完整藏文原文 · 德格版页 当前仅加载第 66 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པའི་སེམས་ཀྱི་ནང་ན་གནོད་བཀུར་བའི་སེམས་གཡོས་ཏེ། ཡང་དག་པར་གཤེགས་པ་ལ་འགྱོད་ཚངས་ཀྱི་ཆོས་འདྲིའམ་སྙམ་ན་ཡིད་ལ་གནོང་ཞིང་ངོ་ཚ་བས་འདྲི་མ་ཕོད་ན། ཡང་དག་པར་གཤེགས་པའི་འཕྲུལ་གྱི་ཐུགས་ཀྱིས་དེའི་ཡིད་ལ་སེམས་པ་མཁྱེན་ཏེ། མི་དེ་སྡུག་
D243.066.0009b01.01བསྔལ་བ་ལས་བྲལ་ཏེ། སེམས་ཅན་དམྱལ་བའི་སྒོ་ནས་དབྱུང་བར་ཐུགས་ལ་དགོངས་ནས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། ང་འདས་ཏེ་སོང་བའི་ཕྱི་ན་ལོག་སྲེད་ལ་ལ་ཞིག་གིས་ལས་ངན་པ་མང་དུ་བྱས་ཏེ། སངས་རྒྱས་ཀྱི་དཀོན་མཆོག་གསུམ་
D243.066.0009b02.01མེད་པར་བྱེད་པ་དེ་ལྟ་བུའི་མི་ནི་ཕྱི་མའི་དུས་ལ་སེམས་ཅན་དམྱལ་བའི་ནང་དུ་ཡང་དག་པར་ལྷུང་ནས། བསྐལ་པ་ཆེན་པོ་བཅུ་གཉིས་ཀྱི་བར་དུའང་མི་ཐར་ཏོ། །ཁྱེད་བྱང་ཆུབ་སེམས་དཔའ་རྣམས་ཀྱིས་བྱམས་ཤིང་སྙིང་རྗེ་སྤྱོད་ལ་སེམས་ཅན་འདི་ལྟ་བུའི་རྣམས་འགྱོད་ཚངས་
D243.066.0009b03.01བྱེད་དུ་ཆུག་ལ། དེའི་སེམས་ཀྱི་དྲི་མ་གཙང་གདང་བར་བྱོས་ལ་གྲོལ་ཐར་པར་བྱོས་ཤིག །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་འགྱོད་ཚངས་ཀྱི་ཆོས་ཅི་ཞིག་བགྱིས་ན། སྡིག་བསལ་བར་རུང་བ་སངས་རྒྱས་ཀྱིས་
D243.066.0009b04.01བྱམས་ཤིང་ཐུགས་རྗེས་གཟིགས་ཏེ། བྱེ་བྲག་ཕྱེད་པར་བཤད་པར་སྨོན་ཏོ། །སངས་རྒྱས་ཀྱིས་བྱང་ཆུབ་སེམས་དཔའ་ནམ་མཁའ་མཛོད་ལ་བཀའ་སྩལ་པ། འགྱོད་ཚངས་བྱ་ན་ཡང་དག་པའི་བདེན་པའི་གཞུང་ལ་བརྟག་གོ། །ཡང་དག་པའི་བདེན་པའི་གཞུང་མཐོང་ན་
D243.066.0009b05.01སྡིག་གོ་ཅོག་ཐམས་ཅད་བསལ་ཏོ། །སངས་རྒྱས་ཀྱིས་ཚིག་འདི་སྐད་བཤད་ཟིན་ནས་དེའི་ཚེ་ཕལ་མང་པོ་བརྒྱ་སྟོང་ཁྲི་འབུམ་གྱི་སེམས་ཅན་མི་དང་མི་མ་ཡིན་པ་ལ་སོགས་པ་ཐམས་ཅད་ཀུན་སེམས་གཅིག་ཏུ་ཡང་དག་པའི་བདེན་པའི་གཞུང་གཅིག་ལ་བརྟགས་ཏེ། མཐོང་
D243.066.0009b06.01ཟིན་ནས་ལོག་སྲེད་འདོད་{མངས་,མང་}མོད་བཞིན་སྟན་ལས་ལངས་ཏེ་ལུས་སྨད་ལྔ་ས་ལ་གཏུགས་ནས་སངས་རྒྱས་ལ་གསོལ་པ། བཅོམ་ལྡན་འདས་བདག་གི་སེམས་ལ་མ་རིག་པ་མཆིས་པས་བརྟག་པ་བསླབས་མོད་ཀྱི་ཡང་དག་པའི་བདེན་པའི་གཞུང་མ་མཐོང་ངོ་། །ཐོག་མ་ཞེས་
D243.066.0009b07.01