完整藏文原文 · 德格版页 当前仅加载第 82 函德格 63b 版页；藏文 NFD、目录标记与异常页序保留在来源切片中，重复版页行以稳定序号区分。
སོགས་ཅན་བྱས་ནས། །སླར་ཡང་དེ་ཉིད་ལ་སྦྱར་བྱ། །ཁྲུ་གང་ཙམ་ལས་འདས་པར་ནི། །ཟླ་བའི་དཀྱིལ་འཁོར་བསྒོམ་པར་བྱ། །རྡོ་རྗེ་རལ་གྲི་ཡང་དག་བསྐྱེད། །འཇིག་རྟེན་ཁམས་ནི་ཡོངས་བགྲོད་བྱ། །པདྨ་དཀར་པོའི་འོད་འབར་ཏེ། །བྱང་ཆུབ་སེམས་
D452.082.0063b01.01ཀྱིས་རྣམ་པར་བརྒྱན། །དབུས་སུ་རང་གི་ལྷ་ཡི་གཟུགས། །གཞོགས་སུ་བཙུན་མོ་དགོད་པར་བྱ། །ཆོ་ག་ཤེས་པས་དེ་ལྟར་གཟུང་། །རང་གི་རྡོ་རྗེ་དེ་ལ་གཞུག །འཇིག་རྟེན་ཁམས་ནི་ཐམས་ཅད་དུ། །སངས་རྒྱས་དེ་ཉིད་ཀྱིས་མཆོད་བྱ། །ཞེས་
D452.082.0063b02.01བཅོམ་ལྡན་འདས་ཀུན་ཏུ་བཟང་པོས་གསུངས་སོ། །ཇི་སྲིད་ཡང་དག་ཐོབ་སྦྱོར་སྐྱེས། །སྔགས་པས་སླར་ནི་བསྡུ་བར་བྱ། །མཐོ་གང་ཙམ་ལས་འདས་པར་ནི། །ཉི་མའི་དཀྱིལ་འཁོར་བསྒོམ་པ་ནི། །རང་གཟུགས་ཤིན་ཏུ་བརྟན་བྱས་ནས། །ལྷ་ལ་སོགས་པ་
D452.082.0063b03.01རྣམ་པར་བསྒོམ། །སྙིང་གར་སྔགས་ཀྱི་ཡིག་བྱིན་ནས། །སངས་རྒྱས་ཀུན་ནི་མཆོད་པར་བྱ། །མཐོ་བདུན་ཙམ་ལས་འདས་པར་ནི། །དཀྱིལ་འཁོར་བཞི་ནི་སྒོམ་པར་བྱེད། །ལྷ་ཡི་གཟུགས་ཀྱི་དབུས་གནས་པར། །སྙིང་གར་དེ་ལ་བསྒོམ་པར་བྱ། །ཞེས་
D452.082.0063b04.01བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །རང་གཟུགས་སྤྱན་ཞེས་བྱ་བར་ནི། །བྱས་ནས་སངས་རྒྱས་རྣམ་པར་བསྒོམ། །ཐུགས་ཀ་ཉིད་དང་ཐམས་ཅད་དུ། །མཁས་པས་རང་གཟུགས་བསྒོམ་པར་བྱ། །དེ་རུ་སྙིང་པོའི་ཚུལ་གྱིས་ནི། །སེམས་
D452.082.0063b05.01དཔའི་རྣལ་འབྱོར་རྣམ་པར་བསྒོམ། །རྒྱང་གྲགས་ཙམ་ལས་འདས་པར་ནི། །སངས་རྒྱས་གཟུགས་ནི་རྣམ་བསྒོམ་བྱ། །གཟུགས་ཀྱིས་ནམ་མཁའ་འགོངས་པར་ནི། །སྙིང་པོ་རྣམས་ལས་ཡང་དག་བསྐྱེད། །རྒྱང་གྲགས་ཙམ་ལས་འདས་པར་ནི། །གསལ་བའི་
D452.082.0063b06.01དཀྱིལ་འཁོར་བསྒོམ་པ་ནི། །རང་གི་རྣལ་འབྱོར་ལེགས་བརྟན་བྱས། །སངས་རྒྱས་ཡང་དག་རྣལ་འབྱོར་བསྒོམ། །རྒྱང་གྲགས་ཙམ་ལས་འདས་པར་ནི། །བྱང་ཆུབ་སེམས་ནི་རྣམ་པར་བསྒོམ། །ལྷ་ནི་ཡང་དག་བསྐྱེད་ནས་ནི། །སྔགས་ཀྱི་ཡི་གེ་རྣམ་པར་
D452.082.0063b07.01