完整藏文原文 · 德格版页 当前仅加载第 65 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
བཀྲོལ་བའི་སྲོག་ཆགས་བརྒྱ་སྟོང་མང་པོ་དེ་དག་ནི། ཀུན་དགའ་བོ་འཇམ་དཔལ་གཞོན་ནུར་གྱུར་པས་བྱང་ཆུབ་ཡང་དག་པར་འཛིན་དུ་བཅུག་པས་ཡོངས་སུ་སྨིན་པར་བྱས་པ་དག་སྟེ། དེ་དག་ནི་འདིས་ཆོས་བསྟན་པ་ཀུན་དུ་ཤེས་སོ། །གསོལ་པ། བཅོམ་ལྡན་འདས་ཅི་ལགས། འདི་དག་བྱང་ཆུབ་
D240.065.0276b01.01ལས་སླར་མི་ལྡོག་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེ་དེ་བཞིན་ཏེ། འདི་དག་ནི་བྱང་ཆུབ་ལས་ཕྱིར་མི་ལྡོག་པའོ། །དེ་ཅིའི་ཕྱིར་ཞེ་ན། འདི་ལྟར་དགེ་བའི་བཤེས་གཉེན་འཇམ་དཔལ་གཞོན་ནུར་གྱུར་པས་ཡོངས་སུ་བཟུང་བའི་ཕྱིར་རོ། །གསོལ་པ། བཅོམ་
D240.065.0276b02.01ལྡན་འདས་ཅི་ལགས། དགེ་སློང་གང་དག་དད་པས་རྗེས་སུ་འབྲང་བའི་འདུ་ཤེས་དང་། ཆོས་ཀྱི་རྗེས་སུ་འབྲང་བའི་འདུ་ཤེས་དང་། དེ་བཞིན་དུ་བརྒྱད་པ་དང་། རྒྱུན་དུ་ཞུགས་པ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། ཉན་ཐོས་དང་། རང་སངས་རྒྱས་
D240.065.0276b03.01ཀྱི་འདུ་ཤེས་རྣམས་ལས་ལངས་པ་དེ་དག་ཐམས་ཅད་ཀྱང་བྱང་ཆུབ་ལས་སླར་མི་ལྡོག་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་འདི་ནི་ཡིད་ཆེས་པར་དཀའ་བ་སྟེ། དམན་པ་ལ་མོས་པ་དང་། ལེ་ལོ་ཅན་དང་། འདོད་པའི་ཆོས་བསྟེན་པ་དང་། འདུ་འཛི་ལ་དགའ་བ་
D240.065.0276b04.01དང་། དྲན་པ་བརྗེད་ངས་པ་དང་། ཤེས་བཞིན་མེད་པ་དང་། མཉམ་པར་མ་བཞག་པ་དང་། སེམས་རྣམ་པར་འཁྲུལ་པ་དང་། མངོན་པའི་ང་རྒྱལ་གྱིས་ཡོངས་སུ་ཟིན་པ་དང་། ལུས་རྗེས་སུ་སྲུང་བ་དང་། སྲོག་རྗེས་སུ་སྲུང་བ་དང་། ལུས་དང་སྲོག་ལ་ལྟ་བ་དང་བཅས་པ་དང་། སེར་སྣ་
D240.065.0276b05.01ཅན་དང་། ངང་ཚུལ་ངན་པ་ཅན་དང་། གནོད་སེམས་ཅན་དང་། སངས་རྒྱས་ཀྱི་ཆོས་ལ་མི་མོས་པ་དང་། འཆལ་བའི་ཤེས་རབ་ཅན་དང་། སྡིག་པའི་བཤེས་གཉེན་གྱི་ལག་ཏུ་སོང་བ་དང་། དགེ་བའི་བཤེས་གཉེན་གྱིས་ཡོངས་སུ་མ་ཟིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་
D240.065.0276b06.01སུ་སྤངས་པ་དང་། དམིགས་པར་ལྟ་བ་དང་ལྡན་པ་དང་། འཐོབ་པ་ལྷུར་ལེན་པ་དང་། བཀུར་སྟི་ལྷུར་ལེན་པ་དང་། ལྷུང་བཟེད་དང་ཆོས་གོས་ལ་ཆགས་པ་དང་། ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བར་རྣལ་འབྱོར་དུ་བྱ་བ་ལ་མི་བརྩོན་པ་དང་། {བརྫུན་,རྫུན་}དུ་སྨྲ་བ་དང་། ཕྲ་མའི་ཚིག་
D240.065.0276b07.01