完整藏文原文 · 德格版页 当前仅加载第 65 函德格 244a 版页；藏文 NFD、目录标记与异常页序保留在来源切片中，重复版页行以稳定序号区分。
ལག་པ་བསྐུམ་པ་ལས་བརྐྱང་བའམ། བརྐྱང་བ་ལས་བསྐུམ་པ་དེ་བཞིན་དུ་འཇམ་དཔལ་གཞོན་ནུར་གྱུར་པ་འཇིག་རྟེན་གྱི་ཁམས་དེར་མི་སྣང་བར་གྱུར་ནས། ཤར་ཕྱོགས་སུ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་རྣམས་སུ་སངས་རྒྱས་བཅོམ་ལྡན་འདས་
D240.065.0244a01.01རྣམས་ཀྱི་གན་དུ་བྱུང་སྟེ། ཐམས་ཅད་ན་ཡང་ཆོས་བསྟན་པ་འདི་ཉིད་བྱུང་ངོ་། །ལྷོ་ཕྱོགས་དང་། ནུབ་དང་། བྱང་དང་། སྟེང་དང་། འོག་དང་། ཕྱོགས་མཚམས་རྣམས་སུ་ཡང་དེ་བཞིན་ཏེ། འོན་ཀྱང་འཛམ་བུའི་གླིང་འཇིག་རྟེན་གྱི་ཁམས་མི་མཇེད་འདིར་ནམ་མ་ན་ངས་སོ། །དེ་ནས་
D240.065.0244a02.01ཚེ་དང་ལྡན་པ་ཀུན་དགའ་བོ་གནས་ཁང་གི་ནང་ན་འདུག་བཞིན་དུ་སྐར་ཁུང་གི་གསེབ་ནས་འོད་བྱུང་བར་མཐོང་ནས། དེ་གནས་ཁང་ནས་འབྱུང་ངོ་སྙམ་སྟེ། ཁྲི་ལས་ལངས་པ་དང་། ཉི་མ་མ་ཤར་བར་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བར་གྱུར་པར་མཐོང་ངོ་། །རྒྱལ་བུ་
D240.065.0244a03.01རྒྱལ་བྱེད་ཀྱི་ཚལ་ཐམས་ཅད་ཆུ་དང་བ་སྔོ་བ་གསལ་བས་གང་བ་དང་། འདི་ན་ཤིང་ཡང་མེད་གཙུག་ལག་ཁང་ཡང་མེད་པར་མཐོང་ནས། དེས་འདི་སྙམ་དུ་བསམས་ཏེ། ཇི་ལྟར་སྔོན་མ་བྱུང་བའི་སྔ་ལྟས་འདི་དག་སྣང་བ་ལས་ན། དེང་ནི་ཆོས་ཆེན་པོ་ཞིག་སྟོན་པར་འགྱུར་རོ་སྙམ་མོ། །དེ་
D240.065.0244a04.01ནས་ཚེ་དང་ལྡན་པ་ཀུན་དགའ་བོས་འདི་སྙམ་དུ་བསམས་ཏེ། རྐང་པ་ས་ལ་བཞག་གོ་སྙམ་ནས། དེ་ནས་ཚེ་དང་ལྡན་པ་ཀུན་དགའ་བོས་རྐང་པ་ས་ལ་བཞག་ན་གཤེར་བ་ཡང་མེད། བྱེད་པ་ཡང་མེད་ནས་དེ་དགའ་བ་དང་བདེ་བ་སྐྱེས་ཏེ། བཅོམ་ལྡན་འདས་ཀྱི་བཞུགས་ཁང་ག་
D240.065.0244a05.01ལ་བ་དེར་སོང་ནས་ཕྱིན་པ་དང་། བཅོམ་ལྡན་འདས་ཀྱི་བཞུགས་ཁང་གི་ཁོར་ཡུག་ནས་པད་མ་ཁྲི་མཐོང་ཞིང་། རོལ་མོའི་སྒྲ་ཆེན་པོ་དང་། གླུའི་སྒྲ་ཆེན་པོ་ཡང་ཐོས་སོ། །པད་མ་དེ་དག་ལས་ཀྱང་འོད་བྱུང་བར་མཐོང་སྟེ། འོད་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D240.065.0244a06.01ཁམས་ཐམས་ཅད་སྣང་བར་གྱུར་པར་མཐོང་ནས། དེ་དགའ་བ་དང་ཡིད་བདེ་བ་སྐྱེས་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས་ཐལ་མོ་སྦྱར་ཏེ། བཅོམ་ལྡན་འདས་ལ་ཕྱག་འཚལ་ཏོ། །ཕྱག་འཚལ་བ་དང་ནམ་ནངས་ཏེ། ཉི་མ་ཤར་བར་གྱུར་ཏོ། །དེ་དག་གི་ནང་ནས་
D240.065.0244a07.01