完整藏文原文 · 德格版页 当前仅加载第 66 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་ཕོ་ང་འདས་པའི་ཕྱི་ན་ལོ་ལྔ་བརྒྱ་ཡང་རུང་། ལོ་སྟོང་ཡང་རུང་། ལོ་སྟོང་ལྔ་བརྒྱ་ཡང་རུང་། དེའི་ཕྱི་ན་ཡང་མི་ལ་ལ་ཞིག་གིས་ཆོས་ཀྱི་ཡི་གེ་འདི་གཟུངས་སུ་བཟུང་སྟེ། ཁ་ཏོན་དང་ཀློག་ནུས་ལ་བཤད་པ་བཞིན་དུ་ལས་སུ་བྱས་ཏེ། རྟག་སྐྱིད། ང་གཙང་གི་
D243.066.0007b01.01གནས་ལ་ཡིད་ཆེས་ཤིང་དྲང་པོར་མཐོང་གི་སྟེང་དུ་ཆོས་འདི་སྤྱད་དེ། སེམས་ཅན་བསྟན་བསླབས་ན། སེམས་ཅན་གཅིག་བསྟན་ན་དེའི་མིང་བྱང་ཆུབ་སེམས་དཔའོ། །མི་ཐ་མལ་པ་ཡིན་མོད་ཀྱི་ཡོན་ཕུལ་བ་བླང་དུ་རུང་སྟེ། ཁྱིམ་ནས་བྱུང་བའི་མི་ཡིན་ནོ། །
D243.066.0007b02.01བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་ལ་ཡོང་ཁྱིམ་ནས་བྱུང་བའི་མི་དེ་སྐྲ་དང་ཁ་སྤུ་བྲེགས་ལ་ཆོས་ཀྱི་གོས་གྱོན་ཏེ། ཚུལ་ཁྲིམས་ཚང་བ་མནོས་ཏེ། ཐ་མལ་པའི་ཆོས་ཀྱིས་མ་གོས་པ་དེའི་མིང་ནི་ཁྱིམ་ནས་བྱུང་སྟེ།
D243.066.0007b03.01ཡོན་བླང་དུ་རུང་བ་ཞེས་བགྱི་ན། ཡང་དག་པར་གཤེགས་པས་ད་བཤད་པ་མི་ཐ་མལ་པ་ལ་ཁྱིམ་ནས་བྱུང་བའི་མི་ལགས་ཏེ། ཡོན་བླང་དུ་རུང་ཞེས་བགྱི་བ་དེའི་གཞུང་བྱེ་བྲག་མ་ཕྱེད་ན། སངས་རྒྱས་ཀྱིས་བྱམས་ཤིང་ཐུགས་རྗེས་གཟིགས་ཏེ་བདག་ལ་བཤད་པར་སྨོན་
D243.066.0007b04.01ཏོ། །སངས་རྒྱས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། རིགས་ཀྱི་བུ་ཕོ་སྐྲ་དང་ཁ་སྤུ་བྲེགས་པ་ནི་ལུས་ལ་ང་མེད་པར་གདུལ་བའི་ཕྱིར་རོ། །ཆོས་ཀྱི་གོས་གྱོན་པ་ནི་ཐ་མལ་པའི་ཆོས་དང་དབྲལ་བའི་ཕྱིར་རོ། །ཚུལ་ཁྲིམས་ཚང་བར་
D243.066.0007b05.01འཛིན་པ་ནི་ཐོབ་ཅིང་མི་གཞིག་པའི་ཕྱིར་རོ། །ངས་བཤད་པ་དེ་མི་ཐ་མལ་པ་ཡིན་མོད་ཀྱི་ལུས་དང་སེམས་ཐུལ་བར་ནུས་ཏེ། ང་དང་ལེ་ལོ་མི་གཡོ་སེམས་ལ་རྡུལ་གྱིས་མ་གོས་ཏེ། ཐ་མལ་པའི་ཆོས་དང་བྲལ་ནས་ཡུན་{རིངས་ཏེ,རིང་སྟེ}། རྡོ་རྗེ་དང་མཚུངས་ཏེ། ཚུལ་ཁྲིམས་ཀྱི་ངོ་བོ་
D243.066.0007b06.01ཉིད་མ་ཞིག་པས། ཐ་མལ་པ་ཡིན་མོད་ཀྱི་ཡང་དག་པར་ན་ཁྱིམ་ནས་བྱུང་བ་ཡང་དག་པ་ཡིན་ནོ། །ཡང་ཐེག་པ་ཆེན་པོའི་ཆོས་ཀྱི་ཡི་གེ་འདིའི་ནང་ན་བཤད་པ་བཞིན་དུ་ལས་སུ་སྤྱད་ན། སངས་རྒྱས་ཀྱི་ཆོས་ལ་ཡིད་ཆེས་པས་རྟག་སྐྱིད་ང་གཙང་མཐོང་སྟེ། སེམས་ཅན་
D243.066.0007b07.01