完整藏文原文 · 德格版页 当前仅加载第 65 函德格 293a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ཀུན་ཤེས་རབ་ཀྱིས། །ཤེས་པར་འདོད་པ་ཇི་ལྟས་ཀྱང་། །མདོ་སྡེ་འདི་ནི་ལུང་ནོད་ལ། །དེ་ནི་ཤེས་རབ་འདི་འཐོབ་འགྱུར། །མདོ་སྡེ་འདིར་ནི་རབ་བཤད་པ། །དེ་ནི་ཤེས་རབ་སྤྱོད་ཡུལ་ཡིན། །དེ་ཡི་ཕྱིར་ན་མདོ་སྡེ་འདི། །གཟུང་བར་བརྩོན་འགྲུས་
D240.065.0293a01.01བརྩམ་པར་གྱིས། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །དཔག་ཚད་རངས་པའམ་འོན་ཏམ་ནི། །དཔག་ཚད་བརྒྱར་ཡང་བརྒྱུགས་ནས་ནི། །འབྲས་བུ་སྣ་ཚོགས་སེལ་བ་ཡི། །མདོ་སྡེ་འདི་ནི་མཉན་པར་བགྱི། །ཁ་ཚོན་
D240.065.0293a02.01དཔག་ཚད་རངས་པ་ཡི། །མེ་མདག་ག་གང་བ་རྒལ་ནས་ནི། །གང་ན་མདོ་སྡེ་འདི་གནས་པར། །མཁས་པས་མྱུར་དུ་མཆི་བར་བགྱི། །བསམ་གཏན་ཀུན་གྱི་དམ་པ་ལ། །བསམ་གཏན་པ་གང་བསམ་གཏན་འཚལ། །དེས་ནི་ཉོན་མོངས་ཀུན་སེལ་བ། །མདོ་སྡེ་འདི་
D240.065.0293a03.01ནི་ལུང་མནོད་བགྱི། །གང་ཞིག་འདི་ནི་འཇིག་རྟེན་ཁམས། །གྲགས་པ་མངོན་དགའ་ཞེས་བགྱི་བ། །ཤིན་ཏུ་མཛེས་དེར་མཆི་འཚལ་བ། །དེས་ནི་མདོ་སྡེ་འདི་བཤད་བགྱི། །གང་ཞིག་སངས་རྒྱས་མི་འཁྲུགས་པ། །ཐུབ་པ་བླ་མེད་མཐོང་འཚལ་བ། །དེས་ནི་
D240.065.0293a04.01མདོ་འདི་ལུང་མནོད་ཅིང་། །མང་དུ་བཀླག་ཅིང་གཟུང་བར་བགྱི། །གང་ཞིག་བྱང་ཆུབ་སེམས་དཔའི་གནས། །བདེ་བ་ཅན་དུ་མཆི་འཚལ་བ། །དེས་ནི་མདོ་འདི་ལུང་མནོས་ན། །མྱུར་བ་ཉིད་དུ་མཆི་བར་འགྱུར། །སངས་རྒྱས་ཀུན་གྱིས་གསུངས་པ་ཡི། །མདོ་སྡེ་འདི་ནི་བཏོན་བགྱིས་
D240.065.0293a05.01ནས། །རྫོགས་པའི་སངས་རྒྱས་འོད་དཔག་མེད། །བསམ་གྱིས་མི་ཁྱབ་དེ་མཐོང་འགྱུར། །བྱང་ཆུབ་སེམས་དཔའ་མ་སྨད་པ། །ཡོན་ཏན་འདི་དག་མངོན་འཚལ་བས། །སངས་རྒྱས་ཀུན་གྱིས་གསུངས་པ་ཡི། །མདོ་སྡེ་འདི་ནི་གཟུང་བར་བགྱི། །དེ་སྐད་ཅེས་གསོལ་པ་དང་། བཅོམ་
D240.065.0293a06.01ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ་ལེགས་ས་ལེགས་སོ། །ཀུན་དགའ་བོ་ཇི་སྐད་སྨྲས་པ་དེ་དེ་བཞིན་ཏེ། །ཀུན་དགའ་བོ་རིགས་ཀྱི་བུའམ། རིགས་ཀྱི་བུ་མོ་གང་ཞིག་གང་གི་ཚེ་སེམས་ཀྱི་གཡེང་བ་དང་མཚན་མ་ཐམས་ཅད་དང་བྲལ་
D240.065.0293a07.01