完整藏文原文 · 德格版页 当前仅加载第 65 函德格 294a 版页；藏文 NFD、目录标记与异常页序保留在来源切片中，重复版页行以稳定序号区分。
སྡུག་པར་མཐོང་སྟེ། དེ་ལ་འདོད་པ་སྐྱེད་པས་བུད་མེད་བུད་མེད་ཀྱི་དངོས་པོ་ཡོངས་སུ་འཛིན་ཏོ། །སེང་གེ་གཞན་ཡང་འདི་ལ་བུད་མེད་ཕྲག་དོག་ཅན་དང་། སེར་སྣ་ཅན་དང་། གཡོ་དང་ལྡན་པར་གྱུར་ལ། དེ་བཞིན་དུ་ཚིག་ཏུ་སྨྲ་ཞིང་གཞན་དུ་སེམས་ཀྱིས་འཕྲོག་པ་དང་། གཞན་དུ་ཚིག་
D240.065.0294a01.01ཏུ་མངོན་སུམ་དུ་སྨ་ཞིང་གཞན་དུ་གསང་བར་སེམས་པ་དང་། ཉམས་སུ་མྱོང་བར་བྱ་བའི་ཕྱིར་དགེ་སློང་གི་གན་དུ་འགྲོ་བའི་ཆོས་ཀྱི་ཕྱིར་མ་ཡིན་པ་དང་། ཁྲོ་བས་ཟིལ་གྱིས་ནོན་པ་དང་། རྨུགས་པ་དང་། གཉིད་ཆེ་བ་དང་། འདུ་འཛི་ལ་མངོན་པར་དགའ་བ་དང་། ཆོས་ཀྱི་རྣམ་གྲངས་འདི་ལྟ་
D240.065.0294a02.01བུའི་ལུང་མནོད་པ་དོན་དུ་མི་གཉེར་བ་དང་། ཀུན་ནས་ཉོན་མོངས་པའི་སེམས་ཀྱིས་ཉིན་མཚན་ཟད་པར་བྱེད་ཀྱང་རྣམ་པར་བྱང་བའི་སེམས་ཀྱིས་མ་ཡིན་ན། ཉོན་མོངས་པ་དེ་དག་གིས་བུད་མེད་དེ་བུད་མེད་ཀྱི་དངོས་པོ་ཡོངས་སུ་འཛིན་ཏེ་ཟད་པར་མི་བྱེད་དོ། །དེ་བས་ན་སེང་གེ་མདོར་ན་བུད་མེད་ཀྱིས་བདག་གི་ཉོན་
D240.065.0294a03.01མོངས་པ་ཐམས་ཅད་མི་སྐྱེ་བ་དང་མི་འབྱུང་བར་བྱ་བའི་ཕྱིར་ཆོས་ཀྱི་རྣམ་གྲངས་འདི་ལུང་ནོད་པར་བྱ། གདོན་པར་བྱ། ཀུན་ཆུབ་པར་བྱ། གཟུང་བར་བྱ། བཀླག་པར་བྱའོ། །དེ་ཅིའི་ཕྱིར་ཞེ་ན། ཆོས་ཀྱི་རྣམ་གྲངས་འདི་ནི་བུད་མེད་ཀྱི་ཉོན་མོངས་པ་དང་བྲལ་བའོ། །གཞོན་ནུར་གྱུར་མ་སེང་གེས་གསོལ་
D240.065.0294a04.01པ། བཅོམ་ལྡན་འདས་གལ་ཏེ་བུད་མེད་བུད་མེད་ཀྱི་དངོས་པོ་ལས་བསྒྱུར་བར་མི་འཚལ་ལ་ཆོས་ཀྱི་རྣམ་གྲངས་འདི་ནི་ལུང་ནོད་ཅིང་འཛིན། འདོན། འཆང་། ཀློག །ཀུན་ཆུབ་པར་བགྱིད་ན། དེ་ཇི་ལྟར་ལྟ་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། སེང་གེ་བུད་མེད་ཀྱི་དངོས་པོ་ལས་བསྒྱུར་
D240.065.0294a05.01བར་མི་འདོད་དུ་ཟིན་ཀྱང་ཆོས་ཀྱི་རྣམ་གྲངས་འདི་ནི་ལུང་ནོད་དམ་སེམས་ན། དེ་ཉིད་བུད་མེད་ཀྱི་དངོས་པོའི་ཐ་མ་ཡིན་པར་ཤེས་པར་བྱ་སྟེ། རྫུ་འཕྲུལ་གྱི་སྟོན་པ་ནི་མ་གཏོགས་སོ། །སེང་གེ་འདི་ལྟ་སྟེ་དཔེར་ན་སྐྱེས་པའམ། བུད་མེད་ལ་ལ་ཞིག་མེའི་ཕུང་པོ་ཆེན་པོ་ཀུན་དུ་རབ་ཏུ་མཆེད་ཅིང་འབར་
D240.065.0294a06.01བ་མེ་ལྕེ་དང་བཅས་པར་བདག་ཉིད་ཀྱི་ལུས་མཆོངས་ཏེ་ཚིག་འདི་སྐད་དུ་བདག་གི་ལུས་འཚིག་པར་མ་གྱུར་ཅིག །བདག་གི་པགས་པའི་མདོག་མ་གྱུར་ཅིག་ཅེས་སྨྲས་ན། སེང་གེ་འདི་ལ་ཇི་སྙམ་དུ་སེམས། སྐྱེས་པའམ། བུད་མེད་དེ་ཚིག་དེ་སྐད་སྨྲས་པས་བསམ་པ་དེ་འཐོབ་པར་འགྱུར་རམ། གསོལ་
D240.065.0294a07.01