完整藏文原文 · 德格版页 当前仅加载第 66 函德格 2a 版页；藏文 NFD、目录标记与异常页序保留在来源切片中，重复版页行以稳定序号区分。
མྱ་ངན་ལས་འདས་པར་གཤེགས་པའི་དུས་ཀྱང་ཉེ། གཤེགས་སུ་ཡང་སླ་ན། གཤེགས་པའི་སླད་ན་རྙོག་པ་རྣམ་པ་ལྔའི་སེམས་ཅན་ལས་ངན་པ་མང་བ་བགྱིད་ཅིང་ངན་པ་བཅུ་ཤ་སྟག་སྤྱོད་པ་འདི་ལྟ་བུའི་སེམས་ཅན་ལེགས་པའི་
D243.066.0002a01.01དཔལ་གྱི་སྟོབས་སྣང་བ་ལ་སངས་རྒྱས་ཀྱིས་ཤིན་ཏུ་ཟབ་ཅིང་། དམ་པའི་ཆོས་ཀྱི་ཡི་གེ་སྡེ་བཅུ་གཉིས་བཤད་པ་ཡི་གེའི་འབྲུ་ནི་{མངས,མང}། གཞུང་ནི་རྒྱ་ཆེས་པས་ཁོང་དུ་ཆུད་ཅིང་འཚལ་བར་བགྱི་བའང་དཀའ། ཆོས་འདི་ཀུན་བལྟ་ཞིང་རྗེས་ཀྱང་མི་ཆོད་ན།
D243.066.0002a02.01སངས་རྒྱས་ཀྱིས་བྱམས་ཤིང་ཐུགས་རྗེས་གཟིགས་ཏེ། ཐེག་པ་ཆེན་པོའི་ཆོས་ཡང་དག་པའི་བདེན་པ་བྱེ་བྲག་ཕྱེད་པར་བཤད་དེ། སེམས་ཅན་རྣམས་ཡང་དག་པའི་སྨན་བཟང་པོ་ཐོབ་པར་བགྱིས་ཏེ། ནད་གདུག་གོ་ཅོག་སོས་པར་བགྱིར་སྨོན་ཏོ། །སངས་
D243.066.0002a03.01རྒྱས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། ཤིན་ཏུ་དགེའོ། །ཤིན་ཏུ་དགེའོ། །རིགས་ཀྱི་བུ་ཕོ་ཁྱོད་ཀྱིས་སེམས་ཅན་རྣམས་ཀྱི་ཕྱིར་འདི་ལྟ་བུའི་དོན་ཆེན་པོ་འདྲི་བར་ནུས་པ་བསོད་ནམས་ཆེན་པོ་ཐོབ་སྟེ། བསམ་གྱིས་མི་ཁྱབ་བོ། །
D243.066.0002a04.01ངས་ཁྱོད་ལ་ཡང་དག་པའི་བདེན་པ། ཐེག་པ་ཆེན་པོའི་ཆོས་བྱེ་བྲག་ཕྱེད་པ། མི་འགྱུར་བའི་གཞུང་རྫོགས་པར་བཤད་དོ། །ཅིའི་ཕྱིར་ཞེས་བྱས་ན། སེམས་ཅན་རྒྱ་ཆེར་ཐར་བར་བྱ་བའི་ཕྱིར་རོ། །སེམས་ཅན་རྣམས་མྱ་ངན་དང་བྲལ་བར་བྱ་བའི་ཕྱིར་རོ། །
D243.066.0002a05.01སེམས་ཅན་དམྱལ་བའི་ཉོན་མོངས་པ་ལས་ཕྱིན་ཅིང་ཡུལ་གཙང་མར་སྐྱེ་བར་བྱ་བའི་ཕྱིར་རོ། །ཡང་དག་པར་གྲོལ་ཐར་ཅིང་སྐྱེ་ཤི་ལས་འདས་པར་བྱ་བའི་ཕྱིར་ཁྱེད་རྣམས་ཀུན་སེམས་གཅིག་ཏུ་སོམས་ཤིག་དང་ཁྱེད་ལ་གོ་བར་བཤད་དོ། །དེ་ནས་ཕལ་མང་
D243.066.0002a06.01