完整藏文原文 · 德格版页 当前仅加载第 65 函德格 256b 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་དུའང་དེ་ལ་འཇིགས་པ་མེད། །གང་དག་ཆོས་དང་ཆོས་མིན་དང་། །གཉི་ག་དེ་དག་རྣམ་པར་སྤངས། །མིང་དང་གཟུགས་དང་བྲལ་བས་ན། །དེ་ནི་འཇིག་རྟེན་འདིར་མི་འཇིགས། །འཁོར་གྱི་ནང་ན་འགྲོ་བ་ན། །རྟག་ཏུ་འཇིགས་པ་མེད་པ་ཡིན། །བྱང་ཆུབ་ལམ་ནི་རྣམ་
D240.065.0256b01.01སྦྱོང་བ། །ཞི་བའི་ཆོས་ནི་རབ་ཏུ་སྟོན། །དེ་ཡི་སེམས་ཅན་འདུ་ཤེས་གང་། །དེ་ཡི་འདུ་ཤེས་དེ་རྣམས་བཤིག །དེས་ན་དེ་ལ་སྒྲིབ་པ་མེད། །འཇིགས་པ་ཐམས་ཅད་རྣམ་པར་བཤིག །འཇིགས་པའི་རྩ་བ་སྤངས་པས་ན། །དེ་ནི་འཆི་བའི་འཇིགས་པ་མེད། །བདེ་བ་
D240.065.0256b02.01དྲི་མེད་འདོད་ཆགས་བྲལ། །ཞི་བའི་ལམ་ནི་རྗེས་སུ་ཐོབ། །ངན་འགྲོ་ཡི་ནི་མཉམ་ཉིད་ཤེས། །དེ་ཕྱིར་དེ་ནི་དེས་མི་འཇིགས། །གཟུང་མེད་མཉམ་ཞིང་གཡོ་བ་མེད། །ལམ་དེ་ཡང་དག་རབ་བཤད་པ། །བྱང་ཆུབ་སེམས་དཔའ་རྣམས་ཀྱི་ཡིན། །རྒྱུན་དུ་ཞུགས་ཞེས་ངས་
D240.065.0256b03.01བཤད་པ། །ཆོས་རྣམས་སེམས་ཅན་གང་དག་ནི། །དམན་མོས་དེ་དག་ཕྱིར་བཤད་དོ། །ཤིན་ཏུ་ཕྲ་བའི་ཐབས་ཀྱིས་ནི། །སངས་རྒྱས་ཆོས་རྣམས་རབ་ཏུ་བཤད། །གང་དག་བྱང་ཆུབ་ཕྱིར་འཇུག་པ། །དེ་དག་དེ་ལྟར་ཉེ་བར་ཁྲིད། །སངས་རྒྱས་ཆོས་ནི་ཚོལ་གང་གིས། །
D240.065.0256b04.01སྔོན་ཆད་ཇི་ལྟར་སྤྱོད་པ་ལྟར། །ཐབས་དང་ཡེ་ཤེས་བརྟན་ནས་ནི། །རྣམ་པར་འདྲེན་པ་ཆོས་སྟོན་ཏོ། །ཀུན་དགའ་ངས་ནི་འདི་ལ་དགོངས། །རྒྱུན་དུ་ཞུགས་པར་རབ་བཤད་ན། །སེམས་ཅན་བློ་ཆུང་རྣམས་ཀྱིས་ནི། །གཞན་དུ་ཡོངས་སུ་དེ་བརྟགས་སོ། །ཀུན་དགའ་
D240.065.0256b05.01དེ་ལྟར་དགོངས་པ་འདིས། །ང་ཡིས་རྒྱུན་དུ་ཞུགས་བཤད་པ། །སེམས་ཅན་གང་དག་བློ་ལྡན་པ། །དེ་དག་གིས་ནི་ཚུལ་འདི་ཤེས། །ཟབ་མོ་ལ་ནི་མི་མཁས་པ། །མི་གསལ་བྱིས་པའི་བློ་ལྡན་པ། །ལྡེམ་པོ་དག་ནི་མི་ཤེས་ཏེ། །མི་ཤེས་པས་ན་རྩོད་པར་
D240.065.0256b06.01བྱེད། །ང་ཡིས་ཆོས་སྟོང་མང་པོ་དག །རྒྱུན་དུ་ཞུགས་པར་བཤད་པ་དག །རྒྱུན་དུ་ཞུགས་ཞེས་བྱ་བའི་སྒྲ། །སངས་རྒྱས་ཆོས་སུ་བཤད་པ་ཡིན། །ཀུན་དགའ་བོ་དེ་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བྱང་ཆུབ་སེམས་
D240.065.0256b07.01