完整藏文原文 · 德格版页 当前仅加载第 65 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་བྱང་ཆུབ་མཆོག་ཕྱིར་ཞུགས། །གང་དག་ཆོས་རྣམས་དེ་ལྟར་ཤེས། །དེ་དག་བྱང་ཆུབ་མཆོག་ལ་ཉེ། །དེ་དག་ཆོས་རྣམས་ཐམས་ཅད་ལ། །ཡིད་གཉིས་ཅི་ཡང་ཡོད་མ་ཡིན། །དེ་ལྟར་བསམས་ཏེ་སྨྲས་པ་ཡི། །ཆོས་འདི་གང་དག་ཤེས་འགྱུར་བ། །དེ་དག་ཐེ་ཙོམ་སྤངས་པའི་ཕྱིར། །
D240.065.0288b01.01འཇིག་རྟེན་གྱི་ནི་མཆོག་ཏུ་འགྱུར། །བཅོམ་ལྡན་འདས་ཀྱིས་དེ་བཞིན་གཤེགས་པ་དང་བཅོམ་ལྡན་འདས་དང་། སངས་རྒྱས་ཞེས་བྱ་བ་གསུམ་པོ་འདི་དག་བསྟན་པའི་ལན་བཏབ་མ་ཐག་ཏུ་དེ་ནས་སྲོག་ཆགས་བརྒྱ་སྟོང་མང་པོ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D240.065.0288b02.01འདས་ཀྱིས་གང་ལ་དགོངས་ནས་བྱང་ཆུབ་སེམས་དཔའ་ལ་དེ་བཞིན་གཤེགས་པ་ཞེས་གསུངས་པ་དང་། བཅོམ་ལྡན་འདས་ཞེས་གསུངས་པ་དང་། སངས་རྒྱས་ཞེས་གསུངས་པ་ལ། བཅོམ་ལྡན་འདས་བདག་ཅག་སོམ་ཉི་མ་མཆིས་ཤིང་ཐེ་ཙོམ་མི་འཚལ་བར་གྱུར་ཏོ། །བཅོམ་ལྡན་འདས་
D240.065.0288b03.01བདག་ཅག་གིས་ཆོས་དེ་དག་ཀུན་དུ་འཚལ་ཏོ། །ཆོས་ཐམས་ཅད་མི་དམིགས་པའི་ཚུལ་གྱིས་བདག་ཅག་གིས་འདིར་དྲན་པ་ཐོབ་ལགས་སོ། །ཕ་མའི་བགྱི་བ་འདི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བདག་ཅག་ལ་མཛད་དོ། །བཅོམ་
D240.065.0288b04.01ལྡན་འདས་ཀྱིས་བདག་ཅག་ལ་ཕྱག་བརྐྱང་བ་སྩལ་ཏོ། །བདག་ཅག་སླར་ཞིང་གཡོ་བའི་སེམས་མི་སྐྱེད་དེ། །བདག་ཅག་གིས་གཡོ་བ་མ་མཆིས་པའི་ཆོས་རྗེས་སུ་ཐོབ་བོ། །བཅོམ་ལྡན་འདས་འདི་ལྟ་སྟེ་དཔེར་ན་ནམ་མཁའ་གཡོ་བ་མ་མཆིས་པ་ལ་སུས་ཀྱང་གཡོ་བར་བགྱིད་
D240.065.0288b05.01པར་མི་ནུས་པ་དེ་བཞིན་དུ། བཅོམ་ལྡན་འདས་བདག་ཅག་ཀྱང་ཆོས་ཐམས་ཅད་ལ་གཡོ་བ་མ་མཆིས་སོ། །དེ་ཅིའི་སླད་དུ་ཞེ་ན། བདག་ཅག་གིས་ཆོས་ཐམས་ཅད་ནི་གཡོ་བ་མ་མཆིས་ཏེ་ནམ་མཁའ་དང་མཚུངས་ཤིང་འདྲ་ལ་མ་སྐྱེས་པར་རྟོགས་སོ། །དེ་ནས་སྲོག་ཆགས་བརྒྱ་སྟོང་
D240.065.0288b06.01མང་པོ་དེ་དག་གིས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་དང་མི་རིང་བར་འཁོད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་དགོད་པ་དང་བཅས་པར་དབང་པོ་དང་བས་དེའི་
D240.065.0288b07.01