完整藏文原文 · 德格版页 当前仅加载第 66 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་ཀུན་ཤིན་ཏུ་དགའ་གཞའ་སྟེ། ཁ་ཐ་དད་ཀྱིས་ཀྱང་ཚིག་འཐུན་པར་ཅིག་ཅར་སྨྲས་པ། སངས་རྒྱས་ཀྱིས་བྱམས་ཤིང་ཐུགས་རྗེས་གཟིགས་ཏེ། བདག་ཅག་རྣམས་ལ་བྱེ་བྲག་ཕྱེད་པར་བཤད་པར་སྨོན་ཏོ། །སངས་རྒྱས་ཀྱི་ཞལ་ནས་རིགས་ཀྱི་བུ་ཕོ་རྣམས་གྲོལ་ཐར་བར་
D243.066.0002b01.01འདོད་ན། འདོད་པའི་ཡན་ལག་བཅད་ལ་སེམས་གཉིས་སུ་མི་བསམ་པར་གཅིག་ཏུ་བསམས་ཏེ་ཡོད་པ་བསམ་པའི་སེམས་བཏང་ངོ་། །སེམས་ཀྱི་ངོ་བོ་ཉིད་ཀྱི་ཚུལ་ནི་སྟོང་པ་སྟེ། སེམས་ཀྱི་ངོ་བོ་ཉིད་ཀྱི་ནང་ན་འགོ་བའང་མེད་དོ། །གཏང་བའང་མེད་དོ། །བླང་བ་
D243.066.0002b02.01དང་གཏང་བ་མེད་ན་ཅིའང་ཐོབ་པ་མེད་དོ། །དེའི་མིང་ནི་བྱང་ཆུབ་བོ། །ཇི་ལྟ་ཞེ་ན། མྱ་ངན་ཕལ་མང་པོ་ཀུན་ནི་སེམས་གཅིག་ལས་སྐྱེས་སོ། །སེམས་མི་སེམས་ན་མྱ་ངན་ཀྱང་མི་སྐྱེ་སྟེ། འདུ་མཆེད་དང་། ཤེས་རབ་རྣམས་ལ་བླང་བ་དང་། གཏང་བ་མེད་དོ། །
D243.066.0002b03.01བླང་བ་དང་གཏང་བ་མེད་པ་འདོད་ཆགས་སོ་ཅོག་དང་བྲལ་ལོ། །འདོད་ཆགས་སོ་ཅོག་དང་བྲལ་ན་འདོད་པའི་ཡན་ལག་མེད་དོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་སེམས་ཅན་གྱི་འདུ་མཆེད་དང་། ཤེས་
D243.066.0002b04.01རབ་ཀྱི་ལེགས་ཉེས་སྐྱེ་ནུས་ཤིང་། ལན་བོན་ལྡང་བའི་གནས་ལགས་ཏེ། ཕྱི་ནང་མུ་གཉིས་ཀྱི་ཆོས་སོ་ཅོག་གཅིག་གི་ནང་དུ་གཅིག་ཞུགས་ནས། ཅིའི་སླད་ནས་དེའི་ནང་ན་བླང་བ་དང་། གཏང་བ་མ་མ་མཆིས་ཞེས་བགྱིར་རུང་། སངས་རྒྱས་ཀྱིས་བྱང་ཆུབ་སེམས་དཔའ་ནམ་
D243.066.0002b05.01མཁའ་མཛོད་ལ་བཀའ་སྩལ་པ། རིགས་ཀྱི་བུ་ཕོ་བསམ་གཏན་གཅིག་ཏུ་འདུས་པའི་ནང་དུ་ཞུགས་ལ་ཀུན་གྱིས་ཕྱི་ནང་དུ་བརྟགས་ན་ཐ་མར་ཡོང་མེད་དོ། །དེ་ཅིའི་ཕྱིར་ཞེ་ན། ནང་དུ་བལྟས་ནང་དུ་བརྟགས་ན་ཡང་དག་པའི་ངོ་བོ་ཉིད་ལ་སྐྱེ་བ་མེད། ཕྱིར་བལྟས་ཕྱིར་བརྟགས་ན་
D243.066.0002b06.01མ་རིག་པ་མི་ལྡང་། སྐྱེ་བའང་མེད། ལྡང་བའང་མེད་ན། མྱ་ངན་ལས་འདས་པའང་མེད་དེ། དེ་ནི་གཙང་གདང་བ་ཡིན་ནོ། །དེ་ནི་མཆོག་ཏུ་དགའ་བའི་སྨན་ཡིན་ནོ། །བྱང་ཆུབ་སེམས་དཔའ་ནམ་མཁའ་མཛོད་ཀྱིས་སངས་རྒྱས་ལ་གསོལ་པ། བཅོམ་ལྡན་འདས་ཡང་དག་
D243.066.0002b07.01