完整藏文原文 · 德格版页 当前仅加载第 66 函德格 4a 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ནོ་ཅོག་ལ་སེམས་མི་འདུག་ཅིང་། འདུ་མཆེད་ཁམས་ལ་སེམས་མི་འདུག་ན་འདོད་པའི་ཡན་ལག་གི་སེམས་མེད་དོ། །འདོད་པའི་ཡན་ལག་མེད་ན་སེམས་ཀྱི་འདོད་ཅིང་བཙལ་བ་མེད་དོ། །སེམས་ལ་བཙལ་བ་མེད་ན་སེམས་ག་ལ་ཡང་མི་འདུག་གོ། །
D243.066.0004a01.01ག་ལ་ཡང་མི་འདུག་ན་གདོད་དེའི་མིང་ནི་སེམས་འདུག་ཅེས་བྱའོ། །རིགས་ཀྱི་བུ་ཕོ་སེམས་ཅན་གྱི་སེམས་ཀྱི་མྱ་ངན་ནོ་ཅོག་བྱས་པ་ནི་ཀུན་ཀྱང་རྣམ་པར་ཤེས་པ་ལས་གཡོས་ཏེ་མི་འདུག་པའི་ལན་ནོ། །སེམས་འདུག་ན་གདོད་མྱ་ངན་ཀྱང་མེད་དོ། །མྱ་ངན་མེད་ན་
D243.066.0004a02.01གདོད་བྱང་ཆུབ་ཡིན་ནོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་སེམས་ཅན་ཐམས་ཅད་ཀྱིས་མྱ་ངན་ནོ་ཅོག་བགྱིས་ཤིང་སེམས་མི་འདུག་པ་དེ་ཅི་ཞིག་གི་སྟོབས་ཀྱིས་བསླང་སྟེ། འདོད་པའི་ཡན་ལག་བགྱིས་པ་སངས་
D243.066.0004a03.01རྒྱས་ཀྱིས་བྱམས་ཤིང་ཐུགས་རྗེས་གཟིགས་ཏེ། ཕལ་མང་པོ་ལ་སྒྲོལ་ཞིང་བཤད་པར་སྨོན་ཏོ། །སངས་རྒྱས་ཀྱིས་བཀའ་སྩལ་པ། སེམས་ཅན་ནོ་ཅོག་སེམས་ཀྱི་ཡན་ལག་གཡོས་པས་རང་བཞིན་གྱི་སྟོབས་གཉིས་ཡོད་དོ། །གཉིས་ཞེས་བྱ་བ་གང་ཡིན་ཞེས་བྱས་ན།
D243.066.0004a04.01གཅིག་ནི་འདུ་མཆེད་ཀྱི་ཕྱིར་གཡོས་ཏེ་སེམས་ཀྱི་ཡན་ལག་རང་བཞིན་གྱི་སྟོབས་སོ། །གཉིས་ནི་འདུ་མཆེད་ཀྱི་ཕྱིར་མ་ལངས་ཀྱི་བདག་གི་སེམས་ལ་རང་ལངས་ཏེ་དེ་ནི་བདག་གི་རང་བཞིན་གྱི་སྟོབས་སོ། །རིགས་ཀྱི་བུ་ཕོ་དེ་སེམས་ཅན་རྣམས་ཀྱི་རང་བཞིན་གཉིས་མི་གཡོ་བར་
D243.066.0004a05.01བྱས་ན་གདོད་མྱ་ངན་ཀྱང་མེད་བྱང་ཆུབ་ཀྱང་མེད་དོ། །མྱ་ངན་ཀྱང་མེད་བྱང་ཆུབ་ཀྱང་མེད་ན་གདོད་ཡང་དག་པར་བདེན་པའི་གནས་སུ་ཆུད་དེ། དེ་ནི་བྱང་ཆུབ་ཡང་དག་པ་ཡིན་ནོ། །ཁྱོད་ལ་སོགས་པ་བྱང་ཆུབ་སེམས་དཔས་སེམས་ཅན་ཞིག་བསྟན་ཅིང་དྲང་ན་ཡང་སེམས་འདུག་
D243.066.0004a06.01པར་སྟོན་ཅིག །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་སེམས་ཅན་བསླབ་ཅིང་དྲང་ན་དེའི་སེམས་འདུག་པར་བགྱི་ན། ཁམས་གང་ལ་འདུག་ན་བྱང་ཆུབ་ཐོབ་པར་རུང་། སངས་རྒྱས་ཀྱིས་བྱང་ཆུབ་སེམས་དཔའ་ནམ་མཁའ་
D243.066.0004a07.01