完整藏文原文 · 德格版页 当前仅加载第 66 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
དགེ་བ་དང་ངན་པའི་ཆོས་བཤིག་སྟེ། ཆོས་གཅིག་བཤིག་ཅིང་ཡོད་བཞིན་དུ་ཆོས་བཤད་ན། སངས་རྒྱས་ཀྱི་ཆོས་ལམ་བཤད་པ་ཡིན་ནོ། །བྱང་ཆུབ་སེམས་དཔས་ཆོས་བཤད་པ་ན་མི་གཡོ་བ་བཞིན་དུ་ཤོད་ཅིག །བྱང་ཆུབ་སེམས་དཔའ་སྤྱོད་མེད་ཀྱིས་
D243.066.0012a01.01སངས་རྒྱས་ལ་གསོལ་པ། བཅོམ་ལྡན་འདས་ཇི་ལྟར་མི་གཡོ་བ་བཞིན་དུ་བཤད་ཅེས་བགྱི། སངས་རྒྱས་ཀྱིས་བྱང་ཆུབ་སེམས་དཔའ་སྤྱོད་མེད་ལ་བཀའ་སྩལ་པ། རིགས་ཀྱི་བུ་ཕོ་ཡང་དག་པའི་བདེན་པའི་ཆོས་གཅིག་བཤད་པ་ནི་མི་གཡོ་བ་བཞིན་དུ་བཤད་པ་ཡིན་ནོ། །སེམས་དྲང་པོ་
D243.066.0012a02.01རྫོགས་པར་བཤད་པ་ནི་མི་གཡོ་བ་བཞིན་དུ་བཤད་པ་ཡིན་ནོ། །མུ་གཅིག་ལ་ཆགས་པ་མེད་པར་བཤད་པ་ནི་མི་གཡོ་བ་བཞིན་དུ་བཤད་པ་ཡིན་ནོ། །བྱེ་བྲག་དབྱེ་བ་མེད་པར་བཤད་པ་ནི་མི་གཡོ་བ་བཞིན་དུ་བཤད་པ་ཡིན་ནོ། །སེམས་གཅིག་ཏུ་གཙང་མར་གནས་ཏེ་
D243.066.0012a03.01བཤད་ན་མི་གཡོ་བ་བཞིན་དུ་བཤད་པ་ཡིན་ནོ། །བཤད་དོ་ཅོག་ཀུན་བཤད་དུ་མེད་ན་མི་གཡོ་བ་བཞིན་དུ་བཤད་པ་ཡིན་ནོ། །དེ་ནས་བྱང་ཆུབ་སེམས་དཔའ་སྤྱོད་མེད་ཀྱིས་སེམས་ཅན་ཕལ་མང་པོ་ཐམས་ཅད་ཀུན་གྱིས་བྱེ་བྲག་ཕྱེད་པར་ཁོང་དུ་ཆུད་པར་བྱ་བའི་ཕྱིར་ཡང་སངས་རྒྱས་
D243.066.0012a04.01ལ་གསོལ་པ། ཇི་ལྟ་བུར་བཤད་ན་བཤད་པ་མེད་དེ། མི་གཡོ་བ་བཞིན་དུ་བཤད་ཅེས་བགྱི། སངས་རྒྱས་ཀྱིས་བྱང་ཆུབ་སེམས་དཔའ་སྤྱོད་མེད་ལ་བཀའ་སྩལ་པ། རིགས་ཀྱི་བུ་ཕོ་ཆོས་སོ་ཅོག་གི་རང་བཞིན་གྱི་གཟུགས་སྟོང་པ་བས་ན་དགྲོལ་ཞིང་བཤད་དུ་མེད་དོ། །ཆོས་སོ་ཅོག་
D243.066.0012a05.01ལ་གཟུགས་མེད་པས་ན་གཟུགས་ལ་དགྲོལ་ཞིང་བཤད་དུ་མེད་དེ་བཤད་དུ་མི་རུང་ངོ་། །ཆོས་སོ་ཅོག་ལ་བྱ་བའང་མེད། གཡོ་བའང་མེད་པས་ན་བྱ་བ་མེད་པའི་དགྲོལ་བཤད་པ་ལ་བཤད་དུ་མི་རུང་ངོ་། །རིགས་ཀྱི་བུ་ཕོ་དགྲོལ་བཤད་པ་ནི་དེ་ལྟར་བཤད་དེ། བཤད་པ་དེ་
D243.066.0012a06.01བཤད་དུ་མི་རུང་བས་མི་གཡོ་བ་བཞིན་བཤད་ཅེས་བྱའོ། །བྱང་ཆུབ་སེམས་དཔའ་སྤྱོད་མེད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་ཆོས་ནི་དེ་ལྟར་བཤད་ལགས་པ་ལྟ་ན། ཇི་ལྟ་བུར་ན་སེམས་དྲང་པོར་རྫོགས་པར་བཤད་ཅེས་བགྱི། སངས་རྒྱས་ཀྱིས་བྱང་ཆུབ་
D243.066.0012a07.01