完整藏文原文 · 德格版页 当前仅加载第 65 函德格 254a 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་མི་དམིགས་ཏེ། །དེས་ན་བརྒྱད་པ་ཞེས་བརྗོད་དོ། །ལོག་པའི་ལྟ་ལས་རྣམ་པར་འདས། །ཡང་དག་ལྟ་བ་རྣམ་པར་བཤིག །བཟང་པོའི་ལམ་གྱི་མཉམ་ཉིད་འཐོབ། །དེས་ན་བརྒྱད་པ་ཞེས་བརྗོད་དོ། །འཇིགས་ཚོགས་ལས་ནི་རྣམ་པར་འདས། །
D240.065.0254a01.01བྱང་ཆུབ་མཆོག་ལ་རབ་ཏུ་ཞུགས། །སངས་རྒྱས་ལམ་ཡང་རྗེས་སུ་ཐོབ། །དེས་ན་བརྒྱད་པ་ཞེས་བརྗོད་དོ། །དེ་ནི་རང་གི་འདུ་ཤེས་བཟློག །བྱང་ཆུབ་འདུ་ཤེས་རྣམ་པར་བཤིག །དཔེ་མེད་པ་ཡི་འདུ་ཤེས་ཐོབ། །དེས་ན་བརྒྱད་པ་ཞེས་བརྗོད་དོ། །སེམས་ཅན་
D240.065.0254a02.01གནས་ལས་ཤིན་ཏུ་འདས། །གནས་མེད་པ་ལ་རབ་ཏུ་ཞུགས། །ཆོས་རྣམས་ཀུན་ལ་མི་གནས་ཏེ། །དེས་ན་བརྒྱད་པ་ཞེས་བརྗོད་དོ། །འཇིག་རྟེན་ཆོས་ལས་རྣམ་པར་འདས། །འཕགས་པའི་ཆོས་ནི་རྣམ་པར་བཤིག །འགོག་པའི་དབྱིངས་ནི་རྗེས་སུ་ཐོབ། །
D240.065.0254a03.01དེས་ན་བརྒྱད་པ་ཞེས་བརྗོད་དོ། །གང་དག་འཇིག་རྟེན་ཆོས་བརྗོད་དང་། །སངས་རྒྱས་ཆོས་གང་ཐ་དད་པ། །ཆོས་དེ་དེ་ཡིས་མི་རྙེད་དེ། །དེས་ན་བརྒྱད་པ་ཞེས་བརྗོད་དོ། །ཡོད་ཅེས་པ་འདི་མཐའ་གཅིག་སྟེ། །མེད་ཅེས་བྱ་བ་གཉིས་པ་ཡིན། །མཐའ་
D240.065.0254a04.01འདི་དེ་ཡིས་རྣམ་པར་སྤངས། །དེས་ན་བརྒྱད་པ་ཞེས་བརྗོད་དོ། །དེ་ནི་བདག་དང་བདག་མེད་མཚུངས། །རྟག་པ་དང་ནི་ཆད་པ་མཚུངས། །དེ་ཡིས་མཉམ་ཉིད་མཚུངས་པར་ཤེས། །དེས་ན་བརྒྱད་པ་ཞེས་བརྗོད་དོ། །འདས་པའི་སེམས་ནི་མི་རྙེད་དེ། །མ་འོངས་
D240.065.0254a05.01སེམས་ཀྱང་དེ་བཞིན་ནོ། །ད་ལྟར་བྱུང་ལ་མཉམ་པར་ཐོབ། །དེས་ན་བརྒྱད་པ་ཞེས་བརྗོད་དོ། །བྱང་ཆུབ་ཏུ་ནི་དང་པོ་སེམས། །དགེ་བ་སྐྱེས་པ་གང་ཡིན་པ། །སེམས་དེ་དམིགས་པ་མ་ཡིན་ན། །དེ་ཡིས་ཇི་ལྟར་བྱང་ཆུབ་ཐོབ། །གང་ལ་བྱང་ཆུབ་མི་དམིགས་པ། །དེ་
D240.065.0254a06.01ནི་དེ་ལྟར་མི་དམིགས་ཞུགས། །དེས་ན་དེ་ལ་དུག་དང་མེས། །རྣམ་པ་ཀུན་དུ་མི་ཚུགས་སོ། །དེ་ནི་འགྲོ་དང་བྲལ་བ་སྟེ། །མཚན་མ་ཡིས་ནི་ཆགས་པ་མེད། །འགྲོ་བ་མེད་པའི་འགྲོ་བར་ཕྱིན། །དེས་ན་བརྒྱད་པ་ཞེས་བརྗོད་དོ། །བྱང་ཆུབ་འགྲོ་དང་བྲལ་བ་
D240.065.0254a07.01