完整藏文原文 · 德格版页 当前仅加载第 65 函德格 289b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་སྟོན་པར་མཛད། །དཔའ་བོ་སྲིད་པ་བྲལ་བ་པོ། །ཐུབ་མཆོག་ཁྱོད་ལ་ཕྱག་འཚལ་ལོ། །ཁྱོད་ཀྱིས་དངོས་པོ་སྟོང་པར་མཁྱེན། །རྟག་ཏུ་ངོ་བོ་ཉིད་མ་མཆིས། །སྲིད་པ་སྤངས་པ་རྫོགས་སངས་རྒྱས། །ཐུབ་མཆོག་ཁྱོད་ལ་ཕྱག་འཚལ་ལོ། །སྲིད་པ་འདྲེན་པ་ཡང་དག་བཅད། །
D240.065.0289b01.01ཉོན་མོངས་མི་མངའ་གར་མི་གནས། །འཇིགས་དང་སྐྲག་ལས་རྣམ་གྲོལ་བ། །ཐུབ་མཆོག་ཁྱོད་ལ་ཕྱག་འཚལ་ལོ། །བསྙེངས་པ་མི་མངའ་བག་མི་ཚ། །གསུང་གི་དམ་པ་སྒྲོགས་པ་མཛད། །སྒྲ་ཀུན་ལས་ནི་རྣམ་འདས་པ། །ཐུབ་མཆོག་ཁྱོད་ལ་ཕྱག་འཚལ་ལོ། །མྱ་ངན་
D240.065.0289b02.01མི་མངའ་མི་བསྙེངས་བརྙེས། །མྱ་ངན་ཟུག་རྔུ་རབ་ཏུ་འགྲོལ། །བདུད་སྤངས་སྐྱོན་རྣམས་མི་མངའ་བ། །ཐུབ་མཆོག་ཁྱོད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་པད་མའི་དཔལ་གྱི་སྙིང་པོས་བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་
D240.065.0289b03.01མངོན་པར་བསྟོད་ནས་འདི་སྐད་ཅེས་གསོལ་ཏོ། །ཕྱི་དུས་ཕྱི་མའི་དུས་ཀྱི་ཚེ། །གང་དག་འདི་འདྲའི་མདོ་འདི་ལ། །མཁས་པ་སྐྲག་པར་མི་འགྱུར་བ། །སེམས་ཅན་དེ་དག་ཕྱག་བགྱི་འོས། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡུལ་མེད་བློ་གྲོས་ཞེས་བྱ་བས་བཅོམ་
D240.065.0289b04.01ལྡན་འདས་ལ་འདི་སྐད་ཅེས་གསོལ་ཏོ། །སངས་རྒྱས་རྣམས་ཀྱི་རྒྱ་ཆེན་ཆོས། །མདོ་སྡེ་འདི་ནི་ངེས་པར་བསྟན། །གང་དག་འདི་ལ་སོམ་ཉི་སེམས། །མ་མཆིས་དེ་དག་ཉུང་བར་འགྱུར། །འཇིག་ཚོགས་ལ་ནི་མངོན་ཞེན་པས། །ལུས་མིན་ལུས་སུ་འདུ་ཤེས་པས། །བྱིས་པ་
D240.065.0289b05.01འདུ་ཤེས་ཡོངས་ལྡན་རྣམས། །འཆད་པ་ན་ནི་མི་སྙན་བརྗོད། །སེམས་ཅན་གང་དག་བདུད་ཀྱིས་ནི། མོས་བཟློག་བདུད་ཀྱི་བྱིན་བརླབས་དང་། །གང་དག་འདི་འདྲའི་མདོ་འདི་ལ། །མ་མོས་པ་དག་མི་མཁས་ལགས། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཨུད་
D240.065.0289b06.01པ་ལའི་མིག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དེས་པ་གང་དག་འདི་འདྲ་བའི། །མདོ་འདིར་སོམ་ཉི་མི་འཚལ་བ། །དེ་དག་འཇིག་རྟེན་མིག་དང་མཚུངས། །མིག་སྩོལ་པ་ཡང་བགྱིད་པ་ལགས། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མཆོད་རྟེན་
D240.065.0289b07.01