完整藏文原文 · 德格版页 当前仅加载第 64 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་སོ། །འཛམ་བུའི་གླིང་ལ་ལར་ནི་སྦྱངས་པའི་ཡོན་ཏན་བཅུ་གསུམ་ཡང་དག་པར་འཛིན་པ་ལྟ་བུར་སྟོན་ཏེ། སྦྱངས་པའི་ཡོན་ཏན་ཅན་ཡོ་བྱད་བསྙུངས་པ་ཡིན་པར་སེམས་ཅན་རྣམས་ཀྱིས་ཤེས་ཀྱང་། བསྐལ་པ་བྱེ་བ་ཕྲག་དུ་མ་ནས་སྦྱངས་པའི་ཡོན་ཏན་རྫོགས་ཤིང་རྟག་ཏུ་མཉམ་པར་
D232.064.0207a01.01བཞག་པ་ཡང་ཡིན་ནོ། །འཛམ་བུའི་གླིང་ལ་ལར་ནི་བྱང་ཆུབ་ཀྱི་སྙིང་པོར་རྩྭ་བཏིང་བ་ལ་འདུག་པ་ལྟ་བུར་སྟོན་ཏེ། བྱང་ཆུབ་ཀྱི་སྙིང་པོ་ལ་འདུག་པར་སེམས་ཅན་རྣམས་ཀྱིས་ཤེས་ཀྱང་། རྟག་ཏུ་བྱང་ཆུབ་ཀྱི་བྱ་བ་མཐར་ཕྱིན་པར་བྱས་པ་ཡང་ཡིན་ནོ། །འཛམ་བུའི་གླིང་ལ་ལར་ནི་བསམ་གཏན་དང་
D232.064.0207a02.01ཏིང་ངེ་འཛིན་དང་། སྙོམས་པར་འཇུག་པ་ལ་སྙོམས་པར་ཞུགས་པ་ལྟ་བུར་སྟོན་ཏེ། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་ལ་སྙོམས་པར་ཞུགས་པར་སེམས་ཅན་རྣམས་ཀྱིས་ཤེས་ཀྱང་རྟག་ཏུ་སྙོམས་པར་འཇུག་པའི་སྤྱོད་པ་དུ་མ་ལ་སྤྱོད་པ་ཡང་ཡིན་ནོ། །འཛམ་བུའི་གླིང་
D232.064.0207a03.01ལ་ལར་ནི་ཡན་ལག་དགུ་པའི་མདོ་འཆད་པ་ལྟ་བུར་སྟོན་ཏེ། བཅོམ་ལྡན་འདས་ཀྱིས་ཡན་ལག་དགུ་པའི་མདོ་གསུངས་པ་འཆད་པར་སེམས་ཅན་རྣམས་ཀྱིས་ཤེས་ཀྱང་རྟག་ཏུ་མདོ་དུ་མ་ལ་སོགས་པ་ཡང་འཆད་དོ། །འཛམ་བུའི་གླིང་ལ་ལར་ནི་བསླབ་པའི་གཞིའི་ཚད་ངེས་པར་བྱེད་པ་ལྟ་བུར་སྟོན་
D232.064.0207a04.01ཏེ། བསླབ་པའི་གཞིའི་ཚད་ངེས་པར་འཆའ་བར་བྱེད་པར་སེམས་ཅན་རྣམས་ཀྱིས་ཤེས་ཀྱང་། ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གི་མདོ་དག་ཀྱང་རྟག་ཏུ་བྱེད་ཅིང་། བསླབ་པའི་གཞི་དུ་མ་དག་ཀྱང་རྟག་ཏུ་འཆའ་བར་བྱེད་དོ། །འཛམ་བུའི་གླིང་ལ་ལར་ནི་བྱང་ཆུབ་ཀྱི་ཤིང་དྲུང་དུ་བདུད་
D232.064.0207a05.01འདུལ་བ་ལྟ་བུར་སྟོན་ཏེ། བདུད་ཀྱི་སྡེ་ཕམ་པར་བྱས་པར་སེམས་ཅན་རྣམས་ཀྱིས་ཤེས་ཀྱང་། བདུད་ཀྱི་འདུ་ཤེས་གཅིག་ཀྱང་མི་འབྱུང་སྟེ། ཉོན་མོངས་པའི་བདུད་དང་། ཕུང་པོའི་བདུད་ལ་སོགས་པ་བདུད་བྱེ་བ་ཕྲག་དུ་མ་དག་ཀྱང་རྟག་ཏུ་ཟད་པར་བྱེད་དོ། །འཛམ་བུའི་གླིང་ལ་ལར་ནི་
D232.064.0207a06.01རྒྱུན་ཏུ་ཞུགས་པའི་འབྲས་བུ་ལ་སོགས་པ་འབྲས་བུ་བཞི་ཐོབ་པ་ལྟ་བུར་སྟོན་ཏེ། འབྲས་བུ་བཞི་ཐོབ་པར་སེམས་ཅན་རྣམས་ཀྱིས་ཤེས་ཀྱང་འབྲས་བུ་བཞིའི་འདུ་ཤེས་ཀྱང་མི་འབྱུང་སྟེ། འབྲས་བུའི་བྱ་བ་དུ་མ་དག་ལ་ཡང་སྤྱོད་ཅིང་ཕྱིར་མི་འོང་བ་ཡང་མ་ཡིན་ལ། སེམས་ཅན་
D232.064.0207a07.01