完整藏文原文 · 德格版页 当前仅加载第 65 函德格 284a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་འདྲེན་པ། །བཅོམ་ལྡན་བདག་ཅག་སྟོན་པ་ལགས། །བདག་ཅག་ཀུན་དུ་སྣང་བ་ཐོབ། །སངས་རྒྱས་ལམ་ལ་ལེགས་པར་གནས། །ཕྱོགས་རྣམས་ཐམས་ཅད་སྣང་གྱུར་ཅིང་། །སངས་རྒྱས་བྱེ་བ་རྣམས་ཀྱང་མཐོང་། །རྟག་ཏུ་གཟུགས་ལ་མི་གནས་
D240.065.0284a01.01པའི། །ཆོས་ཉིད་ཀྱང་ནི་མཐོང་འགྱུར་བ། །དེ་ལྟར་བདག་ཅག་རྣམས་ཀྱི་མིག །འདྲེན་པ་འཇིག་རྟེན་མགོན་གྱིས་སྦྱངས། །དེ་ནས་སྲོག་ཆགས་བྱེ་བ་ཕྲག་བཅུ་པོ་དེ་དག་གིས་ཚིགས་སུ་བཅད་པ་འདི་དག་སྨྲས་ནས། ཐམས་ཅད་ཀྱིས་སོ་སོ་ནས་གོས་རྣམས་བཅོམ་ལྡན་འདས་དང་། ཆོས་
D240.065.0284a02.01ཀྱི་རྣམ་གྲངས་འདི་ལ་མཆོད་པའི་ལས་ཀྱི་ཕྱིར་གཏོར་ནས། ཚིག་འདི་སྐད་དུ་ཆོས་ཀྱི་རྣམ་གྲངས་འདི་སེམས་ཅན་ཐམས་ཅད་ཀྱི་རྣ་ལམ་དུ་གྲག་པར་གྱུར་ཅིག་ཅེས་སྨྲས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་
D240.065.0284a03.01གང་དག་བདུད་སླར་བཏང་བ་བསྟན་པའི་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་མོས་ཤིང་ཡིད་ཆེས་ཏེ་ཐེ་ཙོམ་མི་སྐྱེད་ན། བཅོམ་ལྡན་འདས་དེ་དག་བསོད་ནམས་ཅི་ཙམ་ཞིག་སྐྱེད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུའམ་རིགས་ཀྱི་བུ་མོ་གང་
D240.065.0284a04.01ཞིག་སྔ་དྲོའི་དུས་ན་སངས་རྒྱས་བརྒྱ་དང་། ཉི་མ་གུང་གི་དུས་ན་སངས་རྒྱས་བརྒྱ་དང་། ཕྱེམ་རེད་ཀྱི་དུས་ན་སངས་རྒྱས་བརྒྱ་དང་། ནམ་གྱི་ཆ་སྟོད་ལ་སངས་རྒྱས་བརྒྱ་དང་། ནམ་གྱི་གུང་ལ་སངས་རྒྱས་བརྒྱ་དང་། ནམ་གྱི་ཆ་སྨད་ལ་སངས་རྒྱས་བརྒྱལ་བསྟི་སྟང་དུ་བྱེད་བླ་མར་བྱེད་རིམ་
D240.065.0284a05.01གྲོར་བྱེད་ལ་མཆོད་པར་བྱེད་ཅིང་བདེ་བར་སྦྱར་བ་ཐམས་ཅད་དང་། བདེ་བ་ལ་རེག་པར་གནས་པར་བྱ་བ་ཐམས་ཅད་ཀྱིས་བསྙེན་བཀུར་བྱེད་ལ་ཚུལ་འདིས་ལོ་ཉི་ཁྲིར་བསྙེན་བཀུར་བྱེད་ན། ཀུན་དགའ་བོ་འདི་ལ་ཇི་སྙམ་དུ་སེམས། རིགས་ཀྱི་བུ་འམ། རིགས་ཀྱི་བུ་མོ་དེ་གཞི་དེ་ལས་
D240.065.0284a06.01བསོད་ནམས་མང་དུ་སྐྱེད་དམ། གསོལ་པ་བཅོམ་ལྡན་འདས་མང་ལགས་སོ། །བདེ་བར་གཤེགས་པ་མང་ལགས་ཏེ། བཅོམ་ལྡན་འདས་དཔེ་བགྱི་བར་སླ་བ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུའམ་རིགས་ཀྱི་བུ་མོ་གང་ཞིག་
D240.065.0284a07.01