完整藏文原文 · 德格版页 当前仅加载第 66 函德格 5b 版页；藏文 NFD、目录标记与异常页序保留在来源切片中，重复版页行以稳定序号区分。
ཐོབ་པ་མེད་དོ། །སྟོང་པའི་ཁམས་དང་ཡང་བྲལ་ན་བླང་བ་མེད་པའི་ས་ནི་སངས་རྒྱས་ཀྱི་ལུས་སྐྱེ་ནུས་སོ། །སངས་རྒྱས་ཀྱི་ལུས་ལ་ནི་ལུས་གཅིག་ཏུ་ཟད་ཀྱི་གཉིས་སུ་མེད་དོ། །ཡོང་སངས་རྒྱས་ཀྱི་ངོ་བོ་ཉིད་ནི་གཅིག་གོ། །སངས་རྒྱས་ཀྱི་ངོ་བོ་ཉིད་གཅིག་གི་ནང་ན་
D243.066.0005b01.01སེམས་ཀྱི་ངོ་བོ་ཉིད་གཅིག་ཏུ་ཟད་དོ། །སེམས་གཅིག་པོ་མ་གཏོགས་པར་གུད་དུ་གཞན་ལ་བཙལ་བ་མེད་དོ། །གཞན་ལ་བཙལ་བ་བྱས་ན་དེ་ནི་ཡོན་པོ་མི་དྲང་བའོ། །ཇི་ལྟ་ཞེས་བྱས་ན། སེམས་ཀྱི་ཆོས་ཐམས་ཅད་ནི་ཕྱི་ལོགས་ནས་བཙལ་བ་མེད་དོ། །ཕྱི་ལོགས་
D243.066.0005b02.01ཀྱི་གནས་ནས་བཙལ་ན། དེའི་མིང་ནི་གཞན་ཞེས་བྱའོ། །གཞན་གྱི་གནས་ལས་བཙལ་ན་དེ་ནི་མི་བདེན་པའོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་སེམས་གཅིག་གི་ནང་ནས་སངས་རྒྱས་ཐོབ་པར་རུང་ན། ཐམས་
D243.066.0005b03.01ཅད་ཀྱི་སེམས་ཀྱི་ནང་ན། ཀུན་ལ་ཡང་སངས་རྒྱས་ཀྱི་ངོ་བོ་ཉིད་མཆིས་པ་ལྟ། སེམས་ཅན་ཐམས་ཅད་ཀུན་ལ་སངས་རྒྱས་ཀྱི་ངོ་བོ་ཉིད་མཆིས་ན། ཡང་དག་པར་གཤེགས་པ་ཐམས་ཅད་ཀྱིས་སེམས་གཅིག་པོ་སྤྱད་དེ། སེམས་ཅན་ཐམས་ཅད་བསྐྱེད་ནུས་ཏེ་སེམས་གཅིག་ལུས་
D243.066.0005b04.01གཅིག་གིས་འཁྲུལ་པ་བསལ་ན། སངས་རྒྱས་ཀྱི་ཆོས་གཞན་མ་མཆིས་ཏེ། སངས་རྒྱས་ཀྱི་ཆོས་ཀྱི་སྐུ་ལུས་སུ་སྐྱེས་ལགས་པ་ལྟ། སངས་རྒྱས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། རིགས་ཀྱི་བུ་དེ་ཡིན་ནོ་དེ་ཡིན་ནོ། །ཁྱོད་ཀྱིས་བཤད་པ་བཞིན་
D243.066.0005b05.01ཏེ། སེམས་ཅན་ཀུན་ལ་ཡང་སངས་རྒྱས་ཀྱི་ངོ་བོ་ཉིད་ཡོད་དེ། སངས་རྒྱས་ཡང་དག་པར་གཤེགས་པ་ཐམས་ཅད་ཀུན་གྱིས་སེམས་གཅིག་པུའི་ཆོས་སྤྱད་དེ། སེམས་ཅན་ཐམས་ཅད་ཀྱི་སེམས་སོ་ཅོག་སེམས་གཅིག་པུའི་ནང་དུ་སངས་རྒྱས་ཀྱི་ཆོས་ཚོལ་དུ་བཙུད་པས་སངས་
D243.066.0005b06.01རྒྱས་ཀྱི་ལུས་ཐོབ་བོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་སེམས་ཅན་རྣམས་ལ་སངས་རྒྱས་ཀྱི་ངོ་བོ་ཉིད་མཆིས་ཏེ། སངས་རྒྱས་ཀྱི་ངོ་བོ་ཉིད་ཀྱི་ནང་དུ་བཙལ་བས་སངས་རྒྱས་ཐོབ་ན་སེམས་ཅན་ཐམས་ཅད་ཀྱི་སོ་སོའི་
D243.066.0005b07.01