完整藏文原文 · 德格版页 当前仅加载第 82 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་བརྗོད། །ཞི་ལ་རྡོ་རྗེ་སློབ་དཔོན་གྱི། །སྙིང་གའི་དབུས་སོན་རྣམ་བསྒོམ་བྱ། །ཡིད་བཞིན་ནོར་བུ་ལག་བསམས་ནས། །འདི་ནི་དག་པའི་ཚུལ་མཆོག་གོ། །རྣམ་པར་སྣང་མཛད་གཟུགས་བརྙན་ཆེ། །པདྨའི་ཡོན་ཏན་འབྱུང་བ་ལ། །
D452.082.0099a01.01གཟུགས་ནི་འདོད་ཆགས་རིགས་མཆོག་གོ། །གཟུགས་ནི་འདོད་མཆོད་རྡོ་རྗེ་ཅན། །ལས་བཞིའི་རབ་ཏུ་དབྱེ་བ་ལས། །སྔགས་ཀྱི་ཡི་གེ་དགོད་བྱས་ནས། །བཅོམ་ལྡན་འདས་གསང་བའི་སྦྱིན་སྲེག་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ། །གཉིས་སུ་
D452.082.0099a02.01མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དེ་བཞིན་གཤེགས་པ་ཐམས་ཅད་ཀྱི་སྔགས་ཡིད་བཞིན་ནོར་བུའི་ལེའུ་སྟེ་ཉི་ཤུ་པ་རྫོགས་སོ།། །།དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་
D452.082.0099a03.01སྟོབས་ཀྱི་སྔགས་ཀུན་ལས་བཏུས་པ་ཞེས་བྱ་བའི་སྙིང་པོའི་ལེའུ་འདི་གསུངས་སོ། །སངས་རྒྱས་རྡོ་རྗེ་ཆོས་ཆེན་པོ། །འདོད་པའི་དམ་ཚིག་དགྱེས་པ་པོ། །སྔགས་རྣམས་ཐམས་ཅད་ཡང་དག་དམིགས། །དེ་ཡི་བསམ་གཏན་རབ་བསྐུལ་བྱ། །དམ་ཚིག་
D452.082.0099a04.01ཡེ་ཤེས་སངས་རྒྱས་ཀུན། །རིགས་དམིགས་དཀྱིལ་འཁོར་ཚུལ་གྱིས་ནི། །གཟུགས་ནི་སངས་རྒྱས་མཚུངས་པའི་འོད། ཨྃ་ཡིག་ཡེ་ཤེས་དབྱེ་བ་ཡིས། །འདི་ནི་རྡོ་རྗེའི་ཚུལ་བསྟན་པའོ། །རལ་པའི་ཅོད་པན་ལོངས་སྤྱོད་པ། །ཁ་དོག་དཀར་པོ་ཤིན་
D452.082.0099a05.01ཏུ་མཛེས། །ཕྱག་བཞི་པ་ལ་སྤྱན་ཡངས་པ། །མེ་སྟག་འཐིབས་པས་ཀུན་དུ་འཁྲུགས། །རྣལ་འབྱོར་མཆོད་ཕྱིར་ཐོགས་ལ་སོགས། །བརྒྱན་ཅིང་དཀྱིལ་འཁོར་ལ་སོགས་པ། །ཅོད་པན་དུ་ནི་རྡོ་རྗེ་སེམས། །མཛེས་པའི་གཟུགས་ནི་རྒྱལ་བའི་
D452.082.0099a06.01གཞི། །དབང་པོ་གཉིས་ཀྱི་རབ་སྦྱོར་བས། །འདི་ནི་བསམ་གཏན་ཚུལ་མཆོག་གོ། །སྐུ་ཡི་རྡོ་རྗེའི་སོགས་སྦྱོར་གྱིས། །མངོན་ཤེས་ལྔ་ཡི་རབ་སྦྱོར་ལས། །རྐང་གཉིས་མཆོག་དེ་ཉིད་ཤེས་པས། །ཐོད་པ་ཅན་གྱི་གཙོ་བོར་བརྗོད། །སངས་རྒྱས་ཀུན་
D452.082.0099a07.01