ། དེ་བཞིན་གཤེགས་པའི་གསུངས་པའི་མདོ་ལས་ཚིག་གམ། ཚིག་གི་ཕྱེད་ལ་ཡང་ཡིད་ཆེས་པར་བྱེད་པ་གང་ཡིན་པ་དེ་དག་ལས་གུད་ན་ཆེས་དཀོན་པ་མེད་དོ། །ཞེས་ང་སྨྲ་བ་
D232.064.0191b02.01དེ་ལ་ཐེ་ཙོམ་མེད་དོ། །དེ་ཅིའི་ཕྱིར་ཞེ་ན། སྤྲིན་ཆེན་པོའི་མདོ་འདིའི་ཏིང་ངེ་འཛིན་ནམ། གཟུངས་སམ། ཆོས་ཀྱི་སྒོ་གང་ཡང་རུང་བ་ལ་ང་ལ་བྱས་པ་གཟོ་བ་རྣམས་ལ་ཡང་དག་པའི་དོན་ལུང་བསྟན་པས་ལུང་བསྟན་ཏེ། དེ་བཞིན་གཤེགས་པས་ལུང་བསྟན་པ་ཐོབ་པའི་སེམས་ཅན་
D232.064.0191b03.01རྣམས་ནི་ཀྱེ་མ་དགེ་བའི་རྩ་བ་བྱས་པ་ཡིན་ནོ་སྙམ་དུ་འཛིན་ཅིང་ཡིད་ཆེས་པར་བྱེད་པ་མ་འོངས་པའི་སེམས་ཅན་དེ་དག་ནི་ཤིན་ཏུ་ཆེས་དཀོན་པ་ཡིན་པར་ང་སྨྲ་སྟེ། སྤྲིན་ཆེན་སྙིང་པོ་དེ་ལས་དགོངས་ནས་མ་འོངས་པའི་སེམས་ཅན་རྣམས་བསོད་ནམས་ཆུང་བ་མ་ཡིན་ནོ་ཞེས་ང་སྨྲའོ། །གསོལ་པ་བཅོམ་ལྡན་
D232.064.0191b04.01འདས་ཟབ་མོ་བརྟན་པའི་ཆུའི་རྒྱ་མཚོའི་དུས་ཚོད་ཀྱི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་བསོད་ནམས་མི་ཟད་པ་ཉན་ཐོས་དང་རང་སངས་རྒྱས་ཐམས་ཅད་ཀྱིས་གཏིང་དཔག་པར་མི་ནུས་པ་ནི་ཀྱེ་མ་ངོ་མཚར་ཏོ། །བཀའ་སྩལ་པ། སྤྲིན་ཆེན་སྙིང་པོ་དེ་དེ་བཞིན་ཏེ། ཏིང་ངེ་འཛིན་འདི་ལ་གནས་
D232.064.0191b05.01པའི་བྱང་ཆུབ་སེམས་དཔའི་བསོད་ནམས་མི་ཟད་པ་ཤེས་པ་འམ་ཚད་གཟུང་བར་མི་ནུས་སོ། །དེ་ཅིའི་ཕྱིར་ཞེ་ན། སྤྲིན་ཆེན་སྙིང་པོ་དཔེར་ན་རྒྱ་མཚོ་ཆེན་པོའི་ཆུའི་ནང་དུ་ཆུ་བབ་པ་ཟད་པར་མི་འགྱུར་བའི་གཏིང་དཔག་པར་ནུས་སམ། གསོལ་པ་བཅོམ་ལྡན་འདས་དེ་ནི་དེ་ལྟ་མ་ལགས་ཏེ་ནུས་པར་
D232.064.0191b06.01མི་འགྱུར་རོ། །སྤྲིན་ཆེན་སྙིང་པོ་སྤྲིན་ཆེན་པོའི་མདོའི་ཆུ་འབབ་པ་དེའི་གཏིང་ཡང་དཔག་པར་མི་ནུས་ལ། ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའི་བསོད་ནམས་མི་ཟད་པའི་གཏིང་ཡང་དཔག་པར་མི་ནུས་སོ། །སྤྲིན་ཆེན་སྙིང་པོ་གཞན་ཡང་ཏིང་ངེ་འཛིན་འདི་ལ་གནས་པའི་བྱང་ཆུབ་
D232.064.0191b07.01