完整藏文原文 · 德格版页 当前仅加载第 66 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་ཕལ་གྱི་ནང་ན་ཡང་བྱང་ཆུབ་སེམས་དཔའ་མིང་སྤྱོད་མེད་ཅེས་བྱ་བ་ཞིག་ཡོད་པ་སྟན་ལས་ལངས་ཏེ། ཕྲག་པ་གཡས་པ་ཆོས་བཞིན་བྱས། པུས་མོ་གཡས་པ་ས་ལ་བཙུགས་ཏེ་ཐལ་མོ་སྦྱར་ནས་སངས་རྒྱས་ལ་གསོལ་པ། བཅོམ་ལྡན་འདས་སངས་རྒྱས་འདས་ཏེ་གཤེགས་
D243.066.0011b01.01པའི་སླད་ན་ལོ་ལྔ་བརྒྱའམ། ལོ་སྟོང་ངམ། སྟོང་ལྔ་བརྒྱ་ན་སེམས་ཅན་ལ་ཆོས་བཤད་ན། ཆོས་གང་བཤད་པའི་རིགས་པ་སངས་རྒྱས་ཀྱིས་བྱམས་ཤིང་ཐུགས་རྗེ་གཟིགས་ཏེ། བདག་ལ་དྲང་ཞིང་བཤད་པར་སྨོན་ཏོ། །སངས་རྒྱས་ཀྱིས་བྱང་ཆུབ་སེམས་དཔའ་སྤྱོད་མེད་ལ་
D243.066.0011b02.01བཀའ་སྩལ་པ། རིགས་ཀྱི་བུ་ཕོ་ཆོས་ཀྱིས་རྣམས་བཤད་པ་ནི་མདོ་ནི་བཤད། གཟུགས་ནི་མི་བཤད་དོ། །གཞུང་ནི་བཤད། ཡི་གེའི་རི་མོ་ནི་མི་བཤད་དོ། །དེ་ལྟ་བུར་བཤད་པ་ནི་ཆོས་ཡང་དག་པ་ཡིན་ནོ། །ཡི་གེའི་རི་མོ་དང་། གཟུགས་བཤད་ན་ནི་ཁ་གཡོས་
D243.066.0011b03.01སེམས་གཡོས་པ་ཀུན་ཀྱང་བསྐུར་ཅིང་དབང་བཟས་པའི་རིགས་ཀྱི་བུ་ཕོ་སེམས་ཅན་ཐམས་ཅད་ལ་ཆོས་བཤད་ན་མི་གཡོ་བ་བཞིན་དུ་བཤད། མཉམ་སྙོམས་པར་བཤད་པའི་རིགས་སོ། །ཇི་ལྟ་ཞེས་བྱས་ན། སེམས་ཅན་ནོ་ཅོག་གི་སེམས་གཅིག་ལ་སངས་རྒྱས་ཀྱི་ངོ་བོ་
D243.066.0011b04.01ཉིད་ཀྱང་གཅིག་སྟེ། ངོ་བོ་ཉིད་གཅིག་ཏུ་མཉམ་སྙོམས་ན་ཆོས་སོ་ཅོག་ཀུན་ཀྱང་མཉམ་སྙོམས་སོ། །དེ་ལ་མཐོ་དམན་དུ་བཤད་ན་དེའི་མིང་ཡོན་པོ་བཤད་པ་སྟེ། དེའི་ཁ་ནི་རལ། དེའི་ལྕེ་ནི་གས་ཏེ། ཅིའི་ཕྱིར་ཞེས་བྱས་ན། སེམས་ཅན་ཐམས་ཅད་ཀྱི་སེམས་ཀྱི་དྲི་མ་ཡང་
D243.066.0011b05.01དྲི་མ་གཅིག་ཏུ་འཐུན་ནོ། །སེམས་ཅན་ཐམས་ཅད་ཀྱི་སེམས་གཙང་མ་ཡང་གཙང་མ་གཅིག་ཏུ་འཐུན་ནོ། །ཅིའི་ཕྱིར་ཞེས་བྱས་ན། སེམས་ཅན་ཐམས་ཅད་ཀྱི་སེམས་གཅིག་ཏུ་གཙང་སྟེ། དགེ་བ་བཅུའི་ཆོས་འཐུན་པར་གཙང་ངོ་། །སེམས་ཅན་ཐམས་ཅད་ཀྱི་སེམས་
D243.066.0011b06.01གཅིག་ཏུ་དྲི་མ་ཡོད་ན་ངན་པ་བཅུའི་ཆོས་གཅིག་ཏུ་འཐུན་པར་དྲི་མ་ཡོད་དོ། །སེམས་ཅན་གྱི་ནད་ནི་གཅིག་ཏུ་འཐུན་ཏེ། སེམས་ཅན་གྱི་སྨན་དགོས་ན་སྨན་ཀྱང་གཅིག་ཏུ་དགོས་སོ། །ཆོས་མང་དུ་བཤད་ན་དེའི་མིང་ནི་ཕྱིན་ཅི་ལོག་ཅེས་བྱའོ། །ཅིའི་ཕྱིར་ཞེས་བྱས་ན། མི་བདེན་པས་བྱེ་བྲག་ཕྱེ་སྟེ།
D243.066.0011b07.01