完整藏文原文 · 德格版页 当前仅加载第 65 函德格 273a 版页；藏文 NFD、目录标记与异常页序保留在来源切片中，重复版页行以稳定序号区分。
བསྙེན་རྒྱུན་དུ་ཞུགས་པའི་འབྲས་བུར་འདུ་ཤེས་པ་དང་། ལན་ཅིག་ཕྱིར་འོང་བའི་འབྲས་བུར་འདུ་ཤེས་པ་དང་། ཕྱིར་མི་འོང་བའི་འབྲས་བུར་འདུ་ཤེས་པ་འབུམ་ཕྲག་ཉི་ཤུ་རྩ་བརྒྱད་སྟན་ལས་ལངས་ཏེ་འདུས་ནས། བཅོམ་ལྡན་འདས་ཀྱི་སྤྱན་སྔར་འཁོད་དེ་ཚིགས་སུ་བཅད་
D240.065.0273a01.01པ་འདི་སྨྲས་སོ། །བདག་ཅག་སེམས་དེང་དྲི་མ་མེད། །བཻ་དཱུརྱ་ལྟར་རྣམ་པར་དག །སངས་རྒྱས་ཆོས་ཐོབ་བགྱི་སླད་དུ། །དེ་རིང་རབ་ཏུ་འབྱུང་བར་བགྱི། །དེ་ནས་བར་སྣང་ལ་འཁོད་པའི་ལྷ་བྱེ་བ་ཁྲག་ཁྲིག་ཕྲག་དྲུག་ཅུས་བཅོམ་ལྡན་འདས་ལ་ལྷའི་མེ་ཏོག་གིས་གཏོར་ནས་འདུས་
D240.065.0273a02.01ཏེ་ཚིགས་སུ་བཅད་པ་འདི་སྨྲས་སོ། །ཐེག་པར་འདུ་ཤེས་སྔོན་གང་གྱུར། །དེ་བཞིན་འབྲས་བུར་འདུ་ཤེས་པ། །འདུ་ཤེས་དེ་དང་བདག་ཅག་བྲལ། །སངས་རྒྱས་བྱང་ཆུབ་ཡང་དག་གཏད། །དེ་ནས་ཤཱ་རིའི་བུ་དང་། མཽད་གལ་གྱི་བུ་དང་། རབ་འབྱོར་དང་། མ་འགགས་
D240.065.0273a03.01པ་དང་། ནམ་གྲུ་དང་། ཀ་པི་ན་ལ་སོགས་པ་དགྲ་བཅོམ་པ་སྟོང་ཕྲག་མང་པོ་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེང་བདག་ཅག་བརྣག་པ་ཡོངས་སུ་རྫོགས་
D240.065.0273a04.01ལགས་སོ། །བསམ་པ་ཡོངས་སུ་རྫོགས་ལགས་སོ། །བདུད་ཕྱིར་རྒོལ་བ་བཅོམ་ལགས་སོ། །མཚམས་མེད་པ་ལྔ་ཡོངས་སུ་རྫོགས་པ་དང་ལྡན་ལགས་སོ། །བཅོམ་ལྡན་འདས་དེང་བདག་ཅག་འདོད་པའི་ཡོན་ཏན་ལྔ་ཡོངས་སུ་རྫོགས་པ་དང་ལྡན་ལགས་སོ། །བཅོམ་
D240.065.0273a05.01ལྡན་འདས་དེང་བདག་ཅག་ལོག་པར་ལྟ་བ་ཡོངས་སུ་རྫོགས་པ་དང་ལྡན་ལགས་སོ། །བཅོམ་ལྡན་འདས་དེང་བདག་ཅག་ཡང་དག་པའི་ལྟ་བ་དང་བྲལ་ལགས་སོ། །བཅོམ་ལྡན་འདས་དེང་བདག་ཅག་གིས་སྲོག་ཆགས་བརྒྱ་སྟོང་མང་པོའི་སྲོག་བཀུམ་ལགས་སོ། །བཅོམ་ལྡན་འདས་
D240.065.0273a06.01དེང་བདག་ཅག་གིས་བྱང་ཆུབ་ཐོབ་ལགས་སོ། །དེང་བདག་ཅག་ཕུང་པོའི་ལྷག་མ་མ་མཆིས་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་ལགས་སོ། །དེ་ནས་བཅོམ་ལྡན་འདས་ཅང་མི་གསུང་བས་བཏང་སྙོམས་སུ་མཛད་དོ། །དེ་ནས་འཁོར་དེའི་སྲོག་ཆགས་
D240.065.0273a07.01