完整藏文原文 · 德格版页 当前仅加载第 82 函德格 79b 版页；藏文 NFD、目录标记与异常页序保留在来源切片中，重复版页行以稳定序号区分。
བོ་ཆེན་པོ་རྟ་ཞེས་པ། །སྒོ་རྣམས་ཉིད་དུ་རྣམ་བསམ་བྱ། །ཆོས་ཀྱི་རྣལ་འབྱོར་ཐམས་ཅད་ལ། །འདོད་ཡོན་ལྔ་ཡིས་མཆོད་པར་བྱ། །རྡོ་རྗེ་སེམས་དཔའ་ཡང་དག་བསྐྱེད། །གཞོགས་སུ་རྣམ་པར་བསྒོམ་པར་བྱ། །ཁུ་བ་ཉིད་ཀྱིས་ནམ་མཁའི་ཁམས། །
D452.082.0079b01.01རིན་ཆེན་གང་བར་རྣམ་བསམ་བྱ། །ཇི་ལྟར་རིགས་པར་ཆོས་ཀྱི་སྐུ། །དེ་ཉིད་སྦྱོར་བས་མཆོད་པར་བྱ། །འདོད་ཆགས་ཀྱི་ཆོས་ཞེས་བྱ་བའི་བསམ་གཏན་ཆེན་པོའི་གསང་ཆེན་རྫོགས་སོ།། །།དེ་ནས་ཕྱག་ན་རྡོ་རྗེས་སླར་ཡང་དམ་ཚིག་ཐམས་ཅད་འབྱུང་
D452.082.0079b02.01བའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། འདོད་ཆགས་ཐམས་ཅད་ཀྱི་ཚུལ་ཞེས་བྱ་བའི་བསམ་གཏན་གྱི་དཀྱིལ་འཁོར་ཆེན་པོ་འདི་གསུངས་སོ། །སྐུ་ཡི་དཀྱིལ་འཁོར་ཚུལ་གྱིས་ནི། །ཐམས་ཅད་དེར་ནི་རྣམ་བསམ་བྱ། །ཤར་དུ་
D452.082.0079b03.01དགྲ་རྣམས་ངེས་འཇོམས་པ། །སྣ་ཚོགས་མདོག་ཏུ་རྣམ་བསམ་བྱ། །ལྷོ་རུ་མེ་ཏོག་ཡང་དག་སྦྱོར། །ངོ་བོ་ཉིད་ཀྱིས་བསྒོམ་པར་བྱ། །ནུབ་ཏུ་ཡེ་ཤེས་ཡང་དག་དག །ཞི་བའི་གཟུགས་ནི་རྣམ་བསམ་བྱ། །བྱང་དུ་རྣམ་རྒྱལ་ཞེས་བྱ་ཡང་། །བརྩོན་
D452.082.0079b04.01པའི་བསམ་པས་བསྒོམ་པར་བྱ། །དབུས་སུ་འདོད་མཆོད་ཡང་དག་སྦྱོར། །རང་གི་གཟུགས་ཀྱི་སྒོམ་པ་ལས། །ཆོ་གས་འདོད་པའི་དབང་ཕྱུག་མར། །བསམ་བྱ་སེམས་པའི་བདག་ཉིད་ཅན། །ཆོ་ག་ཤེས་པས་པདྨའི་ཕྱག །གྲྭ་རྣམས་ཉིད་དུ་རྣམ་
D452.082.0079b05.01བསམ་བྱ། །འདོད་ཡོན་ཀུན་གྱིས་མཆོད་པ་ལ། །མཆོད་པར་བྱས་ནས་མཆོད་པར་བྱ། །རྡོ་རྗེ་སེམས་དཔའ་དེ་ཕྱུང་ནས། །གཞོགས་སུ་རྣམ་པར་བསམ་པར་བྱ། །ཁུ་བ་འདོད་མཆོད་ཚུལ་གྱིས་ནི། །བསྐྱེད་ནས་ཁྱབ་བདག་མཆོད་པར་བྱ། །འདོད་
D452.082.0079b06.01པའི་སློབ་དཔོན་གྱིས་བརྟག་བྱ། །མཆོད་པ་ལ་སོགས་ཡོངས་སུ་གཟུང་། །འདོད་ཆགས་ཐམས་ཅད་ཀྱི་དམ་ཚིག་བསམ་གཏན་གྱི་དཀྱིལ་འཁོར་ཆེན་པོ་རྫོགས་སོ།། །།འདི་ཉིད་ཀྱི་ནི་དཀྱིལ་འཁོར་དུ། །སངས་རྒྱས་སློབ་དཔོན་རྟག་ཏུ་བྱ། །ཐམས་
D452.082.0079b07.01