完整藏文原文 · 德格版页 当前仅加载第 64 函德格 163b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་ཞིང་མུན་པ་འཇོམས་པའི་གླེང་གཞིའི་ལེའུ་ཞེས་བྱ་སྟེ་བཅུ་གསུམ་པའོ།། །།སྤྲིན་ཆེན་སྙིང་པོས་གསོལ་པ། སྤྲིན་ཆེན་པོའི་གློག་གི་སྒྱུ་འཕྲུལ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། རྟག་ཏུ་
D232.064.0163b01.01བརྗོད་པ་ཞེས་བྱ་བ་དང་། སྤྲིན་ཆེན་པོའི་གློག་གི་སྒྱུ་འཕྲུལ་རྟག་ཏུ་མངོན་པར་སྲུང་བ་ཞེས་བྱ་བ་དང་། རྟག་ཏུ་མངོན་པར་དགའ་བ་ཞེས་བྱ་བ་དང་། རྟག་ཏུ་མངོན་པར་འདོད་པ་ཞེས་བྱ་བ་དང་། མེ་ལ་མངོན་པར་རྩེ་བ་ཞེས་བྱ་བ་དང་། སྐྱེ་གནས་ཐམས་ཅད་དུ་མངོན་པར་འཇུག་པ་ལ་དགའ་བ་ཞེས་
D232.064.0163b02.01བྱ་བ་དང་། རྙེད་པ་དང་བཅས་པའི་འགྲོ་བ་ལ་རབ་ཏུ་མགུ་བ་ཞེས་བྱ་བ་དང་། ཆུ་འབྱེད་དཀར་མོ་ཞེས་བྱ་བ་དང་། འོད་འཕྲོ་བའི་རྒྱལ་པོ་མངོན་དུ་བྱེད་པ་ཞེས་བྱ་བ་དང་། རྟག་ཏུ་མངོན་པར་འཕགས་པ་མངོན་པར་རྒྱས་པའི་ཕྲེང་བ་བརྒྱུས་པ་ཞེས་བྱ་བ་སྟེ། བཅུ་པོ་དེ་དག་ནི་སྤྲིན་ཆེན་པོའི་གློག་གི་སྒྱུ་འཕྲུལ་
D232.064.0163b03.01ཞེས་བྱ་བའི་ཆོས་ཀྱི་སྒོ་ཡིན་ནོ། །དེ་ནས་དེའི་ཚེ་ལྷ་མོ་སྤྲིན་གྱི་ཆུང་མ་ཞེས་བྱ་བས་བཅོམ་ལྡན་འདས་ལ་མཆོད་པ་ཆེན་པོ་བྱས་ནས། ཚིགས་སུ་བཅད་པ་འདི་སྨྲས་སོ། །ཀྱེ་མ་བཅོམ་ལྡན་སངས་རྒྱས་ཀྱི། །ཡུལ་ནི་བསམ་གྱིས་མི་ཁྱབ་སྟེ། །སྒྱུ་འཕྲུལ་རྒྱལ་པོ་དེ་བཞིན་གཤེགས། །སེམས་ཅན་
D232.064.0163b04.01རྣམས་ལ་སྨན་སླད་དུ། །སྒྱུ་འཕྲུལ་སྣ་ཚོགས་སྟོན་པ་མཛད། །སྤྲིན་ཆེན་པོའི་གློག་གི་སྒྱུ་འཕྲུལ་གྱི་གླེང་གཞིའི་ལེའུ་ཞེས་བྱ་སྟེ་བཅུ་བཞི་པའོ།། །།སྤྲིན་ཆེན་སྙིང་པོས་གསོལ་པ། ཆོ་འཕྲུལ་ཆེན་པོའི་སྒྲོན་མ་སྟོན་པ་ཞེས་བགྱི་བའི་ཆོས་ཀྱི་སྒོ་བཅུ་བཅོམ་ལྡན་འདས་ཀྱིས་བཤད་དུ་གསོལ།
D232.064.0163b05.01བཅོམ་ལྡན་འདས་ཀྱིས་བཀའ་སྩལ་པ། གཏེར་མི་ཟད་པ་ལ་འཇུག་པའི་ཆོ་འཕྲུལ་སྟོན་པ་ཞེས་བྱ་བ་དང་། རིན་པོ་ཆེའི་མཛོད་སྡུད་པ་ཞེས་བྱ་བ་དང་། རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པའི་མཛོད་ཅེས་བྱ་བ་དང་། རི་མོ་ལ་མཐའ་ཡས་པ་ཞེས་བྱ་བ་དང་། དགེ་བ་འབྱོར་པ་
D232.064.0163b06.01ཞེས་བྱ་བ་དང་། དགའ་བ་ཕུན་སུམ་ཚོགས་པ་ཞེས་བྱ་བ་དང་། ཚུལ་གྱི་རྣམ་པ་ལ་འཇུག་པ་ཞེས་བྱ་བ་དང་། མེ་ལོང་གི་དཀྱིལ་འཁོར་མ་བསྒྲིབས་པ་ཞེས་བྱ་བ་དང་། དྲན་པའི་ཕྱོགས་མི་ཟད་པ་ཞེས་བྱ་བ་དང་། སེམས་ཅན་ཐམས་ཅད་ངེས་པར་སྒྲོལ་བ་ཡིད་དུ་འོང་བ་ལ་འཇུག་པ་ཞེས་བྱ་བ་
D232.064.0163b07.01