完整藏文原文 · 德格版页 当前仅加载第 66 函德格 12b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སྤྱོད་མེད་ལ་བཀའ་སྩལ་པ། སེམས་དྲང་པོ་ཞེས་བྱ་བ་ནི་སེམས་དྲང་པོ་སྤྱད་དེ་ཡང་དག་པར་གཤེགས་པའི་གཞུང་ཡིད་ཆེས་པར་བཤད་པ་ལ་བདག་གི་སེམས་བཞིན་མི་བཤད་པའོ། །རྫོགས་ཞེས་བྱ་བ་ནི་དགེ་བ་བཅུའི་གཞུང་རྫོགས་པ་དང་། བདེན་པ་
D243.066.0012b01.01བཞིའི་གཞུང་རྫོགས་པ་དང་། རྒྱུ་རྐྱེན་བཅུ་གཉིས་ཀྱི་གཞུང་རྫོགས་པ་དང་། ཕ་རོལ་ཏུ་ཕྱིན་པ་དྲུག་གི་གཞུང་རྫོགས་པ་དང་། གྲོལ་ཐར་པའི་གཞུང་རྫོགས་པ་ཡིན་ཏེ། དེ་ལྟ་བུའི་ཆོས་རྣམས་རྫོགས་ན་ང་ནི་སེམས་གཅིག་གི་ན་སངས་རྒྱས་ངོ་བོ་ཉིད་གཅིག་གི་སར་གཙང་
D243.066.0012b02.01མ་གཅིག་སྙོམས་པར་བཤད་ན། དེའི་མིང་རྫོགས་པར་བཤད་དེ་མི་གཡོ་བ་བཞིན་བཤད་ཅེས་བྱའོ། །ཅིའི་ཕྱི་ནས་ཤེས་བྱས་ན། ཆོས་སོ་ཅོག་ཐམས་ཅད་ཀུན་གཅིག་ཏུ་རྫོགས་པར་བཤད་པའི་ཕྱིར་རོ། །བྱང་ཆུབ་སེམས་དཔས་ཆོས་གཅིག་ཏུ་གཙང་མར་སྙོམས།
D243.066.0012b03.01དཔེར་མཚོ་ཆེན་པོ་གཅིག་གི་ཆུའི་ནང་ན་ནོར་བུ་རིན་པོ་ཆེ་རྣམ་པ་མང་དུ་ཡོད་པ་ལ་ཚོལ་བས་ཡིད་བཞིན་དུ་རྙེད་པ་དང་མཚུངས་སོ། །ཡང་དཔེར་ན་འཕྲུལ་གྱི་སྨན་ཏན་ཞེས་བྱ་བ་སྨན་གོ་འདུན་རྣམ་པ་མང་པོ་ལས་སྦྱར་ཏེ། ནད་དོ་ཅོག་གསོས་ན་སྨན་བཏང་བ་བཞིན་དུ་ཀུན་སོས་
D243.066.0012b04.01སོ། །སྙིང་གཙང་མ་གཅིག་ཏུ་སྙོམས་ན་སེམས་གཅིག་ཏུ་གཙང་། སངས་རྒྱས་ཀྱི་ངོ་བོ་ཉིད་གཅིག་ཏུ་གཙང་། ཆོས་ཀྱི་རྣམས་གཅིག་ཏུ་གཙང་སྟེ། མཉམ་སྙོམས་ན་ཆོས་ཀྱི་རྣམས་སྙོམས་ཏེ། དེ་ལྟ་བུར་བཤད་པ་ནི་གཙང་མར་བཤད་པ་ཡིན་ནོ། །གཞན་ལྟར་བཤད་པ་ནི་
D243.066.0012b05.01སྨེ་བར་བཤད་པ་ཡིན་ནོ། །ཅིའི་ཕྱི་ནས་ཤེས་བྱས་ན་སེམས་ཅན་ཐམས་ཅད་ཀུན་ལ་སངས་རྒྱས་ཀྱི་ངོ་བོ་ཉིད་ཡོད་དོ། །སངས་རྒྱས་ཀྱི་ངོ་བོ་ཉིད་མེད་པ་མེད་དེ། ཚོར་བ་ལ་ཉེ་རིང་ཡོད་དུ་ཟད་དོ། །རྩ་བའི་ཕྱི་མོ་བཞིན་དུ་ཐེག་པ་ཆུང་ངུའི་མི་ལ་ནི་ཐེག་པ་ཆུང་ངུའི་ཆོས་བཤད།
D243.066.0012b06.01ལོག་སྲེད་ཀྱི་མི་ལ་ནི་ལོག་སྲེད་ཀྱི་ཆོས་བཤད་ན་དེའི་མིང་ནི་སངས་རྒྱས་ཀྱི་ཆོས་ལམ་ཡོན་པོར་བཤད་པ་ཞེས་བྱ་སྟེ། སངས་རྒྱས་ཀྱི་ངོ་བོ་ཉིད་འཆད་པ་དང་། སངས་རྒྱས་ཀྱི་སྐུ་ལུས་མེད་པར་འཆད་པའོ། །དེ་ལྟ་བུར་ཆོས་འཆད་པའི་མི་ནི་བསྐལ་པ་བརྒྱ་སྟོང་ཁྲིའི་བར་དུ་
D243.066.0012b07.01