完整藏文原文 · 德格版页 当前仅加载第 65 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
པ། བཅོམ་ལྡན་འདས་དེ་ནི་མ་ལགས་སོ། །བཅོམ་ལྡན་འདས་ཞུགས་ཀྱི་ཕུང་པོ་ཆེན་པོ་ནི་སྲེག་པའི་བདག་ཉིད་ལགས་ཏེ། པགས་པའི་མདོག་མ་མཆིས་པར་བགྱིད་དོ། །བཅོམ་ལྡན་འདས་ཀྱིས་བཀའ་སྩལ་པ། སེང་གེ་དེ་བཞིན་དུ་ཆོས་ཀྱི་རྣམ་གྲངས་འདི་ཡང་ཉོན་མོངས་པ་ཐམས་ཅད་སེལ་
D240.065.0294b01.01བའོ། །སེང་གེ་དེ་བས་ན་བུད་མེད་བུད་མེད་ཀྱི་དངོས་པོ་མི་འདོད་པ་དང་། སངས་རྒྱས་ཀྱི་ཆོས་རྣམས་མྱུར་དུ་སྒྲུབ་པར་འདོད་པ་དང་། སངས་རྒྱས་གྲངས་མེད་པ་མཐོང་བར་འདོད་པ་དང་། སྤོབས་པ་ཆགས་པ་མེད་པ་ཐོབ་པར་འདོད་པས་ཆོས་ཀྱི་རྣམ་གྲངས་འདི་ཉིད་གཟུང་བར་བྱ། ཀུན་ཆུབ་པར་བྱ།
D240.065.0294b02.01གདོན་པར་བྱ། བཀླག་པར་བྱ། བཅང་བར་བྱ། ཁ་ཏོན་དུ་བྱའོ། །དེ་ནས་གཞོན་ནུར་གྱུར་མ་སེང་གེ་གཞོན་ནུ་མ་ལྔ་བརྒྱ་དང་ལྷན་ཅིག་ཏུ་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ཅག་གིས་ཆོས་ཀྱི་རྣམ་གྲངས་འདི་དེ་བཞིན་གཤེགས་པ་དགྲ་
D240.065.0294b03.01བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ལས་མནོས་ཏེ། དེ་སླན་ཆད་འདི་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་འཛིན་དུ་སྩལ་ཏོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཅི་ལགས། གཞོན་ནུར་
D240.065.0294b04.01གྱུར་མ་སེང་གེས་བུད་མེད་ཀྱི་དངོས་པོ་མ་བསྒྱུར་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཅི་གཞོན་ནུར་གྱུར་མ་སེང་གེ་བུད་མེད་ཡིན་སྙམ་དུ་སེམས་སམ། གསོལ་པ། བཅོམ་ལྡན་འདས་དེ་དེ་ལྟ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་
D240.065.0294b05.01སྐད་མ་སྨྲ་ཤིག །དེ་ཅིའི་ཕྱིར་ཞེ་ན། ཀུན་དགའ་བོ་འདི་ནི་གཞོན་ནུར་གྱུར་མ་སེང་གེ་དང་། གཞོན་ནུ་མ་ལྔ་བརྒྱ་པོ་འདི་དག་གི་ཆོ་འཕྲུལ་ཡིན་ཏེ། ཕྱི་མའི་སྐྱེ་བོ་མཐོང་ནས་བུད་མེད་ལ་སྙིང་བརྩེ་བ་དང་། བུད་མེད་བུད་མེད་ཀྱི་དངོས་པོ་ལས་རྣམ་པར་དགྲོལ་བའི་ཕྱིར་གཞོན་ནུར་གྱུར་མ་སེང་གེས་ཆོ་འཕྲུལ་འདི་
D240.065.0294b06.01བསྟན་ཏོ། །དེ་ཅིའི་ཕྱིར་ཞེ་ན། འདི་དག་ནི་སྐྱེས་པ་མི་འཇུག་ཅིང་འཇུག་ཏུ་མི་དབང་བའི་ཁྱིམ་ཐམས་ཅད་དུ་ཞུགས་ནས་ཆོ་འཕྲུལ་གྱིས་བུད་མེད་འདུལ་ལོ། །ཀུན་དགའ་བོ་གཞོན་ནུར་གྱུར་མ་སེང་གེ་ལ་ནི་བུད་མེད་ཀྱི་ཆོས་མེད་སྐྱེས་པའི་ཆོས་མེད་དོ། །དེ་ཅིའི་ཕྱིར་ཞེ་ན། ཆོས་ཐམས་ཅད་
D240.065.0294b07.01