完整藏文原文 · 德格版页 当前仅加载第 66 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རྣམས་དང་བྲལ་བས་ཅིས་ཀྱང་གོས་པ་མ་མཆིས་ཏེ། དཔེར་ན་ནམ་མཁའ་དང་མཚུངས་ཤིང་ཕྱི་མོའི་ངོ་བོ་ཉིད་རྟག་པར་གཙང་ན་ཅིའི་སླད་ནས་སེམས་ཅན་གྱིས་མྱ་ངན་རྣམས་བགྱིས། མྱ་ངན་བགྱིས་ན་སེམས་ཉིད་དྲི་མ་ལགས་པ་ལྟ་ན། སེམས་ཀྱི་དྲི་མ་དེ་ཐོག་མ་ག་ལས་
D243.066.0006b01.01སྐྱེས་པ་བཅོམ་ལྡན་འདས་ཀྱིས་ཕལ་མང་པོ་ལ་བཤད་དེ། སེམས་ཅན་གྱི་རྣམས་ཀུན་གྱིས་ཐོས་ཤིང་ཤེས་པར་བགྱིས་ཏེ། སེམས་ཅན་གྱི་རྣམས་ཀྱི་མྱ་ངན་ངན་ནོ་འཚལ་བ་ཞིག་སྟེ། སེམས་ཀྱི་དྲི་མ་བཀྲུས་པས་ལ་ལ་བཀབ་ཅིང་དཀྲིས་པ་ཡང་བྲལ་བར་སྨོན་ཏོ། །དེ་ནས་སངས་
D243.066.0006b02.01རྒྱས་འཛུམ་མུལ་ཞེས་བཞད་དེ་ཕྱག་གཡོན་པས་བྱང་ཆུབ་སེམས་དཔའི་སྤྱི་བོ་ལ་ཕྱིས་ཏེ། འོད་ཆེན་པོ་བཏང་ནས་ཐམས་ཅད་ཀུན་ཏུ་ཁྱབ་པར་བྱས་སོ། །དེ་ནས་སེམས་ཅན་ཕལ་མང་པོ་ཐམས་ཅད་ཀུན་ཤིན་ཏུ་དགའ་གཞའོ། །སངས་རྒྱས་ཀྱི་ཞལ་ནས་བྱང་ཆུབ་སེམས་དཔས་
D243.066.0006b03.01སེམས་ཅན་རྣམས་ཀྱི་ཕྱིར་དེ་ལྟ་བུའི་དྲི་བ་བྱས་པ་དེའི་མིང་ནི་དྲང་པོ་དྲིས་པ་སྟེ། སེམས་ཅན་ཐར་བར་བྱ་བ་ཡིན་ནོ། །ཚིག་གཞན་དྲིས་ན་དེའི་མིང་ནི་ཡོན་པོར་དྲིས་ཞེས་བྱ་སྟེ། སེམས་ཅན་བརླག་པ་ཡིན་ནོ། །བྱང་ཆུབ་སེམས་དཔའ་ཁྱོད་དྲང་པོ་འདྲི་ནུས་པ་སེམས་ཅན་ཐར་པར་
D243.066.0006b04.01བྱས་པ་ཡིན་ནོ། །ཁྱེད་ལ་སོགས་པ་སེམས་ཅན་ཀུན་སེམས་གཅིག་ཏུ་སོམས་ལ་བརྟགས་པར་ཉོན་ཏེ། འགྱེས་ཤིང་འཁྲུག་པའི་སེམས་སོལ་ལ་ཕྱི་ལོགས་ཀྱི་དོན་མེད་པར་བྱོས་ཏེ། སེམས་ཀྱི་ཡིད་ཐུབ་པར་འདུག་ཤིག་དང་ཁྱེད་ལ་བཤད་དོ། །བཤད་པ་ཐོས་ན་ངན་པ་
D243.066.0006b05.01བཅུའི་སེམས་ཅན་ཀུན་གྲོལ་ཐར་པ་ཐོབ་བོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་བདག་ལ་སོགས་པ་སེམས་ཅན་ཕལ་མང་པོ་ཐམས་ཅད་ཀུན་སེམས་གཅིག་ཏུ་བགྱིས་ལགས་ཏེ། འཁྲུག་པའི་སེམས་གཞན་མ་
D243.066.0006b06.01མཆིས་ན། བཅོམ་ལྡན་འདས་ཀྱིས་ཕལ་མང་པོ་ལ་དགྲོལ་བཤད་པར་སྨོན་ཏོ། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་དང་ཕལ་མང་པོ་རྣམས་ལ་བཀའ་སྩལ་པ། མྱ་ངན་ཐམས་ཅད་ནི་ཕྱིན་ཅི་ལོག་ལས་སྐྱེས་སོ། །ཕྱིན་ཅི་ལོག་ཐམས་ཅད་ནི་མི་བདེན་པའི་
D243.066.0006b07.01