完整藏文原文 · 德格版页 当前仅加载第 65 函德格 260a 版页；藏文 NFD、目录标记与异常页序保留在来源切片中，重复版页行以稳定序号区分。
དངོས་པོ་དང་ནི་རྟག་ཏུ་བྲལ། །དེ་ཡིས་ཡང་དག་ཇི་བཞིན་ཤེས། །དེས་ན་དེ་ནི་འདིར་མི་འོང་། །ཉོན་མོངས་ཐམས་ཅད་སེལ་བྱེད་པ། །མྱ་ངན་འདས་ཞི་གང་གསུངས་པ། །དེ་ལ་འདུ་ཤེས་རྣམ་པར་བ་ཟློག །དེས་ན་དེ་ནི་འདིར་མི་འོང་། །ངན་སོང་ཐམས་ཅད་ཡང་དག་
D240.065.0260a01.01ཆད། །དེ་ནི་གང་ཕྱིར་དྲི་མ་བྲལ། །མྱ་ངན་འདས་པ་ཞི་བ་ཐོབ། །དེས་ན་དེ་ནི་འདིར་མི་འོང་། །དཔུང་དང་བཅས་ཤིང་བཞོན་བཅས་པའི། །སྡིག་པ་ཅན་གྱི་བདུད་བཅོམ་མོ། །ཡེ་ཤེས་དེ་ནི་རྣམ་རྟོག་མེད། །དེས་ན་དེ་ནི་འདིར་མི་འོང་། །མ་རིག་དྲ་བ་ཡང་དག་དྲལ། །སྲེད་
D240.065.0260a02.01པ་ཐམས་ཅད་རྣམ་པར་བཅོམ། །དགའ་བའི་འདོད་ཆགས་ཡོངས་སུ་ཤེས། །དེས་ན་དེ་ནི་འདིར་མི་འོང་། །ཉོན་མོངས་ཐམས་ཅད་རབ་ཏུ་བཏུལ། །དངོས་པོར་འདུ་ཤེས་རྣམ་པར་བཤིག །མཆོག་གི་ཐེག་པ་འདི་ལ་ངེས། །དེ་ནི་ཕྱིར་མི་འོང་ཞེས་བྱ། །མྱ་ངན་ཟུག་རྔུ་
D240.065.0260a03.01ཡང་དག་ཕྱུང་། །ང་རྒྱལ་ཐམས་ཅད་ངེས་པར་བཅོམ། །ཕུང་པོ་ཐམས་ཅད་ཡོངས་སུ་ཤེས། །དེ་ནི་ཕྱིར་མི་འོང་ཞེས་བྱ། །སངས་རྒྱས་ཐེག་པ་བསམ་མི་ཁྱབ། །ཐེག་པ་འདི་ལ་སྣང་བ་ཐོབ། །འདོད་པའི་འདམ་ལ་ཆགས་པ་མེད། །དེས་ན་དེ་ནི་འདིར་མི་འོང་། །
D240.065.0260a04.01དེ་ཡིས་གཏེར་རྣམས་ཀུན་གྱི་ནང་། །ཡེ་ཤེས་གཏེར་གྱི་དམ་པ་མཆོག །སྔོན་གྱི་སངས་རྒྱས་རྣམས་ཀྱིས་བཞག །དེས་ན་དེ་ནི་འདིར་མི་འོང་། །སངས་རྒྱས་ཐེག་པ་བླ་ན་མེད། །ཐེག་མཆོག་འདི་ལ་དེ་གནས་ཏེ། །སོམ་ཉི་ཐམས་ཅད་ཆད་པར་གྱུར། །དེས་ན་དེ་
D240.065.0260a05.01ནི་འདིར་མི་འོང་། །བྱང་ཆུབ་ལ་ནི་དགོད་དོ་ཞེས། །སེམས་ཅན་དག་ནི་མང་བཟུང་བ། །དེ་དག་དེ་ཡིས་བྱང་ཆུབ་བཀོད། །དེས་ན་དེ་ནི་འདིར་མི་འོང་། །སེམས་ཅན་ཁམས་ནི་བསམ་ཡས་དང་། །སྟོང་པའི་དབྱིངས་ནི་དེ་ཡིས་ཤེས། །དེ་ནི་འདུ་ཤེས་དེ་དང་
D240.065.0260a06.01བྲལ། །དེས་ན་དེ་ནི་འདིར་མི་འོང་། །སེམས་ཅན་ཁམས་ནི་སྟོང་པ་དང་། །ཆོས་ཀྱི་དབྱིངས་ནི་རབ་ཏུ་ཤེས། །འདི་ལ་སེམས་ཅན་མི་རྙེད་དེ། །དེས་ན་དེ་ནི་འདིར་མི་འོང་། །དེ་ནི་མཚན་མ་ཐམས་ཅད་ལ། །ཡིད་ནི་ཕྱིར་ཞིང་འཇུག་མི་བྱེད། །མཚན་མ་
D240.065.0260a07.01