完整藏文原文 · 德格版页 当前仅加载第 66 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པའི་རྣམས་ལ་རྟོག་ཏུ་བཅུག་སྟེ། སེམས་འདུག་པའི་གནས་རིག་ན་གདོད་སེམས་མི་འདུག་གོ། །དེ་ལྟར་ཚོར་བས་ན་ཚོར་བ་དགག་གོ། །འདོད་པའི་སེམས་མི་གཡོ་ན་དགག་ཅིང་བརྟགས་ཡང་མེད་དོ། །གཡོ་བའི་གནས་ཡོད་ན་སྟོང་པ་ལ་བདེ་བར་
D243.066.0009a01.01གཞག་གོ། །ངོ་བོ་ཉིད་ཀྱི་སྟོང་པ་གཅིག་གི་ནང་ན་གོས་པ་དང་གཙང་མ་གཉིས་ཀའང་མེད་དོ། །ངོ་བོ་ཉིད་གཙང་གདང་བས་ན་བླངས་པའང་མེད། བཏང་བའང་མེད་དོ། །སེམས་ཀྱང་མི་སྐྱེའོ། །སྐྱེ་བའང་མེད། སྤྱོད་པའང་མེད། ལུས་ཀྱིས་སྤྱད་པའི་གནས་ཀྱང་མེད།
D243.066.0009a02.01ཚིག་སྨྲ་བའི་ལམ་ཡང་ཆད། སངས་རྒྱས་ཀྱི་ངོ་བོ་ཉིད་ཀྱི་དམ་པ་ཚོར་བའི་ངོ་བོ་ཉིད་ནི་རྟག་པར་ཡོད་ཅིང་། དཔེ་སྟོང་པ་དང་མཚུངས་ཏེ་ཐམས་ཅད་ལ་མ་ཆགས་སོ། །བྱང་ཆུབ་སེམས་དཔའ་ལས་འདི་སྤྱད་ན། དཔེར་དབྱི་གུ་ཐོགས་ལ་ནམ་མཁའ་ལ་བརྡེགས་པ་དང་མཚུངས་ཏེ།
D243.066.0009a03.01ཕོག་ནི་ཕོག་སྟེ་ཆགས་པ་མེད་དོ། །དེའི་མིང་ཆོས་སྤྱོད་པ་ཞེས་བྱའོ། །ཆགས་པའི་གནས་ཡོད་དུ་ཟིན་ན་ཕྱི་ནང་དུ་ཞུགས་པ་ཡིན་ནོ། །ས་གཙང་མར་བགྲོད་ཅིང་འགྲོ་ན་སེམས་གཅིག་སྟེ་གཉིས་སུ་མེད་དོ། །བསམ་གཏན་དུ་ཞུགས་ལ་ལྡང་དུབ་ཀྱི་སེམས་བཀག་སྟེ།
D243.066.0009a04.01ཡང་དག་པའི་བདེན་པ་གཅིག་ལ་བརྟགས་ལ་འགྱོད་ཚངས་བྱའོ། །དེའི་ཚེ་ཕལ་མང་པོའི་ནང་ན་ལོག་སྲེད་མིང་འདོད་{མངས་,མང་}ཞེས་བྱ་བ་ཞིག་ཡོད་པ་གནའ་ཐོག་མ་མེད་པ་ཚུན་ཆད་ལོག་པ་མང་དུ་བྱས་ཏེ། ཉེས་པ་བཅུ་རྟག་པར་བྱས་ནས་སྡང་བ་དང་། ཁྲོ་བ་དང་། ཕྲག་དོག་དང་།
D243.066.0009a05.01འགྲན་ང་བ་དང་། འདི་རྣམས་བཞིའི་སྦྲུལ་གྱིས་ནི་དྲངས། མི་བདེན་པ་དང་ཕྱི་ལོག་གི་སེམས་ཀྱི་བྱི་བ་གཉིས་ཀྱིས་ནི་སེམས་ཀྱི་རྩ་བ་བཅད་དེ། དཔེར་ན་མི་ཞིག་ཤིང་གི་ཁ་ན་མར་སྤྱངས་ལ་འོག་ན་སྦྲུལ་བཞི་འདུག་སྟེ། ཁ་གདུག་པའི་རླངས་པས་ནི་གྱེན་དུ་བདུགས། ཤིང་གི་ཁ་
D243.066.0009a06.01ནས་བྱི་བ་གཉིས་ཀྱིས་ནི་དཔྱངས་ཐག་གི་རྩ་བ་ལ་གཟས་ཏེ་ཆད་ལ་ཐུག །སེམས་གཙང་མ་གསུམ་ནི་མེད་པར་བྱས། མིག་དང་། ཁ་དོག་དང་། སེམས་དང་ཀུན་ནི་མི་བདེན་པ་ཕྱིན་ཅི་ལོག་བྱེད་པ་སྟེ་མཐོང་བས་བཅིངས་ནས་སེམས་ཅན་དམྱལ་བར་ལྷུང་ལ་ཐུག་པ་ལས་སྐད་ཅིག་
D243.066.0009a07.01