完整藏文原文 · 德格版页 当前仅加载第 66 函德格 4b 版页；藏文 NFD、目录标记与异常页序保留在来源切片中，重复版页行以稳定序号区分。
མཛོད་ལ་བཀའ་སྩལ་པ། ཤིན་ཏུ་དགེའོ་ཤིན་ཏུ་དགེའོ། །རིགས་ཀྱི་བུ་ཕོ་ཁྱོད་དེ་འདྲི་རེ་མཁས་སེམས་ཀྱི་ཕྱི་མོ་འདི་ལྟ་བུ་འདྲི་བ་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་ཏེ་བསམ་གྱིས་མི་ཁྱབ་བོ། །ཁྱེད་བརྟགས་པར་ཉོན་ཅིག་དང་། ཁྱེད་ལ་ཞིབ་ཏུ་བཤད་དོ། །
D243.066.0004b01.01རིགས་ཀྱི་བུ་ཕོ་སེམས་ཅན་བསླབས་ཤིང་དྲང་སྟེ་སེམས་འདུག་པར་བྱ་ན་འདུག་པ་ནི་ནང་ན་ཡང་མི་འདུག །ཕྱི་རོལ་ན་ཡང་མི་འདུག །བར་ན་ཡང་མི་འདུག་གོ། །སངས་རྒྱས་ཐམས་ཅད་ཀྱི་ཐེག་པ་ཆེན་པོའི་ཆོས་ཀྱང་ནང་ན་ཡང་མི་འདུག །ཕྱི་རོལ་ན་ཡང་མི་འདུག །
D243.066.0004b02.01བར་ན་ཡང་མི་འདུག་གོ། །སེམས་ཀྱི་ཤེས་པ་གཅིག་པུ་ལ་གནས་ཏེ། མེད་པའི་གནས་ལ་འདུག་པས་ན་བྱང་ཆུབ་ཐོབ་བོ། །བྱང་ཆུབ་ཐོབ་ཏུ་ཟིན་ཀྱང་བྱང་ཆུབ་ཐོབ་པ་ཡོང་མེད་དེ། དེའི་མིང་ནི་ཡང་དག་པའི་མི་གཡོ་བ་ཞེས་བྱའོ། །ཇི་ལྟ་ཞེས་བྱས་ན། མྱ་ངན་ནི་མི་
D243.066.0004b03.01བདེན་པ་ལས་སྐྱེས་ཏེ་མྱ་ངན་ཀྱང་སྟོང་པའོ། །ཆོས་སོ་ཅོག་ཀྱང་རང་སྐྱེས་པ་མེད་དེ་ཆོས་ཀྱང་སྟོང་པའོ། །སེམས་ཞེས་བྱ་བ་ཡང་གྱིན་ད་མིང་ཡོད་དུ་ཟད་ཀྱི་ཐོབ་པར་མི་རུང་སྟེ། སེམས་ཀྱང་སྟོང་པའོ། །རིགས་ཀྱི་བུ་ཕོ་སེམས་སྟོང་པ་ཡིན་པར་རིག་ན། སྟོང་པའི་
D243.066.0004b04.01སེམས་གཅིག་གིས་ནང་ནས་མི་བདེན་པ་ཐམས་ཅད་ལ་བལྟ་བའི་མི་རིགས་སོ། །ཐམས་ཅད་ལ་བལྟས་ན་དེའི་མིང་ནི་སེམས་ཀྱི་དྲི་མ་ཞེས་བྱའོ། །སེམས་ལ་དྲི་མ་མེད་ན་དེའི་མིང་ནི་ཟག་པ་ཟད་ཅེས་བྱ་བ་སྟེ། མིག་དང་ཁ་དོག་དང་སེམས་གསུམ་ཆར་ཡང་སྟོང་པ་སྟེ། རྟག་
D243.066.0004b05.01པར་གཙང་ངོ་། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས། ཆོས་སོ་ཅོག་ཀུན་ཀྱང་། དེ་བཞིན་ལགས་པ་ལྟ་ན། སེམས་ཅན་ཐམས་ཅད་ཀྱང་ལུས་གཅིག །སེམས་གཅིག །ཁམས་
D243.066.0004b06.01གཅིག །སངས་རྒྱས་གཅིག་གི་ཁམས་སུ་ཆུད་པར་ནུས་པའི་རིགས། སངས་རྒྱས་གཅིག་གི་ཁམས་ནས་སྟོང་པ་གང་ཞིག་ཁྱབ་པའི་སངས་རྒྱས་ཐམས་ཅད་ཀྱི་ཆོས་ཀྱི་ཁམས་སུ་འཇུག་ནུས་པའི་རིགས། སངས་རྒྱས་ཀྱིས་བྱང་ཆུབ་སེམས་དཔའ་ནམ་
D243.066.0004b07.01